1 Pheeturu 4:11 - Hapari Zooshapweya

¹¹ Otule anttakhulaaye, attakhule nkhama antafusiraaye nttakhuzi la Nluku; otule anrumeyaaye ti arumeye khwa kuvu enkhiweeyo ti Nluku, yoori khwa vitthu zooshi Nluku asifwiwe khwa Yinsa Al-Masiihu, otule eeyiye ottitthima na owahi khwa mileele. Amiina.

1 Pheeturu 4:11 Referans Kwoze

1 Akorintiyu 10:31

Etthiipo, hatha nkhama mweetta oja, mweetta onywa, ama oretta wakhula etthu, mwirette zooshi khwa siifwa ya Nluku.

Ayeefezu 6:10

Omwiisho waya, mwiiye wookhomaala khwa Mbwana na kuvu za owahi nwulweene ariinaaye.

1 Pheeturu 4:10

Mwirumeyelane mmote na nzeenu, wakhula ntthu khwa tthuvo enkhiweeyo, mwirumeyelaka wa wawamineyavo rehema ya Nluku etile mwipwekheriyeeyo khwa nanna nannazene.

Khaazi 7:38

Ti Munsa othuuto aathukumaniyeeyo na atthu a Ezirayiilu amarehemu apapazetthu n'yaara, aari vamote na nlayikha vamwaako Sinaayi. Khupwekherela khwa ye hapari za khweele khunifiisela fweeyo.

Ayeefezu 4:29

Nkhanyo mweenu lihilankhemo hatha nttakhuzi limote lootakhala, ila alankhemo mattakhuzi ooshapweya anwahaaye owaajeka azeenu khwa nanna enihithajiyaaye, yoori litane rehema vakatthi wa atthu apale ansiilaaye.

Arooma 3:2

Zawaatta, khwa nanna zooshi onaaye fwayita, maana weekhweele mayaahuuti pi yo enkheleliweeyo nttakhuzi la Nluku omwanzo.

Tiyaaku 1:19

Attwiizaku aphetani aka, mwijuwe mattakhuzi apa, wakhula ntthu eeye woosiileza saana, woorupaza ottakhula na woorupaza okatipukha.

Akoloosu 4:6

Ottakhula weenu wiiye wootuva, woolukiwa mwiinyu, yoori mwijuwe nanna ya onjipu wakhula ntthu.

1 Akorintiyu 12:4

Ziwaapho nanna za tthuvo zoofwarikhana, ila Rooho moote.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

Yuuda 1:25

Nluku paasi, Namuusuru eetthu, eeye siifwa, nwulweene, nwahi na mfwalume, khwa Yinsa Al-Masiihu, Mbwana eetthu, khwa wakathi wooshi, nasaapi mpakha mileele! Amiina!

Meepereewu 5:12

Maana mweeyo mwaarina ya wiiya anamanozela, ila nasaapi eti onuuhithajiyani ntthu wa wuunozelani opheya vitthu za masomi a mwanzo a nttakhuzi la Nluku. Linuutakhani leethi khahiyo etthu yoojiwa yookhomaala.

1 Timootiyu 6:16

Ye otthwe khanfwa na oniikhala nnuuru ehinaattameyaaye, khina anamoone, wala anwahaaye omoona. Ottitthimisiwa wiiye wawe na owahi khwa mileele. Amiina.

1 Timootiyu 1:17

Apho, Mfwalume wa mileele attottopeliwe na asifwiwe siikhu zooshi, Ye ahinifwaaye wala ahinooneyaaye, Nluku mmote othuuto. Amiina!

1 Akorintiyu 3:10

Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

1 Pheeturu 5:11

Owahi ori khwa ye mileele. Amiina.

Tiyaaku 1:26

Ntthu amana ajoona wiiya natiini, ila khuhisala eenanela nlimi lawe, onjihata mweenyewe na tiini yawe khina fwayita.

Afiliipu 2:11

Na malimi ooshi atukhuru yoori Yinsa Al-Masiihu ti Mbwana, khwa siifwa ya Nluku Paapa.

Ayeefezu 5:20

Woohilikheleli onshukhurwela Nluku Paapa khwa zooshi, khwa nzina la Mbwana eetthu Yinsa Al-Masiihu.

1 Akorintiyu 6:20

Mweeyo moozanyiwa khwa hisapu khuluyeene; apho mwinttitthimise Nluku na mwiili enu.

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

Arooma 16:27

aaa, Nluku mmote paasi wa akhili enkhiwe siifwa mileele zene, khwa Yinsa Al-Masiihu. Amiina.

Yaahaya 13:31

Wakathi Yuuda aliyeevo, Yinsa khulupa yoori: “Nasaapi Mwaana wa Pinaatamu onsifwiwa, na Nluku onsifwiwa khwa ye.

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

Ayeefezu 1:19

na miiyo kinlompa yoori mwijuwe nanna ohinlikananiwaayo owula wa owahi ariinaaye khwa fweeyo nikhupaliyeeyo, nkhama etthiipo onkholaazo khaazi vakatthi veetthu khwa owahi wa kuvu zawe.

1 Atizaloonika 2:4

olikha toowo, nkhama atthu ookhupaliwa ti Nluku, mpakha khuninkha olaleya hapari zooshapweya, khaninttakhula yoori niwaatuvelise atthu, ila Nluku, aninzaanaaye rooho zeetthu.

Tiitu 2:1

Ila weeyo, olupe epile ziriye nkatthi wa masomi oolotteya.

Tiitu 2:15

Pi vitthu oriina ya osomisa, owaalipiselaka owaashoweraka na ofwalume. Woohitarawiwi ti hatha ntthu.

Meepereewu 13:7

Mwiwuupuwele atthu apale oolokozeliyeenini, aari wuutafusirelaanini nttakhuzi la Nluku. Mwipheleleze saaneene mishumo za ohaayi aya, mweezele amini ethiito aariinaaye.

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

1 Pheeturu 4:16

Khwa zooshi, nkhama onhoowa mwaasa wa wiiya namalottela wa Al-Masiihu, ehimpatthe haaya, ila ansifu Nluku mwaasa wiiyana nzina la onamalottela wa Al-Masiihu.