1 Akorintiyu 5:7 - Hapari Zooshapweya

⁷ Mwiphakuwanane fwaramento ya raku, yoori mwikhattiwe opheya woohiina fwaramento, nkhama wekhweele mwiriizo. Maana Al-Masiihu, Pwittipwitthi yeetthu ya Paashikowa, ya twahiwa.

1 Akorintiyu 5:7 Referans Kwoze

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Othoonyeziwa 5:12

na eepaka na huula yoosileya araka: “Ensuhaaye Pwittipwitthi, yawuuliiwa, khwa opwekherela owahi, maali, akhili, kuvu, hishima, ottitthima na siifwa.”

Olaawo 12:15

Nkatthi wa siikhu sapa mwina yooja phaawu yoohiina fwaramento. Siikhu yamwanzo mwilazemo fwaramento mmanyupa mweenu, maana wakhula otule anttelaaye oja etthu ya wiiyana fwaramento, ntthu aya oto ontta wiikariwa vakatthi wa meezirayiilu.

1 Akorintiyu 10:17

Wiiya ewaapho phaawu moote paasi, fweeyo, niiyiyeeyo awaatta, na mwiili mmote, maana fooshi ninja phaawu moote paasi.

Yaahaya 19:14

Yaari payina ya saasiitha, yaari Siikhu ya Ojilokotthela, maana yaari sumana ya njampo la Paashikowa. Aphano Pilaatu khuwooza mayaahuuti araka: “Mwimoone, otu ari apha Mfwalume enu!”

Maaruku 14:12

Siikhu ya mwanzo ya Njampo la Phaawu Yoohiina Fwaramento, wakathi waazoweriweeyo orettiwa twaha pwittipwitthi yoojeliwa paashikowa, anakhiyoni a Yinsa khumuuzela yoori: “Ontakha yoori neette vayi nootthenkesele etthu yoojiwa ya paashikowa?”

Yaahaya 1:36

Noomoona Yinsa aviraka, khuri: “Mwimoone! Oto antaaye apho Pwittipwitthi ya Nluku!”

1 Akorintiyu 5:13

Nluku ti aniwaaphukaaye apale ari oje. Mwiweekare anamaretta zootakhala vakatthi venu.

Matewuzhu 13:33

Khuwooza nlikaniso nkina araka: “Ofwalume wa pinkuuni ori nkhama fwaramento muukha anthuulaaye khuphakanya na ofu wa tiriku wa waatta, wooshi khujakhuwa.”

Arooma 3:25

Nluku anvaha Yinsa nkhama twaha yoori eeye swamiima nkatthi wa amini, khwa taamu yawe, athoonyezaka shariya. Khwa ovilela, aalikhiye ohukhumu twampi epile zirettiweeyo raku;