1 Pheeturu 2:24 - Hapari Zooshapweya

²⁴ Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Pheeturu 2:24 Referans Kwoze

Matewuzhu 8:17

Khwa etthiipo khurettikhana epile zaalupiweeyo ti napiyu Ezaaya yoori: “Ye athuula marati eetthu na apwechera moolwele eetthu.”

Arooma 6:11

Khwa nanna etthiipo, mwijoone mwifwiiye khwa twampi, ila mwiri haayi khwa Nluku, nkatthi wa Yinsa Al-Masiihu.

Othoonyeziwa 22:2

vakatthi wa tarikhi khuulu ya sitati. Wakhula phantte ya muuttho waarivo muutthi wa ohaayi, oniimaaye swaafu khumi na piiri wakhula mwaakha, swaafu moote khwa wakhula mweezi. Mathapa a muutthi aya ana fwayita ya ovonisa khapila zooshi.

1 Yaahaya 2:29

Nkhama mweeyo mwinjuwa yoori ye nashariya, mwijuwe theenya yoori wooshi otule aneettettelaaye shariya avokoliwa ti ye.

Tiyaaku 5:16

Nakataalikha, mwisala mwitukhuru twampi zenu mwiwoozaka azeenu na olompelana mmote na nzeenu yoori mwivonisiwe. Lompa ya nashariya ena owahi nwulweene.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

Akoloosu 3:3

Maana mweeyo mwafwa, na nasaapi ohaayi enu wavithiwa ti Al-Masiihu khwa Nluku.

Arooma 6:13

Mwihinkhe phantte za mwiili enu ntwampi, nkhama zaana zohiiyi za shariya. Ila mwimwinkhe Nluku nkhama atthu mwirutiyeeyo muufwa khweetta muuhaayi; na mwimwinkhe mwiili enu nkhama zaana za shariya.

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Arooma 7:6

Ila nasaapi, nifwelaka etile raku yaanifukiyeeyo, nataphuliwa nkatthi wa kano, yoori ninrumeyele Nluku khwa nanna pheeya ya Rooho na woohiiyi nanna ya mwentto opule wa raku wa kano zawaatikhiwa.

1 Yaahaya 3:7

Mweeyo aanaaka, mwihinlikhelele ntthu oohatakani. Wakhula otule aneettettisaaye shariya nashariya, nkhama etthiipi naye eeyiyeeyo nashariya.

Arooma 6:7

Nakataalikha otule afwiiye ataphuliwa twampi.

Arooma 6:16

Khamwinjuwa yoori, amana ntthu ajinkha mmakhono wa ntthu yoori asala anshututela nkhama mwiitthwaana, oniiya mwiitthwaana wa othuuto aninshututelaaye: mwiitthwaana wa twampi enuulaaye, ama oshututi onimwettanaaye nshariya?

2 Akorintiyu 6:17

Nakataalikha, Mbwana alupa yoori: “Mwileevo vakatthi vaya na mwiwaattuwe, mwihisape vitthu za haraamu na miiyo kintta wuupwekherelani.

Khaazi 5:30

Nluku wa amarehemu apaapa zeetthu ansisimula Yinsa othuuto mwimuuliyeeyo khunkhomela vansalapa.

Luuka 4:18

“Rooho ya Mbwana eri vamote na miiyo, akithawaza yoori kiwaatafusirele hapari zooshapweya asikhini na owaatafusirela otaphuliwa wa anamahuzunikha, owoonisa apale oohooni, owaavumulisa apale oohukhumwiwa,

Matewuzhu 5:20

Maana miiyo kiniwuuzani yoori shariya yenu ehizitiru ya mafwarizeewu na ya anamanozela a kano, hatha vattitthiiru khamwinteela weettamo muufwalume wa pinkuuni.

Meepereewu 12:13

Mwaattale tarikhi yoohiina maphotto yoori moolu apale oorakala ahikwakwanttuwe, ila eeye ovonisiwa.

Khaazi 13:29

Paata ya oretta zooshi zaatikhiweezo monkoni wa ye, khulaziwavo vansalapa aphale khutthiiwa nlikurakuza.

Khaazi 10:35

khwa wakhula khapila ye oniwaakhupalela atthu apale animoovaaye na anrettaaye epile ziiyiyeeyo za shariya.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

Akoloosu 2:20

Etthiipo mwifwiyeeyo khwa Al-Masiihu mwafwa khwa yaazo yoolankha voolumwenku attaapha, mwihiikhale nkhama atthu a voolumwenku, mwisiilezaka nyiikho zaya epi:

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

Khaazi 10:39

Fweeyo namashaahiti wa zooshi epile arettiyeezo nti wa mayaahuuti mpakha Yeruzaleemu, ottuukho akhomeliweewo vansalapa khuuliiwa.

Matewuzhu 27:26

Aphano Pilaatu Khunfukulela Barapa, khuruma ojaphiwa Yinsa na khumwinkhelela olawa okhomeliwa.

Ayeefezu 5:9

Maana mishumo za nnuuru zintana okemaani, shariya na haakhi.

Yaahaya 19:1

Aphano Pilaatu khuruma ojaphiwa Yinsa.

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

Maaruku 15:15

Pilaatu eekesaka otuvelisa khuntti etile ya atthu, khunfukulela Barapa na khuruma ojaphiwa Yinsa na khumwinkhelela olawa okhomeliwa.

1 Akorintiyu 15:3

Maana etile kuutafusireliyeenini mwanzo ti ethiito kipwekhereliyeeyo: Yinsa afwa mwaasa wa twampi zeetthu, nkhama etthiipo enlupaazo zawaatikhiwa.

Akoloosu 2:14

Nluku afuja thamani ya teeni yeetthu, ethiito yaari oninkhaaye paathuli nkhama etthiipo enrumaazo kano. Ye khulazavo teeni yaya eto, akhomelaka vansalapa,

Meepereewu 10:5

Tiito Al-Masiihu ariiyeeyo noota voolumwenku khuri: “Twaha na zaakha khutakheene. Ila watthenkeza mwiili khwa miiyo.

Meepereewu 10:10

Khwa matakhelo aya atthaapo phi nipatthiyeevo otwahareshiwa, khwa otwahiwa wa mwiili wa Yinsa Al-Masiihu, opu ovahiweeyo swaafu moote khwa zooshi.

Mwanzo 22:6

Eburahiima khuthuula khuuni epile aari weettelaaye orettela twaha yoolukuziwa, khunttikha Esiyaakha mmafuzi mwawe. Ye khuthuula eesu na moottho khusala alawa.