1 Akorintiyu 16:6 - Hapari Zooshapweya

⁶ Talili miiyo keekhale na mweeyo wakathi vattitthiiru ama mpakha wiisha mwiita kirina mweeyo, yoori akaawuni nsafwari, wakhula vahali kinttaavo.

1 Akorintiyu 16:6 Referans Kwoze

Khaazi 15:3

Ojama wa Nluku wa Antiyookiya khuwaaruma yoori alawe, alawaka khuvira nti oniitthiwaaye Feniisiya mpakha Samariiya. Khusala awaathatelela attwiizaya nanna amalapo ankhupaliyeezo Yinsa; hapari zaya epo zaari owaafurahisa channu attwiizaya ooshi.

Arooma 15:24

kinwaza oretta amana kilawaka Shipaanya. Kinwejela wuuthotolani kiviraka na kiwinkheni mweeyo ruhusa ya okaawuni monkoni wa safwari yaka eto, paata ya opuha vattitthiiru vamote na mweeyo.

Tiitu 3:12

Amana miiyo kuuperekheza Ariteema ama Tikiiku, orette thenke ya ota okikutthanana nti wa Nikopooli, maana kalakela wiisha mwiita kiri ottuukho.

2 Akorintiyu 1:16

Wekhweele, miiyo kaari wuupuwela wuuthotolani keettaka nti wa Masetooniya na kirutaka, yoori mwikaawuni oretta safwari yaka ya Yudeya.

1 Akorintiyu 16:11

Nakataalikha, ahiiyevo anintarawaaye. Mwimwaawuni yoori avire arettaka safwari yawe na heeri, yoori ye awahi orutela okhuno kiriiwo. Maana kintta onweja na attwi akina.

Khaazi 28:11

Ziviriyeevo nyeezi mittatthu paata ya wiisha mwiita. Veesura attaaphale yaarivo pankaya ya Alishanteriya yaariina ratarato ya miluku za maphapo khupakhira nttumpho.

Khaazi 27:12

Ooniyeevo yoori patari yaya etile khayaari yooshapweya wiisha wakathi wa mwiita ari attaapho, tiito enki khujilakelela yoori aarina yoorutela olokha na nroromelo wa ofiya Foonika ottuukho alawe avirise wakathi wa mwiita, maana yaari patari ya Kereeta, ethiito yaari weekesaaye phantte lintupweelaawo njuwa na lintthamuwaawo njuwa.

Khaazi 21:5

Eviriyeevo siikhu zaya epile, fweeyo khulaamo mphule mwaya, khusala nilawa niperekhiwaka pi ooshi, wakhula mmote na muukhaawe na aana awe mpakha othetekele wa sitati. Khulawa khukokhora mmattima khusala nilompa.

Khaazi 20:38

Yo aari oohuzunikha venkivene mwaasa wa nttakhuzi awooziyeeyo yoori: “Khaari oteela woonana theenya.” Aphano yo khumperekha mpakha mpankaya.

Khaazi 17:15

Apale aari omperekhaaye Paawulu, anlawaniye mpakha sitati ya Ateena, yo khurutela Bereeya, Paawulu khuwaalezela nhupi yoori amuuze Siila na Timootiyu alawe ottuukhule aariiwo, woohirupazi.