1 Akorintiyu 4:5 - Hapari Zooshapweya

⁵ Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

1 Akorintiyu 4:5 Referans Kwoze

Tiyaaku 5:7

Nakataalikha attwiizaku, mwiiye oovilela, mpakha ota wa Mbwana eetthu. Mwaasa yoori namalima oneekesela na ovilela wuurula mishumo aazaliyeezo, mpakha ofiya wakathi wa vuula ya mwanzo na yawiishela.

2 Akorintiyu 5:10

Maana fooshi fweeyo nina ya ojithoonyeza enakatthi ya Yinsa yoori niphukiwe ti ye. Na wakhula ntthu onteela opwekhera etile eninsuhaaye, khwa etile arettiyeeyo yooshapweya ama yootakhala ohaayi awe vathi apha.

1 Akorintiyu 3:13

khaazi yawe enttela wooniseliwa, maana Siikhu ya Mbwana entana nuuru yaya; na enttela othoonyeziwa khwa moottho, onttelaaye woona khaazi ya wakhula ntthu.

Meepereewu 4:13

Khina hatha etthu moote khwa zooshi zumpiweeyo, ziiyiyeeyo zoovitheya omaasho wa Nluku, zooshi pi za wooneya na zatthiiwa omaasho wa otule anttelaaye oniretta hisapu.

2 Akorintiyu 10:18

Maana khankhupaliwa otule anjikhupalaaye, ila otule ankhupaliwaaye ti Mbwana.

Arooma 2:16

Zooshi epo zinttela wooneya siikhu Nluku amphukaavo siiri za anaatamu, khwa Yinsa Al-Masiihu, nkhama etthiipo enlupaazo hapari zaka zooshapweya.

Arooma 2:1

Nakataalikha, weeyo oniwaaphukaaye azaawo, khunswamiheya; maana onjihukhumu weeyo omweenyewe khwa epile omphukaazo, woone yoori weeyo, omphukaaye, onretta vitthu etthiipo.

Othoonyeziwa 20:12

Khuwoona theenya ananfwa, awulu mpakha attiitthi, eemeliye omaasho wa khukulu, kithaapu khwiiya zoofunuliwa. Kithaapu kiina khufunuliwa, kithaapu ya ohaayi. Ananfwa khuphukiwa khwa nanna ya zooretta zaya, nkhama etthiipo zaatikhiweeyo nkithaapu.

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

Arooma 2:29

Wala! Yaahuuti ti otule eeyiye yaahuuti nkatthi mwawe, na okhiriya khaamili pi opule wa nroho, onrettiwaaye ti rooho ya Nluku, ohinrettiwaaye ti kano zawaatikhiwa. Na siifwa ampwekherelaaye atthu apo khinlankha mmakhono wa anaatamu, enlankha wa Nluku.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

Arooma 14:4

Weeyo o paani wa omphuka karumeya wa watthu? Nkhama eetta weemela ama okwa zwaamu ya Mbwana awe. Na oniiya wa weemela, maana Mbwana ti ariina makhaamu a onshokholela.

Yaahaya 5:44

Mwinttela okhupali toovi mwitakhaka osifwiwa pi atthu, mwihitakhaka siifwa ya Nluku mmote paasi?

Tiyaaku 4:11

Attwiizaku, mwihittakhulane wootakhalavo mmote na nzeenu. Maana otule aninttakhulaaye ttwiiye wootakhalavo ama animphukaaye ttwiiye, onttakhula wootakhalavo khwa kano, na omphuka kano ethiito. Aphano nkhama weeyo omphuka kano, khunshututela kano, ila onjiretta wiiya namaphuka.

Luuka 6:37

“Mwihimphuke nzeenu yoori mwihiphukiwe; mwihinhukhumu nzeenu yoori mwihihukhumwiwe; mwinswaamihi nzeenu yoori mwiswaamihiwe.

Matewuzhu 24:46

Wooparikhiyiwa karumeya otule Mbwana awe amana ataaka anttelaaye onsikana arettaka etthiipo.

