1 Akorintiyu 15:1 - Hapari Zooshapweya

¹ Attwiizaku, kintakha kuukupuseleni hapari zooshapweya kuutafusireliyeenini, etthiipo mweeyo mwipwekheriyeeyo na etthiipo mwilipaniyeeyo.

1 Akorintiyu 15:1 Referans Kwoze

1 Pheeturu 5:12

Khwa awuni ya Siila, othuuto kinimonaaye wiiya ttwi wa waamineya, miiyo kawaatikhelani khwa mattakhuzi vattitthiiru, kuulipiselakani na kilazaka oshaahiti yoori eti rehema ya ookhweele ya Nluku. Mwiiye woolipalipa nrehema ya Nluku.

1 Atizaloonika 1:6

Weekhweele mweeyo mwaretteya wiiya atthu mwinneezelaaye fweeyo na khwa Mbwana, maana, mwahoowaru pure, mwapwekherela nttakhuzi na furaha entaaye khwa Rooho Ttakatthiifu.

2 Akorintiyu 1:24

Khahiyo yoori neetta ojuwacha monkoni wa amini yenu, ila mwaasa wa wiiya ashirikha a furaha yenu, maana khwa amini mweeyo mwakhomaala.

2 Atizaloonika 3:6

Attwi, khwa nzina la Mbwana eetthu Yinsa Al-Masiihu fweeyo ninuurumani yoori mwinwerawere wakhula ttwi aneettettaaye woovonyeyavo woohiiyi khwa mwentto opule mweeyo mpwekhereliyeeyo khwa fweeyo.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

Arooma 2:16

Zooshi epo zinttela wooneya siikhu Nluku amphukaavo siiri za anaatamu, khwa Yinsa Al-Masiihu, nkhama etthiipo enlupaazo hapari zaka zooshapweya.

Khaazi 11:1

Maaswihaapa na attwi ooshi a Yudeya khusiila elupiwaka yoori amalapo apwekherela nttakhuzi la Nluku.

Yaahaya 12:48

Owaapho namaphuka wa otule anikikatthalaaye na ahinkhupalelaaye mattakhuzi aka; nttakhuzi laka nttinttho kilupiyeeyo ti linttelaaye omphuka siikhu ya mwiisho.

1 Akorintiyu 3:6

Miiyo keetta ozala, Apoolu khukhuwari, ila Nluku ti anwulisaaye.

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Khaazi 2:41

Atthu awaatta khukhupalela nttakhuzi, khulawa khoosiwa. Siikhu etile atthu eekezeleyiye khwiiya alufu ttatthu.

Arooma 11:20

Yalikana. Yo zashijiwa mwaasa woohikhupali, weeyo nalelo wiiye wookhomaala mwaasa wa amini. Aphano ohijikhutupule ila woove.

1 Akorintiyu 4:15

Hatha nkhama mweetta wiiyana alufu khumi anamasomisa khwa Al-Masiihu, mweeyo khamwina apaapa awaatta, maana khwa Yinsa Al-Masiihu miiyo koovokolani khwa hapari zooshapweya.

1 Akorintiyu 16:13

Mwiiye woojeekesela, mwikhomaale nkatthi wa amini, mwiiye atthu ominyala, mwiiye ookhomaala.