1 Pheeturu 3:11 - Hapari Zooshapweya

¹¹ Owerawere vitthu zootakhala na orette vitthu zooshapweya; weekese heeri khwa nthiti.

1 Pheeturu 3:11 Referans Kwoze

Matewuzhu 5:9

Ooparikhiyiwa pi apale antisaaye heeri, maana anteela wiitthiwa aana a Nluku.

Meepereewu 12:14

Mwijilipisane wiikhala khwa heeri na atthu ooshi na yoori mwiiye attakatthiifu; noohiina ottakatthifu, khina anttelaaye omoona Mbwana.

Arooma 14:19

Tiito, nijilipise weekesa zooshi entanaaye heeri na okhomaazana mmote na nzeetthu.

Akoloosu 3:15

Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.

Arooma 14:17

Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Arooma 12:18

Mwirette thenke ya weekesa wiikhala na heeri khwa atthu ooshi.

3 Yaahaya 1:11

Mphetani aka oheezele vitthu zootakhala ila weezele vitthu zooshapweya. Otule anrettaaye zooshapweya tu wa Nluku; otule anrettaaye zootakhala khanamoone Nluku.

Tiyaaku 4:17

Nakataalikha otule anjuwaaye yoori ona yooretta saana ila khuhisala aretta, ompattha twampi.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

Akaalata 6:10

Nakataalikha wakathi ninwahaaye, niwaarettele zooshapweya atthu ooshi, haaswa haaswa apale a ojama nkatthi wa amini.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Arooma 8:6

Akhili za onaatamu ofwa, ila akhili za Rooho ya Nluku ohaayi na heeri;

Arooma 7:21

Aphano, kinsikana kano eniikhalaaye khwa miiyo: kitakhaka oretta yooshapweya, zootakhala ziniiya vamote na miiyo.

Arooma 5:1

Aphano nihakikhiweevo ti Nluku khwa amini, ninaaye heeri na Nluku khwa Mbwana eetthu Yinsa Al-Masiihu.

Yaahaya 17:15

Akinuuvekela yoori owaalazevo voolumwenku, ila oweenanele khwa ntakhali.

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Matewuzhu 5:45

yoori mweeyo mwiretteye wiiya aana a Papeenu ariiye pinkuuni. Maana ye oniwaatthamushela njuwa apale anrettaaye zooshapweya na apale anrettaaye zootakhala. Na oniwenkha vuula anashariya na apale ohitakhi shariya.

Arooma 7:19

Maana akinretta yooshapweya etile kintakhaaye, ila yootakhala kihintakhaaye, eto kinkhanyarela oretta.

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

Luuka 6:9

Aphano Yinsa khuwoozela yoori: “Ensuhaaye orettiwa Saapatu ti tiivi? Yooshapweya ama yootakhala, wuusuru ama wuula?”

Luuka 1:79

ewaamwasikhele apale ari n'yiiza na vamwiivuuli woofwa, yoori eneettettise ntarikhi ya heeri.”

Maaruku 14:7

Maana asikhini aniiya vamote na mweeyo wakhula siikhu, na mwinwahi owaawuni mwitakharu. Ila miiyo akinteela wiiya vamote na mweeyo mileele.

1 Pheeturu 3:12

Maana maasho a Mbwana ari khwa atthu apale a shariya na mashiilo awe ansiileza lompa zaya, ila Mbwana oniwaanoza enyokonyoko apale anrettaaye vitthu zootakhala.”