1 Akorintiyu 4:12 - Hapari Zooshapweya

¹² na ninkhola khaazi yoolipa na makhono eetthu. Amana nilaaniwa, fweeyo nintta oparikhiya; amana nilupatthiwaka, niniiya woovilela;

1 Akorintiyu 4:12 Referans Kwoze

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

Matewuzhu 5:11

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo.

Arooma 12:14

Mwiwaaparikhiye apale anuulupatthanini; mwiwaaparikhiye, na mwihiwaalaani.

Arooma 12:20

Olikha toowo: “Amana atuwi awo enkhola jala, omwinkhe etthu yoojiwa, amana linkhola nnyottha, omwinkhe maati anywe; amana oretta toowo onuukela makhala ookholela veeshwa vawe.”

Khaazi 18:3

Ye khusala eekhala vamote na yo, maana khaazi yaya yaari moote waattala heema.

Luuka 6:28

Mwiwaaparikhiye apale anuulaanaanini na mwiwaalompele apale anuurettelaanini zootakhala.

1 Pheeturu 3:14

Khwa zooshi, hatha nkhama mwintta ohoowa mwaasa wa weettettisa shariya, mweeyo mwinttela wiiya oparikhiyiwa. “Mwihoove epile yo anoovaaye, mwihisuthuwe.”

1 Pheeturu 2:23

Wakathi aari ottukhaniwaavo khaari orutisa; wakathi aari ohowaavo khaari otuturusha, ila aari ojinkha wa otule amphukaaye khwa shariya.

Luuka 23:34

Aphano Yinsa khulupa yoori: “Paapa, owaaswaamihi atthu apa maana khanjuwa etthu anrettaaye.” Elottelanaka yo khwaawanyana kuwo epile za Yinsa nkatthi wa nasipu.

Matewuzhu 5:44

Ila miiyo kiniwuuzani yoori, mwiwaaphete maatuwi enu na mwiwaalompele apale anuulupatthanini,

Khaazi 7:60

Attaaphale khukokhora khusala akhuwa channu araka: “Mbwanaaka, ohiwenkhe paathuli khwa twampi eti!” Nawiisha olupa mattakhuzi apale, khufwa.

Yaahaya 15:20

Mwifikhiri mattakhuzi kiwuuziyeenini yoori: ‘Khaavo karumeya anzitiyeeyo Mbwana awe.’ Nkhama akilupatthiyeezo miiyo, na anlawa oolupattheni mweeyo theenya. Nkhama anshututela mattakhuzi aka, theenya anlawa ashututele apale mwinttelaaye olupa mweeyo.

Yuuda 1:9

Khwa zooshi epo, hatha nttunkhulu wa malayikha Minkhayilu, wakathi aari onyakulisananaaye Sheethwani monkoni wa mwiili wa Munsa, ye khaatakhiye onlokoveza sheethwani na mattukhano, ila paasi aalupiye yoori: “Mbwana ti ooshowere!”

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.

2 Atizaloonika 3:8

Wala khanijeeni hatha etthu ya ntthu khuhiriphi. Olikha toowo, nakhola khaazi venkivene na oshokhera, osikhu na nthana, yoori nihiwantipuni mweeyo.

1 Atizaloonika 2:9

Attwiizetthu, weekhweele mweeyo mwinfikhiri khaazi yoolipa nikholiyeeyo woohishokheri vakatthi venu. Maana naari okhola osikhu na nthana, yoori nihimwantipu hatha ntthu wakathi naari olaleyaavo hapari zooshapweya za Nluku khwa mweeyo.

1 Akorintiyu 9:6

Ama niri miiyo na Baranabe paasi ti nihina ruhusa ya winkhiwa etthu yoojiwa woohikholi khaazi?

Khaazi 20:34

Mweeyo mwinjuwa yoori miiyo kakhola khaazi na makhono aka yoori kiishishe othowiwa waka na wa ashirikhaaka.

1 Pheeturu 4:19

Tiito, theenya apale anihoowaaye khwa niiya ya Nluku, ana ya winkhelela ohaayi aya mmakhono wa Namumpa wa waamineya, khwa oretta zooshapweya.

Arooma 8:35

Paani anwahaaye oniphakulana pheta ya Yinsa? Tafwawuthi, othunku, olupatthiwa ama jala ama owaazu, ajali, ama phanka?

2 Akorintiyu 11:8

Kikholaka khaazi vakatthi venu, kaariphiwe ti ojama wa Nluku nkina. Kinlupa yoori, miiyo kaari oweeyela yo yoori kiwaawunini mweeyo.

Ayeefezu 4:28

Otule aari nantarawu alikhe wiiya, ila arette etthu yooshapweya na makhono awe yoori apatthe etthu yoowaamela apale oothowiwa.