1 Pheeturu 3:21 - Hapari Zooshapweya

²¹ Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,

1 Pheeturu 3:21 Referans Kwoze

Maaruku 16:16

Otule ankhupalelaaye na khoosiwa ontta wuusurukha, ila otule ahinkhupalelaaye oniiyana paathuli.

Khaazi 2:38

Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.

Akaalata 3:27

Maana mooshi mweeyo moosiweeyo khwa Al-Masiihu, mwanwala Al-Masiihu.

Khaazi 22:16

Aphano onrupazela ni? Olankhe olawe woosiwe na woose twampi zawo, okhuwelaka nzina lawe.’

Ayeefezu 5:26

yoori atwahareshe attakatthisaka, oosaka na maati khwa nttakhuzi lawe,

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

1 Akorintiyu 12:13

Maana khwa mwiili mmote paasi noosiwa khwa Rooho moote: waaza mayaahuuti, akereeku, mpakha amwiitthwaana, hatha apale ootaphuliwa, fooshi napwekhera Rooho moote paasi.

Akoloosu 2:12

Epo zarettikhana paata ya mweeyo ozikhaniwa Al-Masiihu khwa njampo la woosa, na mwasisimuliwa na ye khwa amini ya owahi wa Nluku opule onsisimuliyeeyo muufwa.

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Meepereewu 9:24

Maana Al-Masiihu khavireeni omwimpari waattaliwa pi makhono a atthu wiiyiye weezela wa mwimpari opule wookhweele; ye alawa pinkuuni, ojithoonyeza nasaapi mmakhono wa Nluku khwa zwaamu yeetthu.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

1 Akorintiyu 4:6

Attwiizaku, vitthu epi karumeyela miiyo na Apoolu, mwaasa wa pheta yenu mweeyo, yoori mwijinozele khwa fweeyo maana aya: “Mwihichirise etile yaatikhiweeyo”. Etthiipo ahiiyevo anjikhupalanaaye ntthu mmote, khuntarawu nkina.

Khaazi 16:33

Wakathi otthuupule woosikhu, namweekesela otule khoosa makhwatta aya, na ye khulawa khoosiwa na ajamaaze ooshi.

Khaazi 8:36

Ari ntarikhi eettaka olawa, khufiya vahali aarivo maati. Mwiitiyoopiya otu khumuuza Filiipe yoori: “Apha awaapho maati. Niini enkhattazaaye woosiwa miiyo?”

Arooma 5:14

Maana ofwa weeyavo thanku wakathi wa Adamu mpakha wa Munsa, hatha apale ahiretteeni twampi zoolattanana koosa za Adamu, othuuto aari nkhama otule aari weettelaaye ota.

Meepereewu 11:19

Eburahiima aari ojuwa yoori Nluku aarina owahi wa omwinkha ohaayi mwanawe, hatha nkhama eetta ofwa. Na khwa nanna ethiito, Eburahiima ampwekherela mwanawe, anlazaka muufwa.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

1 Timootiyu 1:5

Maana a masomi aya apa ophetana wa rooho yookemaani, na ojuwa othawula yooshapweya vakatthi wa yootakhala, na amini yohiiyi yoonaafikhi.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.

Meepereewu 13:18

Mwinilompele, maana ninkhupalela yoori akhili zeetthu pi zooshapweya, nitakhaka yoori niikhale wooshitaheya khwa vitthu zooshi.

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

Yaahaya 13:9

Simawu Pheeturu khulupa yoori: “Mbwana, khayi moolu aka paasi na theenya na makhono aka na eeshwa yaka!”

Khaazi 8:37

Filiipe khunjipu yoori: “Khahi haraamu amana okhupali na rooho yawo yooshi.” Ye khujipu yoori: “Miiyo kinkhupali yoori Yinsa Mwaana wa Nluku.”