1 Akorintiyu 4:10 - Hapari Zooshapweya

¹⁰ Fweeyo na alolo mwaasa wa Al-Masiihu, ila mweeyo mwa akumi khwa Al-Masiihu! Fweeyo na woottettheya, ila mweeyo mwa wookhomaala! Mweeyo mwa wooshitahiwa, ila fweeyo na wootaraweya!

1 Akorintiyu 4:10 Referans Kwoze

1 Akorintiyu 2:3

Wakathi opule kaatiyeeyo wuuthotolani kaari woottettheya na othukumela khwa woova.

Khaazi 26:24

Wakathi otthuupule Paawulu eettaka ojaakisa, Feeshitu khuntapwatela khunyakula araka: “Weeyo onlolo, mwaasa wa osoma channu zintta owaashikha akhili!”

Khaazi 17:18

Asomi akina ashikola yaari wiitthiwaaye Epikure na kiina yaari wiitthiwaaye Eshitoyiku khusala akheetisanana na Paawulu. Akina khusala alupa yoori: “Otu woothaala nkhanyo onri niini apha?” Akina khusala alupa yoori: “Talili oniwaalupa a miluku oohijuweyi,” maana Paawulu aari otafusiri hapari zooshapweya monkoni wa Yinsa na monkoni wa osisimuwa.

1 Pheeturu 4:14

Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.

2 Akorintiyu 13:9

Niniiya woofurahi wakhula wakathi nintteettheyaavo na mweeyo mwiniiya wookhomaala na lompa zeetthu pi za yoori mweeyo mwiiye oohakikhiwa.

1 Akorintiyu 3:18

Mwihijittettekhe, nkhama mmote wa mweeyo onuupuwela yoori naakhili wa voolumwenku apha, ona ya ojiretta wiiya nlolo yoori aretteye wiiya naakhili.

1 Atizaloonika 4:8

Nakataalikha, otule ankhijilelaaye epo zaya, khaninkhijilela pinaatamu ila Nluku, otule aniwinkhaaye Rooho Ttakatthiifu.

2 Akorintiyu 11:29

Amana ntthu atteettheya, na miiyo theenya kiniiya woottettheya. Amana ntthu akwela ntwampi, miiyo kiniiya wawantipweya.

2 Akorintiyu 11:19

Mweeyo, mwaasa wa wiiya a akhili channu mwiwaavilele alolo khwa nanna yooshapweya.

2 Akorintiyu 10:10

Maana atthu akina anlupa yoori: “Warakha zawe pi za okhomaala na olipa, ila mweenyewe ti woopepheya, na mattakhuzi awe pi ootaraweya.”

1 Akorintiyu 10:12

Etthiipo, otule anjoonaaye wiiya wookhomaala, ajiinanele yoori ahikwe!

1 Akorintiyu 4:8

Mweeyo mwinaaye zooshi mwintakhaaye! Mwaamathaajiri! Mwafiyelela wiiya afwalume woohiiyi khwa fweeyo, nkhama etthiipo miiyo yaari okituvelaaye yoori mweeyo wekhweele mwiiye afwalume, yoori nafweyo niiyane yenzi vamote na mweeyo!

1 Akorintiyu 3:2

Kawinkhani mweeyo leethi, akiwinkheenini etthu yoojiwa yookhomaala, maana mweeyo khamwaari okhitiri opwekherela, wekhweele, mweeyo nalelo khamwinkhitiri hatha vattitthiiru.

1 Akorintiyu 2:14

Ntthu wa ephattu khankhupalela vitthu zinlankhaaye khwa Rooho ya Nluku, maana onoona nkhama vitthu zoololo; ye khinimweeleya, maana epo zimpheleleziwa nroho.

Khaazi 17:32

Atthu apale nonsiila Paawulu alupaka monkoni wa osisimuwa wa ananfwa, akina khwaaza onveyisa, akina khusala alupa yoori: “Fweeyo mwaasa aya apo onlupaaye, khunitosheeni nintakha osiila wakathi nkina teenya.”

Khaazi 9:16

Kinlawa kanthoonyeze Sawulu nanna anttelaaye ohoowa mwaasa wa nzina laka.”

Luuka 18:9

Yinsa khulupa nlikaniso mmote awoozaka atthu apale aari ojoonaaye wiiya a shariya khusala awaatarawu azaaya. Ye khuri:

Luuka 10:16

“Otule anuusiilezaanini, onikisiileza miiyo; otule anuukatthalaanini, onikikatthala miiyo. Otule anikikatthalaaye, oninkatthala otule akirumiyeeyo.”

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

Matewuzhu 24:9

“Aphano yo anteela owinkhelelani yoori mwilupatthiwe na muuliwe, mwinlawa mweeniwe ti khapila zooshi mwaasa wa nzina laka.

Matewuzhu 5:11

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

1 Akorintiyu 1:23

ila fweeyo nininlaleya Al-Masiihu namakhomeliwa, othuuto wekhweele, eeyiyeeyo etthu yootakhala khwa mayaahuuti, na ololo khwa amalapo;

1 Akorintiyu 1:25

Maana ololo wa Nluku akhili enzitaaye akhili za onaatamu; na otteettheya wa Nluku waziti okhomaala wa anaatamu.

2 Akorintiyu 6:8

khwa oshitahiwa na ohishitahiwi, otarawiwa na ottakhuliwa saana. Nilupeziwaka onamahata, khupe niri anahaakhi;

2 Akorintiyu 4:12

Khwa nanna ofwa onrettaazo khwa fweeyo, na ohaayi onretta etthiipo khwa mweeyo.