1 Akorintiyu 3:5 - Hapari Zooshapweya

⁵ Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

1 Akorintiyu 3:5 Referans Kwoze

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

2 Akorintiyu 6:1

Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

1 Pheeturu 4:10

Mwirumeyelane mmote na nzeenu, wakhula ntthu khwa tthuvo enkhiweeyo, mwirumeyelaka wa wawamineyavo rehema ya Nluku etile mwipwekheriyeeyo khwa nanna nannazene.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

2 Akorintiyu 4:7

Ila ninaaye njuju nttho khwa yoopo ya mattophe, yoori nithoonyeze owahi opu nwulweene woolankha khwa Nluku, khahiyo khwa fweeyo.

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

2 Akorintiyu 3:3

Mweeyo mwathoonyeza yoori mwa warakha ya Al-Masiihu, fwayita ya khaazi yeetthu yoohaatikhaniwi wiino, ila khwa Rooho ya Nluku haayi; yoohaatikhiwi va lipawu la liwe, ila va lipawu la rooho za anaatamu.

1 Akorintiyu 3:10

Khwa khiima ya rehema ya Nluku kinkhiweeyo, miiyo nkhama namajeka nwulu wa akhili kakheya nchina, akina antta ojeka. Ila wakhula mmote ona ya woona saana khwa nanna anjekaazo.

1 Akorintiyu 12:28

Etthiipo, muujama wa Nluku, omwanzo Nluku awaatthaamo maaswihaapa; ya phiiri manapiyu; ya ttaatthu anamanozela; elottelanaka apale anrettaaye minjuza, apale ariina tthuvo ya ovonisa, apale ariina tthuvo ya waawuni, apale ariina tthuvo ya oshuka nzurukhu na apale anttakhulaaye luuka pheeya.

1 Akorintiyu 9:17

Nkhama kintafusiri khwa niiya yaka, kiina ya oriphiwa; ila nkhama khahiyo khwa niiya yaka khinkhola khaazi kinkhiweeyo.

1 Akorintiyu 3:7

Khwa etthiipo, otule anzalaaye mpakha otule ankhuwaraaye khahiyo hatha etthu, ila Nluku paasi otule anwulisaaye.

Yaahaya 3:27

Yaahaya khujipu yoori: “Khina ampwekheraaye etthu aheetteeni winkhiwa pinkuuni.

Luuka 1:2

Apale aari mashaahiti ooniyeeyo omwanzo ene zirettikhanaka, khwiiya anamalaleya a hapari zooshapweya, atthaapo pi anifiyiseliyeeyo fweeyo.

Matewuzhu 25:15

Mmote khumwinkha milikhi thaanu za nzurukhu wa feeta, nkina khumwinkha milikhi piiri, nkina theenya khumwinkha milikhi moote, wakhula ntthu aamwinkhiye khwa makhaamu awe. Elottelanaka khulankha khusala alawa safwari yawe.

Akoloosu 1:25

Khwa otthuupo miiyo karetteya wiiya karumeya khwa khaazi Nluku akinkhiyeeyo ya wuuthoonyezani mweeyo saaneene nttakhuzi lawe,

Ayeefezu 3:7

Khwa hapari zooshapweya etthiipo, karetteya wiiya nakhaazi khwa tthuvo ya rehema ya Nluku, akinkha khwa kuvu za owahi ariinaaye.

Khaazi 18:24

Wakathi aya otthuupule, Eefezu khutawo yaahuuti mmote wa nti wa Alishanteriya aari wiitthiwaaye Apoolu, mwinyi oto aari ntthu wa akhili na aarina ojuwa nwulweene wa mattakhuzi a nkithaapu.

Khaazi 19:1

Wakathi Apoolu aari Korintiyu, Paawulu khuvira miti epile za nkulu za Aaziya, khulawa mpakha Eefezu. Ottuukho khuwaasikana anakhiyoni akina,

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

1 Akorintiyu 3:22

waaza Paawulu ama Apoolu ama Pheeturu ama olumwenku, ohaayi, ofwa, nasaapi ama akhipa; zooshi pi zenu,

1 Akorintiyu 16:12

Monkoni wa ttwi yeetthu Apoolu, kankhanyarela yoori awaaperekhe attwi wuuthotolani mweeyo. Ye khuhitakhi hatha vattitthiiru olawa nasaapi, ila onteela olawa amana yiiyavo kiphenyo kiina.

2 Akorintiyu 4:1

Nakataalikha, nihitteettheye maana ninaaye khaazi eti ninkhiweeyo khwa tthakaraka.

2 Akorintiyu 5:18

Zooshi epo zinlankha wa Nluku, anisilanisiyeeyo mweenyeweene khwa Al-Masiihu, na aninkha khaazi ya osiilanisa,

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

1 Timootiyu 1:12

Yinsa Al-Masiihu Mbwana eetthu akinkhiyeeyo kuvu, Ye akoona wiiya ntthu wa waamineya, khukinkha onrumeeyela, kininshukhurwela.