1 Akorintiyu 15:54 - Hapari Zooshapweya

⁵⁴ Nakataalikha, enhithajiya etile yootapwateleya ewala etile ehintapwateleyaaye, na etile enfwaaye ewale etile ehinfwaaye, apho linttela omariseliwa nttakhuzi laatikhiweeyo yoori: “Ofwa watapanyiwa ti oshintta!”

1 Akorintiyu 15:54 Referans Kwoze

Othoonyeziwa 20:14

Aphano ofwa na Ahera khweeseleliwa va ntthatta la moottho. Ntthatta la moottho pi ofwa wa phiiri.

Othoonyeziwa 21:4

Ye onlawa awaakukutthe mishozi za mmaasho mwaya zooshi. Khunteela wiiyavo theenya ofwa, wala huzuni, wala olila, wala olwaaza, maana vitthu epile za raku zavira.”

Luuka 20:36

maana khanfwa theenya, anttela wiiya nkhama malayikha na aana a Nluku, mwaasa yoori asisimuliwa.

2 Akorintiyu 4:11

Khwa etthiipo fweeyo niriiye haayi, wakhula wakathi nineekesela ofwa mwaasa wa Yinsa, yoori ohaayi awe othoonyezeye khwa mwiili etthu onfwaaye.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

2 Atizaloonika 1:10

Epo enttela orettikhana siikhu antaaye, oteela ottitthimisiwa khwa attakatthiifu awe, na oshankeliwa khwa apale ooshi aninkhupalaaye, vamote na mweeyo mwikhupaliyeeyo oshaahiti eetthu.

Arooma 8:11

Nkhama Rooho ya otule ansisimuliyeeyo Yinsa eri vamote na mweeyo, othuuto ansisimuliyeeyo Al-Masiihu nkhapuri theenya onteela osisimula mwiili enu woofwa, khwa Rooho yawe eniikhalaaye khwa mweeyo.

Arooma 6:12

Nakataalikha mwihilikhelele twampi orutela oshintta mwiili enu onfwaaye, zuurettisakani oshututela tuvela zenu.

Arooma 1:23

Apatilisa siifwa ya Nluku ahinfwaaye khwa ratarato yoolattanana ntthu anfwaaye, na nkhama ya anyannyi, nyama za moolu mane na zoojipurula vathi.

2 Akorintiyu 5:4

Amana niikhalaka nyuupa ethiiti, wiiyiyeeyo mwiili eetthu, ninsisimira woovelavelavo. Khahiyo yoori nintakha wiiya wootaphuliwa mwiili eetthu wa enaatamu, ila nintakha yoori nipwekherele mwiili wa pinkuuni yoori ohaayi orette etile enfwaaye wiiya ya waashikha.