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

1 Pheeturu 5:4

Amana ata Nshuki Nwulu, mweeyo mwinteela opwekhera jarata ya siifwa ehinishaaye waara waya.

1 Atizaloonika 5:2

Maana mweeyo mwinjuwa saaneene yoori Siikhu ya Mbwana enta nkhama nantarawu osikhu.

Yaahaya 21:22

Khunjipu Yinsa yoori: “Hatha nkhama miiyo katakha yoori ye eeye haayi mpakha miiyo oruti, weeyo enuujali niini? Ila weeyo okilotte miiyo.”

2 Pheeturu 3:4

Yo anteela olupa yoori: “Niini erettikhaniyeeyo khwa ahiti ya ota wawe? Thanku afwiiyeevo amarehemu apapazetthu, zooshi ziri nkhama zaariizo thanku wumpiwa wa olumwenku.”

Matewuzhu 25:23

“Mbwanaawe khunjipu yoori: ‘Kemaani, karumeya wooshapweya na wa waamineya, weeyo waamineya khwa ttiitthiiru, miiyo kiniwinkha zawaatta. Ote ofurahi na Mbwana awo.’

Yuuda 1:14

Enookhi ntthu wa khapila ya saapa paata ya Adamu, aahupiriye monkoni wa apo aya: “Moone, Mbwana onta na milikhi milikhizene za attakatthiifu awe,

2 Pheeturu 3:12

mwiwejelaka siikhu ya Nluku na mwirette thenke yoori ete woohirupazi. Siikhu ya eto pinku enteela otapanyiwa ti moottho, na vitthu epile za otulu enteela otothowa mwaasa wa haari.

1 Akorintiyu 15:23

Ila wakhula mmote khwa zwaamu yawe: mwanzo Al-Masiihu, amana ye ata awaasisimule apale eeyiyeeyo awe.

1 Akorintiyu 11:26

Maana, wakhula swaafu mwinrafunaavo phaawu eti na khunywela jiikira eti, mwinlaleya ofwa wa Mbwana mpakha ota wawe.

1 Akorintiyu 1:7

khwa nanna ehinuusaleeleenini hatha tthuvo ttakatthiifu, mwiwejelaka othoonyeziwa wa Mbwana eetthu Yinsa Al-Masiihu.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Matewuzhu 24:30

Aphano epuwe pinkuuni alama za Mwaana wa Pinaatamu; khapila zooshi za va tuniya enttela ojikhupanyisa na enttela omoona Mwaana wa Pinaatamu ataaka mmawiku a pinkuuni khwa owahi na siifwa yawaatta.

1 Akorintiyu 3:8

Otule anzalaaye na otule ankhuwaraaye ana shawuri moote, na wakhula ntthu onriphiwa khwa khiima ya khaazi yawe.

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Matewuzhu 10:26

“Nakataalikha mwihiwoove apo aya. Maana khayiivo yoovithiwa ehinteelaaye othoonyeziwa wala ya siiri ehinteelaaye ojuwiwa.

Yaahaya 21:23

Khwa etthiipo khumwazeyela vakatthi wa attwi yoori nakhiyoni otule khaari oteela ofwa. Ila Yinsa khaalupiye yoori khaari oteela ofwa; aalupiye yoori: “Nkhama miiyo katakha yoori eeye haayi mpakha miiyo oruti, weeyo enuujali niini?”

1 Akorintiyu 3:14

Nkhama etile ntthu ajekiyeeyo ti ya wiiyavo, oto ompwekhera phakari yawe.

1 Akorintiyu 11:16

Ila amana ntthu atakha okheetisana, monkoni wa vitthu zaya epo, fweeyo khanina thwapiya zaya epo wala ojama wa Nluku.

Tiyaaku 5:9

Mwihikashaarane mmote na nzeenu yoori mwihiphukiwe; maana namaphuka ori vamilako.

2 Akorintiyu 10:9

Akintakha wuupuwa nkhama kineekesaaye wuusutisani na warakha zaka.