1 Akorintiyu 16:13 - Hapari Zooshapweya

¹³ Mwiiye woojeekesela, mwikhomaale nkatthi wa amini, mwiiye atthu ominyala, mwiiye ookhomaala.

1 Akorintiyu 16:13 Referans Kwoze

Ayeefezu 6:10

Omwiisho waya, mwiiye wookhomaala khwa Mbwana na kuvu za owahi nwulweene ariinaaye.

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

Akaalata 5:1

Al-Masiihu anitaphula yoori niiye wootaphuwa. Nakataalikha mwiiye ookhomaala, mwihijirutisele opheya nkatthi wa mapwattha oovitthwaana.

Afiliipu 4:13

Kinwahi oretta zooshi khwa otule anikikhomaazaaye.

2 Atizaloonika 2:15

Nakataalikha attwi, mwiiye ookhomaala na okholelela menttezi mwisomisiweeyo mweeyo, waaza mattakhuzi apale mwisiiliyeeyo, ama a warakha zeetthu.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

Afiliipu 4:1

Nakataalikha, attwiizaku mweeyo kinuuphetaanini, mwikinukheliyeeyo. Mweeyo mwiiyiyeeyo furaha yaka, na jarata yaka! Mwiiye woolipalipa etthiipo khwa Mbwana, oo aphetani aka!

1 Atizaloonika 3:8

Aphano fweeyo ninjonana ohaayi mwinkeene maana ninjuwa yoori mweeyo mwiri woolipalipa khwa Mbwana.

2 Timootiyu 4:7

Koomana viittha yooshapweya, kamarisa otthira waka, kathokorela amini.

2 Akorintiyu 1:24

Khahiyo yoori neetta ojuwacha monkoni wa amini yenu, ila mwaasa wa wiiya ashirikha a furaha yenu, maana khwa amini mweeyo mwakhomaala.

Matewuzhu 26:41

Mwijeekesele na mwilompe yoori mwihikwele muuzayiniwa. Rooho ti yookhomaala ila mwiili pi woottettheya.”

Akoloosu 4:2

Mwikhanyarele olompa, mwiiye oojisiileza na ooshukhuru.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

1 Akorintiyu 14:20

Attwiizaku, mwilikhe wuupuwela nkhama asimaana. Monkoni wa zootakhala, mwiiye asimaana, ila khwa nanna ya wuupuwela mwiiye awulweene.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

2 Timootiyu 2:1

Nakataalikha weeyo mwanaka, ojikhomaaze nrehema eriiye khwa Yinsa Al-Masiihu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

1 Atizaloonika 5:6

Nakataalikha, nihilale nkhama akinoko aya, ila niiye woojeekesela na woojipayini.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

Othoonyeziwa 16:15

“Moone yoori kinta nkhama nantarawu! Wooparikhiyiwa ti otule aniikhalaaye woojeekesela na wootthenkeza saana zoowala zawe yoori aheettette waazu na ehooniwe haaya yawe.”

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

Luuka 21:36

Mwiiye woojeekesela na olompa wakhula wakathi, yoori zuuwerawereni vitthu zaya epo zinttelaaye orettikhana na yoori mwapatthe weemela omaasho wa Mwaana wa Pinaatamu amana ata.”

Matewuzhu 25:13

“Nakataalikha, kiniwuuzaanini yoori mwijeekesele, maana mweeyo khamwinjuwa siikhu wala wakathi aya.