1 Akorintiyu 9:23 - Hapari Zooshapweya

²³ Kinretta zooshi epo mwaasa wa hapari zooshapweya, yoori kirette phantte ya parakha zawe.

1 Akorintiyu 9:23 Referans Kwoze

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Maaruku 8:35

Maana otule antakhaaye wuusuru ohaayi awe ontta omwaashikha, ila otule onimwaashikhaaye ohaayi awe, mwaasa wa miiyo na mwaasa wa hapari zooshapweya ontta wuusurukha.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Akaalata 2:5

Fweeyo khuhiwaashirehezeli hatha vattitthiiru, yoori haakhi ya hapari zooshapweya yiiye yookhanyareleya khwa mweeyo.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

2 Timootiyu 2:6

Namalima ankholaaye khaazi woohiviliwi ona ya wiiya mwanzo wa opuhela peewu za wuurula.

2 Akorintiyu 2:4

Maana miiyo kawaatikhelani na tafwawuthi khuluyeene na huzuni nroho mwaka na mishozi zawaatta, khahiyo ya wuuhuzunikhisani, ila yoori mwijuwe nanna yiiyiyeezo khuluyeene pheta yaka khwa mweeyo.

1 Akorintiyu 9:12

Nkhama akina ana ruhusa ya otthanttiwa ti mweeyo, fweeyo natepa wiiyana. Ila fweeyo khaninarumeyele ruhusa yaya eto. Olikha toowo, ninvilela zooshi yoori nihitane etthu yoottiyelela hapari za Al-Masiihu.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

Arooma 11:17

Amana virapi kiina zishijiwa, aphano weeyo, wiiyiye muutthi wooliveera wa ntthuttu, waluttaniwa khwa oluveera mikinoko na ori vamote na oronkovu ontaaye khwa ntathaari wa oluveera woozaliwa.

1 Akorintiyu 9:22

Khwa apale oottettheya kajiretta wiiya woottettheya, yoori kiwaapatthe apale oottettheya. Etthiipo miiyo kajiretta wiiya zooshi khwa atthu ooshi yoori khwa wakhula nanna kiwahi owoosuru akinoko.

1 Akorintiyu 9:24

Mweeyo mwinjuwa yoori anchiraanaaye mmote ti ampatthaaye tthuvo. Otthire khwa nanna ontakhaaye opattha tthuvo.