1 Pheeturu 1:7 - Hapari Zooshapweya

⁷ Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

1 Pheeturu 1:7 Referans Kwoze

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

1 Pheeturu 4:12

Aphetani aka, mwihisutisiwe ti tafwawuthi empuwaaye vakatthi venu nkhama moottho yoori ewoototeni, nkhama etthu yootikinisa enuupuwelaanini.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

1 Akorintiyu 3:13

khaazi yawe enttela wooniseliwa, maana Siikhu ya Mbwana entana nuuru yaya; na enttela othoonyeziwa khwa moottho, onttelaaye woona khaazi ya wakhula ntthu.

Yuuda 1:24

Khwa otule eeyiyeeyo wa owahi yoori ookattazeni muukwakwanttuwa na yoori oothonyezeni nsiifwa mwawe woohiina hatha nlepa na furaha khuluyeene,

2 Pheeturu 1:4

Khwa nanna ethiito, ye aninkha ahiti yawe khuluyeene na yootafikhana yoori khwa etthiipo mweeyo mwipatthe oretta phantte ya ephattu ya Nluku, mwiweraweraka vitthu zootakhala ziriiye voolumwenku, mwaasa wa omaashokopho.

1 Pheeturu 2:4

Khwa khiima mwinimwaattamaaye ye, liwe haayi likatthaliweeyo pi anaatamu, ila lithawuliweeyo ti Nluku na lootafikhana khwa ye,

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Othoonyeziwa 3:10

Maana mweeyo mwathokorela nttakhuzi laka la otumerela nthiti, na miiyo kinuuthokorelani wakathi wa wootootiwa onttelaaye ota khwa olumwenku wooshi, yoori owootote apale aniikhalaaye voolumwenku.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

Khaazi 8:20

Ila Pheeturu khunjipu yoori: “Weeyo na nzurukhu awo otthuupo ti mwithowelele! Onoona yoori tthuvo ya Nluku enuuzanyiwa na nzurukhu?

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Yaahaya 5:44

Mwinttela okhupali toovi mwitakhaka osifwiwa pi atthu, mwihitakhaka siifwa ya Nluku mmote paasi?

Luuka 12:33

Muuzanyise zooshi mwiriinaazo, nzurukhu aya mwiwenkhe asikhini. Mwijaattalelele mifukho zihinvaruwaaye, toowo mwinthokorela maali pinkuuni zihiniishaawo, okhu ahinifiyaawo nantarawu wala maweephe yoori aharipu.

Matewuzhu 25:23

“Mbwanaawe khunjipu yoori: ‘Kemaani, karumeya wooshapweya na wa waamineya, weeyo waamineya khwa ttiitthiiru, miiyo kiniwinkha zawaatta. Ote ofurahi na Mbwana awo.’

Matewuzhu 19:28

Yinsa khuwooza araka: “Miiyo kiniwuuzani khweele yoori, amana ofiya wakathi Nluku anttelaaye waattala zooshi opheeya na Mwaana wa Pinaatamu eekhala va khukulu ya siifwa zawe, mweeyo mwinikilottaaye mwinttela wiikhalela khukulu khumi na piiri yoori mwiphuke mahimo khumi na mawiri a Ezirayiilu.

Othoonyeziwa 3:18

Kinuulakani yoori: mwikuuzanyane miiyo weero swaafi yoofuliwa va moottho yoori mwireele; na kuwo zoolakala mwiwale yoori ehisaruwe haaya ya owaazu enu; na muuzanye thiipa mwivaaze maasho enu yoori mwipatthe woona.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

1 Pheeturu 2:7

Nakataalikha, khwa mweeyo mwikhupaliyeeyo, liwe laya ntthi tthi lootafikhana; ila, khwa apale ahinkhupalelaaye, “Liwe anamajeka akatthaliyeeyo nttho laya laretteya wiiya liwe linkhomaazaaye,”

1 Pheeturu 1:5

khwa amini mwakholeleliwa ti owahi wa Nluku mpakha ota nusura entakhaaye othoonyeziwa wakathi wa mwiisho.

Arooma 2:29

Wala! Yaahuuti ti otule eeyiye yaahuuti nkatthi mwawe, na okhiriya khaamili pi opule wa nroho, onrettiwaaye ti rooho ya Nluku, ohinrettiwaaye ti kano zawaatikhiwa. Na siifwa ampwekherelaaye atthu apo khinlankha mmakhono wa anaatamu, enlankha wa Nluku.

Luuka 17:30

“Enttela orettikhana etthiipo siikhu anttelaavo othoonyeziwa Mwaana wa Pinaatamu.

Arooma 2:10

ila ottitthima, hishima, na heeri yiiye vamote na ooshi apale anrettaaye zooshapweya: waaza mayaahuuti mpakha amalapo.

Arooma 8:19

Zumpe zooshi enwejela, na nroromelo nwulweene, yoori aana a Nluku eeye othoonyeziwa.

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

2 Pheeturu 3:14

Khwa ethiito, aphetani aka, mwiwejaka vitthu zaya epo, mwijilipise yoori Nluku oosikaneni mwihina nlepa, mwihina twampi na mwirina heeri.