1 Pheeturu 1:6 - Hapari Zooshapweya

⁶ Mwifurahele ethiito, nalelo enasaapi ti, khwa wakathi vattitthiiru, mwinteela ohuzunikhisiwa ti wakhula nanna ya wootootiwa.

1 Pheeturu 1:6 Referans Kwoze

Tiyaaku 1:2

Attwiizaku, mwijoone wiiyana furaha khuluyeene amana mwivirela wakhula nanna ya wootootiwa,

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Matewuzhu 5:12

Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Yaahaya 16:22

Zinrettikhana etthiipo khwa mweeyo: opu wakathi wa huzuni khwa mweeyo. Ila miiyo kinteela owoonani swaafu kiina theenya, na mwinteela ofurahi, na furaha eto khaavo anttelaaye wuulazani.

Matewuzhu 11:28

Mwikiteele miiyo mooshi mweeyo mwiiyiye ooshokhera na oolemeliwa, miiyo kintta wuuvumulisani.

Arooma 5:11

Khahiyo ethiito paasi, ila theenya ninjittitthimisa khwa Nluku, vakatthi wa Mbwana eetthu Yinsa Al-Masiihu, othuuto anipatthisiyeeyo osiilana.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Luuka 10:20

Ila mwihifurahi mwaasa wa masheethwani wuushututelani, mwifurahele mazina enu waatikhiwa pinkuuni.”

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

Zaapuura 95:1

Mwite nimwiipele Nnyizinku etthu na furaha! Nikhuwelaka nchina la nusura yeetthu.

Tiyaaku 4:9

Mwihuzunikhe, mwijikhupanyise na mwilile, mwipatilise otheya khwa ojikhupanyisa, furaha khwa huzuni.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

Tiyaaku 1:9

Ttwi otule woojipushuwisa ona ya ojishashawula amana weekezeliwaka mwentto wa meekhazi awe,

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

1 Atizaloonika 1:6

Weekhweele mweeyo mwaretteya wiiya atthu mwinneezelaaye fweeyo na khwa Mbwana, maana, mwahoowaru pure, mwapwekherela nttakhuzi na furaha entaaye khwa Rooho Ttakatthiifu.

Afiliipu 4:4

Mwinfurahele Mbwana wakhula wakathi; kinrutela opheya kilupaka yoori: Mwinfurahele!

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Arooma 9:2

kinaaye huzuni khuluyeene na othunku woohiishi nroho mwaka,

Afiliipu 2:26

Ye anukheliwa ti mooshi mweeyo na ona othunku maana mweeyo mwasiiliye yoori aari nlwele.

Luuka 2:10

Ila nlayikha khuwooza yoori: “Mwihoove! Miiyo kateela owuuzani hapari zooshapweya za furaha khuluyeene, enttelaaye wiiya ya atthu ooshi.

Luuka 1:47

Rooho yaka ti yonfurahela Nluku Namuusuru aka,

Matewuzhu 26:37

Khunthuula Pheeturu na aana awiri a Zepeteewu, Yinsa khwaaza ohuzunikha na othunkuwikha.

1 Pheeturu 3:17

Afwataali ohoowa mwaasa wa oretta yooshapweya amana eeya matakhelo a Nluku, ehiyeeni ohoowa mwaasa wa oretta yootakhala.