1 Akorintiyu 3:13 - Hapari Zooshapweya

¹³ khaazi yawe enttela wooniseliwa, maana Siikhu ya Mbwana entana nuuru yaya; na enttela othoonyeziwa khwa moottho, onttelaaye woona khaazi ya wakhula ntthu.

1 Akorintiyu 3:13 Referans Kwoze

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

Othoonyeziwa 20:12

Khuwoona theenya ananfwa, awulu mpakha attiitthi, eemeliye omaasho wa khukulu, kithaapu khwiiya zoofunuliwa. Kithaapu kiina khufunuliwa, kithaapu ya ohaayi. Ananfwa khuphukiwa khwa nanna ya zooretta zaya, nkhama etthiipo zaatikhiweeyo nkithaapu.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

1 Pheeturu 4:12

Aphetani aka, mwihisutisiwe ti tafwawuthi empuwaaye vakatthi venu nkhama moottho yoori ewoototeni, nkhama etthu yootikinisa enuupuwelaanini.

2 Pheeturu 3:10

Nakataalikha, siikhu ya ota wa Mbwana, enteela opuwa nkhama nantarawu. Pinku enteela ozimweela na onyakula saaneene, vitthu epile za otulu enttela otapanyeya mwaasa wa nkukuku. Olumwenku na zooshi ziriimo zinteela waashikha.

Arooma 2:16

Zooshi epo zinttela wooneya siikhu Nluku amphukaavo siiri za anaatamu, khwa Yinsa Al-Masiihu, nkhama etthiipo enlupaazo hapari zaka zooshapweya.

2 Timootiyu 1:18

Mbwana ti amwinkhe, siikhu etile opattha tthakaraka ya olankha wa Mbwana! Weeyo onjuwa saaneene khaazi akikholeliyeeyo wakathi opule kaari Eefezu.

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

Arooma 2:5

Ila mwaasa wa ohilikhiseyi na olipa rooho yawo, oneekezela katapu khwa weeyo enttelaaye osaruwa siikhu ya katapu ya Nluku, wakathi onttelaaye ojithoonyeza ophuka wawe wa shariya.

Luuka 2:35

Mwaasa wa ethiito, wuupuwela wa nroho za atthu awaatta onteela osaruwa; weeyo Mariyamu enteela wuupattha huzuni khuluyeene nkhama phanka yoonoliwa yoori eshije nafusi yawo.”

2 Timootiyu 3:9

Khanteela weetta peeti, maana nkhama etthiipo ziwaarettikhaneliyeezo Jaane na Jampere, ololo wa atthu apho onttela wooniwa pi atthu ooshi.

Matewuzhu 10:15

Miiyo kiniwuuzani khweele yoori, siikhu ya ophukiwa enttela wiiyavo tthakaraka khwa Sotooma na Komoora zayita sitati ya eto.

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

1 Akorintiyu 3:12

Amana ntthu ajeka vatulu wa nchina laya ntthi arumeyelaka weero, feeta, mawe a fwayita, thaapwa, nyaani ama makutthi,

2 Timootiyu 1:12

Na mwaasa wa ethiito kinhoowa, ila khinikipatthisa haaya, maana kininjuwa paani kinkhupaliyeeyo na kinhakikhi yoori ona owahi wa opweha etile kimwinkhiyeeyo mpakha siikhu ya ethiito.

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

Meepereewu 10:25

Na nihilikhe okusanyeya nkhama ojama wa Nluku. Etthiipo ahinrettaazo akina. Ila nina ya olipiselana mmote na nzeetthu; nkhama etthiipo mwinjuwaazo yoori yasaleela ofiya siikhu ya ota wa Mbwana.

2 Pheeturu 3:7

Khwa nttakhuzi nttinttho pinku na vathi eriivo nasaapi eti zathokoreleliwa moottho, zapwehiwa yoori efiye siikhu ya ophukiwa na otapanyiwa wa makaafiri.