1 Akorintiyu 15:3 - Hapari Zooshapweya

³ Maana etile kuutafusireliyeenini mwanzo ti ethiito kipwekhereliyeeyo: Yinsa afwa mwaasa wa twampi zeetthu, nkhama etthiipo enlupaazo zawaatikhiwa.

1 Akorintiyu 15:3 Referans Kwoze

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

Akaalata 1:12

Maana miiyo akipokhereleeni khwa mmakhono wa anaatamu wala akinozeliweeni ti hatha ntthu, ila Yinsa Al-Masiihu ti akithoonyeziyeeyo.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Arooma 4:25

Ye enkheleliwa ofwela twampi zeetthu na khusisimuwa yoori anihakikhi.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

1 Akorintiyu 11:23

Maana kapwekherela wa Mbwana eti na miiyo kuusomisiyeeni yoori: Mbwana Yinsa, osikhu opule aazinkuliweeyo, aathuuliye phaawu,

Khaazi 3:18

Ila Nluku aretta etile yaalupiweeyo raku pi manapiyu ooshi araka: Al-Masiihu awe aari oteela ohoowa.

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

1 Pheeturu 1:11

eekesaka ojuwa wakathi na vitthu zinttelaaye orettikhana etthiipo zaari othoonyaaye Rooho ya Al-Masiihu, etile yaari khwa yo, ewenkhaka ohupiri monkoni wa ohoowa wa Al-Masiihu na siifwa zaari weettelaaye olottela ohoowa opule.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

Arooma 3:25

Nluku anvaha Yinsa nkhama twaha yoori eeye swamiima nkatthi wa amini, khwa taamu yawe, athoonyezaka shariya. Khwa ovilela, aalikhiye ohukhumu twampi epile zirettiweeyo raku;

Matewuzhu 26:28

Eti taamu yaka ya wahati yiitthiweeyo khwa zwaamu ya atthu awaatta yoori eswaamiheliwe twampi.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Meepereewu 5:3

Khwa ethiito ye ona ya winkha twaha mwaasa wa twampi zawe mweenyewe na theenya khwa twampi za atthu.

Meepereewu 5:1

Wakhula haakhimu nwulu wa tiini onthawuliwa vakatthi wa atthu khwinkhiwa owaalokozela atthu khwa vitthu za Nluku na winkha zaakha na twaha za twampi.

1 Akorintiyu 11:2

Miiyo kinuuttottopelani mwaasa wa okuupuwela na okholelela sawasawa menttezi khwa nanna kuufiseliyeenini.

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 26:24

Mwaana wa Pinaatamu onlawa afwe, nkhama etthiipo yaatikhiweeyo monkoni wa ye. Ila wootakhaliwa ti otule anttelaaye onzinkula Mwaana wa Pinaatamu! Afwataali ahivokoliweeni.”

Luuka 24:25

Aphano Yinsa khuwooza yoori: “Atthu oorupaza weeleyiwa na oolipa waamini epile alupiyeezo manapiyu!

Khaazi 8:32

Zawaatikhiwa Ttakatthiifu za nkithaapu aari osomaaye mwiitiyoopiya otule zaari olupa toono: “Ye aathuuliwe nkhama pwittipwitthi eneettelaaye wuuliiwa, khwiiya woonyamala, ari vakatthi wa apale ankasaaye ovuzi, Ye khaafunuliye milomo zawe.

Khaazi 17:2

Nkhama etthiipo aazowereliyeezo, Paawulu aaviriye nsinakooka Saapatu ttatthu, khusala amanyamanya Zawaatikhiwa Ttakatthiifu,