1 Pheeturu 2:11 - Hapari Zooshapweya

¹¹ Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

1 Pheeturu 2:11 Referans Kwoze

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

Meepereewu 11:13

Ooshi aya apo afwa ari nkatthi wa amini, ahina pokhere etile ahitiweeyo; yo nawoona ori peetiwene, ottuukhule khufurahela. Yo khutukhuru yoori khweele nalelo aletto na anamasaafiri mmuti mphule.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Tiyaaku 4:1

Ohisiilani na onyakulisana vakatthi venu onlankha vayi? Khahi mwaasa wa tuvela zinuumanaaye nkatthi mweenu?

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Arooma 12:1

Nakataalikha, attwiizaku, kinuuvekelani khwa tthakaraka ya Nluku yoori mwinkhe mwiili enu nkhama twaha haayi, ttakatthiifu na yontuvela Nluku; eto ti aputu yenu mweeyo yoolikana.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Arooma 7:23

ila kinoona khwa phantte za mwiili aka, kano kiina enuumananaaye kano eriiye nkatthi wa akhili zaka, enikiretta onapherezu wa kano za twampi ziriiye phantte za mwiili aka.

Khaazi 15:29

Mwiwerawere oja nyama za okafwareliwa sanamu; wala taamu yaya, wala mwihije nyama yoohishijiwi, wala mwihisala mwiretta khaapa twayifu. Amana mwiwerawera epo zaya, mwintta woona vitthu zenu eweettettelakani saana. Khwa heeri.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

1 Pheeturu 1:17

Amana mwilompaka mwininkhuwela Paapa, otule amphukaaye sawasawa khaazi ya wakhula ntthu, mwinshitahi ye khwa ohaayi enu va olumwenku apha.

2 Akorintiyu 6:1

Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

2 Akorintiyu 5:20

Nakataalikha, fweeyo na nthoonyezo wa Al-Masiihu, nkhama Nluku anhirimizaaaye anirumeyelaka fweeyo. Khwa pheta ya Al-Masiihu, mwijisiilanisane Nluku.

Khaazi 15:20

Ila ti yooshapweya owaatikhela warakha yoori ahisala aja vitthu za okafwareliwa sanamu, wala ahisala aretta khaapa ya haraamu, wala ahije nyama yoohishijiwi wala taamu yaya.

Mwanzo 47:9

Yaakhumpa khunjipu araka: “Kinaaye nyaakha miiya na talaathiini, keettaka osaafiri kijeettettelaka. Nyaakha epi kivirisiyeeyo vattitthiiru na pi zootakhala, mpakha apha akinafiye nyaakha epile eekhaliyeezo amarehemu apapazaku.”

1 Pheeturu 1:1

Miiyo Pheeturu, aswihaapa wa Yinsa Al-Masiihu, kiniwaatikhela warakha eti ananthawuliwa a Nluku amwazeyeliyeeyo nti wa Pontu, Kalaasiya, Kapatosiya, Aaziya na Bitiiniya,

Mwanzo 23:4

“Miiyo ki mmalapo na ki nletto mmuti mphu; ila kinuuvekelani okinkha ruhusa ya wiiyana vilalo yaka mmuti mweenu mphu, yoori kinzikhemo muukhaaka.”

Ayeefezu 2:19

Nakataalikha, khayi mwa aletto wala atthu oosafiri, mwa anyunti sawasawa na attakatthiifu mwiri phantte ya vaje wa Nluku.

Meepereewu 6:9

Aphetani aka, hatha nkhama neetta ottakhula toowo, ninroromela vitthu khuluzeene vakatthi venu, vitthu khaamili za nusura.

1 Pheeturu 4:12

Aphetani aka, mwihisutisiwe ti tafwawuthi empuwaaye vakatthi venu nkhama moottho yoori ewoototeni, nkhama etthu yootikinisa enuupuwelaanini.

2 Pheeturu 3:1

Aphetani aka, eti warakha ya phiiri kiniwaatikhelaanini. Khwa zoopiiri kintakha wuukupuselani, kilanselaka akhili zenu zooshapweya.

Mwanzo 21:34

Ye khwiikhala nti wa Afiliishiti khwa nyaakha za waatta.