1 Akorintiyu 4:21 - Hapari Zooshapweya

²¹ Mwintakhaaye niini mweeyo? Kitaaka wuuthotolani kitane puutta, ama na pheta na rooho ya wiitthaala?

1 Akorintiyu 4:21 Referans Kwoze

2 Akorintiyu 13:2

Koochimuleliyeni wakathi opule kaari na mweeyo swaafu ya phiiri. Apha kiri okhuno, kiniwaatikhela apale aakosiyeeyo na akinoko aya yoori amana kiruti, akinteela omwiinanela hatha ntthu.

1 Atizaloonika 2:7

Neeyiyeru pure maaswihaapa a Al-Masiihu naarina ruhusa ya olemela, khwiiya akemaani wakathi naari vakatthi venu mweeyo, nkhama maama aniwiinanelaaye aana awe.

2 Akorintiyu 13:10

Tiito kinaatikha vitthu epi kiri peetiwene, yoori amana miiyo kita okho, kihihithajiye okhattaza, kirumeyelaka ofwalume opule Mbwana akinkhiyeeyo wa ojeka, woohiiyi wa otapanya.

2 Akorintiyu 2:3

Kaatikha khwa nanna kaatikhiyeeyo yoori amana miiyo kita okho, kihihuzunikisiwe pi apale aariina ya okifurahisa. Kaari ororomela yoori mooshi mweeyo mwinaawanyana furaha yaka.

2 Akorintiyu 1:23

Kininkhuwela Nluku nkhama shaahiti yoori yaari monkoni wa owiinanelani mweeyo, yoori miiyo kihirutele Korintiyu.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

2 Akorintiyu 10:6

Amana oshututi weenu wiiya woolikana, ninttela wiiya woolikanana ohukhumu okhijili wooshi.

2 Akorintiyu 2:1

Tiito miiyo kalakela ohuuthotolini theenya yoori kihuupatthiseni huzuni.

2 Akorintiyu 10:8

Maana hatha nkhama keetta ojikhupali nakuvu khwa ofwalume Mbwana aninkhiyeeyo, khinkipatthisa haaya epoza, maana ofwalume aya opo pi wa ojeka, khahiyo wa otapanya.

2 Akorintiyu 3:10

Khwa etthiipo, siifwa yaari waaraaye raku, khinlikanana siifwa eti ya aphano yiiyiyeeyo yooziti channu.

1 Akorintiyu 5:5

mwimwinkhelele mwinyi aya oto epiliisi, yoori mwiili awe wiiye wootapanyiwa, ila rooho yawe yiiye ya wuusurukha Siikhu ya Mbwana.

1 Akorintiyu 4:18

Akina a mweeyo anjikhupali, nkhama enriwaaye miiyo akinta wuuthotolani theenya.

2 Akorintiyu 12:18

Kanvekeliye Tiitu yoori ate oothotoleni, aperekhiwaka ti ttwi nkina. Tiitu khoottapwattheenini! Fweeyo ninretta vitthu khwa rooho moote na ninlottela mwentto mmote.

Akaalata 6:1

Attwiizaku, amana ntthu asikaniwa ntwampi, mweeyo mwiriina Rooho ya Nluku, mwina yonlikhisa wa emaanivo. Ila ojiinanele yoori na weeyo theenya ohizayiniwe.