1 Pheeturu 4:14 - Hapari Zooshapweya

¹⁴ Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.

1 Pheeturu 4:14 Referans Kwoze

1 Pheeturu 3:14

Khwa zooshi, hatha nkhama mwintta ohoowa mwaasa wa weettettisa shariya, mweeyo mwinttela wiiya oparikhiyiwa. “Mwihoove epile yo anoovaaye, mwihisuthuwe.”

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

Matewuzhu 5:11

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo.

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

2 Akorintiyu 12:10

Tiito khwa pheta ya Al-Masiihu, kinfurahi muutteettheya mwaka, muuttukhaniwa, ntafwawuthi, muulupatthiwa na muuthunku. Amana kiiya woottettheya ti kiniiyaaye wookhomaala.

Yaahaya 15:21

Zooshi epo anlawa ooretteleni mweeyo, mwaasa wa nzina laka, maana khaninjuwa otule akirumiyeeyo.

Tiyaaku 5:11

Moone, fweeyo ninoona oparikhiyiwa apale anthonyezaaye nthiti. Mweeyo mwasiila elupiwaka ovilela wa Ayupa na mwinjuwa omwiisho waya nanna Nluku amparikhiyiyeezo, mwaasa yoori Mbwana ona huruma yawaatta na tthakaraka.

Khaazi 13:45

Mayaahuuti noowoona atthu apale, khuwaata nrima na khusala anttukhana Paawulu na okheeti mattakhuzi apale aari olupaaye.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

Meepereewu 11:26

Ye aakhupaleliye yoori ti ya fwayita ohoochiwa na otarawiwa mwaasa wa Al-Masiihu maali khuluyeene zayita wiiyana majuju ooshi a Misuri, maana aari woona phakari yawe.

Akaalata 1:24

Na yo khumwinkha siifwa Nluku mwaasa wa miiyo.

Yaahaya 9:34

Mayaahuuti khunjipu yoori: “Weeyo wavokoliwa ntwampi; onaaye makhaamu oonisomisa fweeyo?” Attaaphale khumwiikara.

Yaahaya 9:28

Aphano khunttukhana na khulupa yoori: “Nakhiyoni awe ti weeyo! Fweeyo na anakhiyoni a Munsa!

Yaahaya 8:48

Mayaahuuti khumuuza Yinsa yoori: “Fweeyo khanivonyeleeni olupa yoori weeyo o nsamariiya na onaaye sheethwani.”

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

2 Pheeturu 2:2

Atthu enkeene anteela olottela tarikhi zoopatthisa haaya za atthu atthaapo, na mwaasa wa atthaapo enttela otaraweya tarikhi ya haakhi.

Khaazi 18:6

Ila mwaasa wa yo wiiphiiriwa ti Paawulu na okufuru, ye khulankha khutatha ajapi yawe khulupa yoori: “Ekwele veeshwa venu, taamu yenu! Miiyo Paawulu akina hatha paathuli. Mpakha apha, kineetta wa amalapo.”

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

Khaazi 28:22

Khwa attaapho naari otakha osiila khwa phantte yawo shawuri oriinaazo, maana najuwa yoori wakhula vahali enttakhuliwa vitthu zootakhala monkoni wa khuntti eti.”

2 Akorintiyu 4:10

Wakhula swaafu va mwiili nintana ofwa wa Yinsa, yoori theenya ohaayi wa Yinsa othoonyezeye va mwiili veetthu.

2 Akorintiyu 4:16

Tiito nihittettheye, hatha nkhama mwiili eetthu ontta ojeya, rooho yeetthu envira elanseleyaka siikhu zooshi.

1 Pheeturu 4:16

Khwa zooshi, nkhama onhoowa mwaasa wa wiiya namalottela wa Al-Masiihu, ehimpatthe haaya, ila ansifu Nluku mwaasa wiiyana nzina la onamalottela wa Al-Masiihu.