1 Akorintiyu 15:19 - Hapari Zooshapweya

¹⁹ Nkhama ohaayi otthuupu paasi ti niriina nroromelo khwa Al-Masiihu, natepa ofukhara khwa atthu ooshi.

1 Akorintiyu 15:19 Referans Kwoze

Othoonyeziwa 14:13

Aphano miiyo khusiila huula ya pinkuuni elupaka yoori: “Waatikhe: Ooparikhiyiwa ananfwa apale anfwaaye arina Mbwana nasaapi eti mpakha okho ninttaawo.” Rooho ya Nluku khulupa yoori: “Aaa, yo anttela ovumula khwa tafwawuthi zaya, maana zooretta zaya zinttela owaalotta.”

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

2 Timootiyu 1:12

Na mwaasa wa ethiito kinhoowa, ila khinikipatthisa haaya, maana kininjuwa paani kinkhupaliyeeyo na kinhakikhi yoori ona owahi wa opweha etile kimwinkhiyeeyo mpakha siikhu ya ethiito.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

2 Timootiyu 3:12

Weekhweele apale antakhaaye wiikhala wa emaani khwa Yinsa Al-Masiihu aniiya oolupatthiwa.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

Luuka 8:14

Peewu epi zaakweliiye va miiwa, zinlikanisaniwa atthu apale ansiilaaye, ila mwaasa wooshukulikhela opattha tuvela na haali za meekhazi, yo waamini waya vattiitthi-vattiitthi onzima, ahifiyelelaka wiima mishumo.

Matewuzhu 24:9

“Aphano yo anteela owinkhelelani yoori mwilupatthiwe na muuliwe, mwinlawa mweeniwe ti khapila zooshi mwaasa wa nzina laka.

2 Timootiyu 2:4

Khaavo najanka mmote anjilikhelelaaye othuuliwa pi zanshara za meekhazi ootakhala, maana ye ontakha ontuvelisa namalokozela otule anthawuliyeeyo olawa ovittha.

Yaahaya 16:2

Mweeyo mwinteela wiikariwa nsinakooka; weekhweele, onlawa wafiye wakathi anraaye ntthu amana awuulaani khoona nkhama ankholaaye khaazi ya Nluku.