1 Pheeturu 3:9 - Hapari Zooshapweya

⁹ Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

1 Pheeturu 3:9 Referans Kwoze

Arooma 12:17

Mwihinriphe ntthu yootakhala khwa yootakhala. Mweekese oretta vitthu zoolotteya vakatthi wa atthu ooshi.

Arooma 12:14

Mwiwaaparikhiye apale anuulupatthanini; mwiwaaparikhiye, na mwihiwaalaani.

1 Atizaloonika 5:15

Mwiiyane phoole yoori ahiiyevo anriphaaye yootakhala khwa yootakhala, ila mwiiye akemaani mileele mmote na nzeenu na khwa atthu ooshi.

Matewuzhu 5:44

Ila miiyo kiniwuuzani yoori, mwiwaaphete maatuwi enu na mwiwaalompele apale anuulupatthanini,

Ayeefezu 4:32

Mwiiyane emaani na azeenu, ovilelana mmote na nzeenu, oswaamihana nkhama etthiipo Nluku ooswamihiyeenini khwa Al-Masiihu.

Matewuzhu 5:39

Ila miiyo kiniwuuzani yoori, mwihiweezele atthu otakhala rooho. Amana ntthu oopwakula nlaku limote onzukulisele ntthi likina.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Meepereewu 6:14

araka: “Weekhweele kinteela wuuparikhiya na kaattise ojama yawo.”

Luuka 18:18

Nttunkhulu mmote khumuuzela Yinsa yoori: “Mwaaliimu saana, kirette niini yoori kipatthe ohaayi wa mileele?”

Luuka 10:25

Nooretta toole, namanozela mmote wa kano khulankha yoori amweeze Yinsa khuri: “Mwaaliimu, kirette niini yoori kipatthe ohaayi wa mileele?”

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Arooma 8:30

Apale awathawuliyeeyo, awaakhuwela; apale awaakhuweliyeeyo, awaahakikhi; apale awaahakikhiyeeyo, awaattitthimisa.

Maaruku 10:17

Wakathi Yinsa aari weettelaaye osaruwa, mwinyi mmote khutthira amweettelaka khulawa khunkokhorela na khumuuzela yoori: “Mwaaliimu woosaana, kirette niini yoori kipatthe ohaayi wa mileele?”

Mwanzo 42:25

Elottelanaka Yuusufu khuwaaruma anakhaazi awe wiitaaza tiriku visurupa za attwiize na owaarutisela nzurukhu aya sirini atthaaka nvisurupa nttumpho, na owenkha etthu yooja ntarikhi. Khurettiwa etthiipo.

Akaalata 3:14

Epo zaretteya yoori parakha etile Nluku amwaahitiyeyo Eburahiima ewaafiyele amalapo khwa Yinsa Al-Masiihu, yoori khwa amini nipokhere Rooho Nluku ahitiyeeyo.

Meepereewu 12:17

Nkhama etthiipo mwijuwiyeezo rakuzeene yoori atakhaka orithi parakha, ettiye okatthaleliwa, na khuhijuwi nanna ya ozukulisa ojilakelela wawe, eekesiyeru pure parakha khwa olila.