1 Akorintiyu 5:5 - Hapari Zooshapweya

⁵ mwimwinkhelele mwinyi aya oto epiliisi, yoori mwiili awe wiiye wootapanyiwa, ila rooho yawe yiiye ya wuusurukha Siikhu ya Mbwana.

1 Akorintiyu 5:5 Referans Kwoze

1 Timootiyu 1:20

Akina aya ti Hemeeni na Alishantere. Yo kawaalikhela epiliisi yoori awaahoowise, ajuwe ohikufuru.

2 Akorintiyu 13:10

Tiito kinaatikha vitthu epi kiri peetiwene, yoori amana miiyo kita okho, kihihithajiye okhattaza, kirumeyelaka ofwalume opule Mbwana akinkhiyeeyo wa ojeka, woohiiyi wa otapanya.

2 Akorintiyu 10:6

Amana oshututi weenu wiiya woolikana, ninttela wiiya woolikanana ohukhumu okhijili wooshi.

1 Akorintiyu 11:32

Amana, niiya woophukiwa ti Mbwana, niniiya wooshoweriwa yoori nihiiye woophukiwa vamote na olumwenku.

1 Akorintiyu 5:13

Nluku ti aniwaaphukaaye apale ari oje. Mwiweekare anamaretta zootakhala vakatthi venu.

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

1 Yaahaya 5:16

Nkhama ntthu amoona ttwiiye eettaka oretta twampi ehinimweettanaaye muufwa, ona yonvekela Nluku, ye ontta omwinkha ohaayi. Kininlupa otule twampi ehinimweettanaaye muufwa. Ila ewaapho twampi entanaaye ofwa, miiyo akiwuuzeenini yoori mwilompele twampi ya eto.

2 Pheeturu 3:12

mwiwejelaka siikhu ya Nluku na mwirette thenke yoori ete woohirupazi. Siikhu ya eto pinku enteela otapanyiwa ti moottho, na vitthu epile za otulu enteela otothowa mwaasa wa haari.

2 Timootiyu 1:18

Mbwana ti amwinkhe, siikhu etile opattha tthakaraka ya olankha wa Mbwana! Weeyo onjuwa saaneene khaazi akikholeliyeeyo wakathi opule kaari Eefezu.

Afiliipu 1:6

Kinkhupalela yoori otule aaziyeeyo khaazi yooshapweya khwa mweeyo onteela omarisela mpakha siikhu antaavo Al-Masiihu Yinsa.

Matewuzhu 4:10

Yinsa khumuuza yoori: “Oleevo, Epiliisi! Maana yaatikhiwa yoori: “ ‘Omwaaputu Mbwana, Nluku awo, na onrumeyele othuuto paasi.’ ”

Luuka 22:31

“Simawu, Simawu, Epiliisi avekela yoori oopepetthe nkhama tiriku.

2 Akorintiyu 12:7

Yoori akhattaze ojishashawula mwaasa wa othoonyeziwa opo nwulweene, khushomaniwa mwiiwa mmwiili mwaka ti karumeya a Epiliisi yoori akoopopise na kihijishashawule.