1 Akorintiyu 3:3 - Hapari Zooshapweya

³ Maana mwinlotta onaatamu, enooneya yoori vakatthi venu liwaapho nrima na waawanyeya, toowo khamwinretteya wiiya anamalotta vitthu za enaatamu, mwirettaka vitthu za va olumwenku?

1 Akorintiyu 3:3 Referans Kwoze

Tiyaaku 3:16

Maana vahali liniiyaavo nrima na ojikhupali owaapho onyakulisana na wakhula jaati ya vitthu zootakhala.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Akaalata 5:15

Ila nkhama mwintta olumana na orafunana, mwiiyane phoole mwihitapanyane mmote na nzeenu!

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

1 Akorintiyu 11:18

Ya mwanzo, kinsiila yoori, amana mweeyo mwikusanyeya nkhama ojama wa Nluku, owaapho waawanyeya khwa mweeyo. Mpakha ofiyelela miiyo okhupali,

1 Akorintiyu 1:11

Attwiizaku, kooziwa pi atthu akinoko oowawe Kolooye yoori owaapho waawanyeya vakatthi venu.

Arooma 13:13

Nijilikanise weekhweelevo nkhama atthu aneettettaaye nnuuru ya nthana, khahiyo khaapa twayifu na ohapaliwa, wala oraruwa na zowera, wala onyakulisana na nrima.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

1 Akorintiyu 1:10

Attwiizaku, khwa nzina la Mbwana eetthu Yinsa Al-Masiihu kinuuvekelani mooshi mweeyo yoori mwikhupalelane mmote na nzeenu khwa etile mwinttakhulaaye, yoori ohiiyevo waawanyeya vakatthi venu; mwiiye wookusanyeya khwa wuupuwela mmote na shawuri moote.

1 Akorintiyu 3:4

Toowo, amana ntthu alupaka yoori: “Miiyo ki wa Paawulu,” nkina khuri: “Miiyo ki wa Apoolu,” apho khinthoonyeza yoori mwinlotta vitthu za onaatamu?