1 Akorintiyu 6:18 - Hapari Zooshapweya

¹⁸ Mwiwerawere khaapa twayifu. Twampi zooshi ntthu anrettaaye ziniiya oje wa mwiili, ila otule anraruwaaye onkosisa mwiili awe.

1 Akorintiyu 6:18 Referans Kwoze

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

1 Atizaloonika 4:3

Niiya ya Nluku ti yoori mweeyo mwiiye woottakatthisiwa. Mwijiphakulane khaapa twayifu.

Akoloosu 3:5

Etthiipo, muule zooshi epile ziiyiye za ephattu yenu ya vathi: khaapa twayifu, ojafu, tuvela zootakhala na omaashokopho wiiyiyeeyo sanamu.

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

Meepereewu 13:4

Harusi ena ya ottitthimisiwa pi atthu ooshi; amanna na aakha eeye awaaminana mmote na nzaawe; maana Nluku onteela owaaphuka ajafu na anamararuwa.

Ayeefezu 5:3

Vakatthi venu ehiiyevo khaapa twayifu, wala etthu moote yootakhala ama omaashokopho; maana zooshi epo khahi zooshapweya vakatthi wa attakatthiifu.

1 Akorintiyu 6:9

Mweeyo khamwinjuwa yoori anamaretta zootakhala khanrithi ofwalume wa Nluku? Mwihijilikhelele mwihatiwaka: pi atthu twayifu, anamwaaputu sanamu, anamararuwa, hatha apale aniwaaralaaye alume azaawe,

2 Akorintiyu 12:21

Kinwerawera yoori, amana kita wuuthotolani swaafu kiina, Nluku aka ti akipushuwise omaasho weenu. Kinoona yoori kinttela olila mwaasa wa apale aakosiyeeyo raku, khuhithupwiyi zootakhala zaya, khaapa twayifu na zootakhala kiina arettiyeeyo.

1 Atizaloonika 4:5

Mwihijilikhelele mwishinttiwaka pi tuvela zootakhala, nkhama amalapo ahininjuwaaye Nluku.

Arooma 1:24

Tiito Nluku awenkhiyeeyo oretta khaapa twayifu, nkhama tuvela za twampi za nroho mwaya, yoori atapanye mwiili aya atthaaporu.

Akaalata 5:19

Maana khaazi za onaatamu zajithoonyeza, pi epi: khaapa twayifu, ojafu, ohuuzeyi,