1 Akorintiyu 14:6 - Hapari Zooshapweya

⁶ Aphano attwiizaku, amana miiyo kita wuuthotolani na kittakhulaka luuka pheeya, mwimpatthanivo mweeyo, woohiiyi miiyo owuuzani monkoni wa othoonyeziwa, ama ojuwa, ama otafusiri ama masomi?

1 Akorintiyu 14:6 Referans Kwoze

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

2 Timootiyu 3:16

Nluku avitelela Zawaatikhiwa Ttakatthiifu zooshi, ena fwayita ya osomisa, na olikhisa, oshowera na onozela shariya,

Arooma 6:17

Ila nininshukhurwela Nluku, maana mweeyaru pure aviitthwaana a twampi, mwavira mwininshututela Nluku na rooho yenu khwa nanna mwisomisiweezo.

1 Akorintiyu 14:1

Mwilotte tarikhi ya pheta na mweekese woohilikheleli tthuvo ya rooho, haaswahaaswa tthuvo ya otafusiri.

2 Yaahaya 1:9

Wakhula otule ahinlipanaaye masomi a Al-Masiihu, na anzitisaaye, khana Nluku; ila otule anlipanaaye ona Paapa na onaaye Mwaana.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

2 Pheeturu 1:5

Khwa etthiipo, mwijilipise yoori mweekezele va amini venu okemaani; va okemaani venu ojuwa;

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.

2 Timootiyu 4:2

otafusiri nttakhuzi, wiiye woojitthenkeza khwa wakathi ama oje wa wakathi. Oshowere, olikhise, olipisele woopholevo na ovilela venkivene khwa thwapiya.

2 Timootiyu 3:10

Ila weeyo onlottela wookharipweyavo masomi aka, menttezi aka, matakhelo aka, amini yaka, ovilela waka, pheta yaka, na okhanyarela waka,

2 Timootiyu 2:14

Mattakhuzi apa owaafikhirise atthu ooshi, owoozaka saaneene omaasho wa Nluku yoori ahijitupweeze muunyakulisana monkoni wa mattakhuzi. Opo aya khuna fwayita, oniwaatapanya apale ansiilaaye.

Afiliipu 3:15

Fooshi fweeyo niiyiyeeyo okhomaala nkatthi wa amini nina ya woona vitthu khwa nanna ethiito, ila nkhama vakatthi venu, owaapho anuupuwelaaye khwa nanna yoofwarikhana, Nluku ontta othoonyeza epo zaya khwa mweeyo.

Ayeefezu 3:4

Amana mwisoma mattakhuzi aya apo, mwintta ojuwa nanna miiyo enikeeleyaazo siiri za Al-Masiihu.

2 Akorintiyu 12:7

Yoori akhattaze ojishashawula mwaasa wa othoonyeziwa opo nwulweene, khushomaniwa mwiiwa mmwiili mwaka ti karumeya a Epiliisi yoori akoopopise na kihijishashawule.

2 Akorintiyu 12:1

Enhithajiya miiyo ojishashawula khwa epo zaya. Hatha nkhama kintta ohipattheli etthu, kinteela olupa monkoni wa jozi na othoonyeza wa Mbwana.

2 Akorintiyu 11:6

Miiyo hatha nkhama keetta ohiiyi namattakhula saana; ila aki masikhini khwa ojuwa. Weekhweele, nathoonyeza epo zaya khwa mweeyo wakhula nanna ya vitthu zoorettikhana.

1 Akorintiyu 10:33

Theenya miiyo kineekesa owaatuvelisa atthu ooshi khwa nanna zooshi, maana akineekesa saana yaka paasi, ila saana ya atthu ooshi, yoori oosurukhe.

Arooma 16:17

Kinuuvekelani attwiizaku, yoori mwiiyane phoole na apale antanaaye waawanyeya na ottha tafwawuthi khwa masomi apale mweeyo mwipwekhereliyeeyo. Apo aya mwiwaasuse.

Arooma 15:14

Attwiizaku, miiyo ena kinkhupalela yoori mweeyo mweetaala emaani saaneene na onozeleya, mwina makhaamu a olakana mmote na nzeenu.

Khaazi 2:42

Yo aari ooshututela masomi a maaswihaapa na osiilana, na oretta njampo la mwiili na taamu, na lompa.

Matewuzhu 16:26

Nakataalikha, ena fwayita ni ntthu opattha fwayita olumwenku wooshi na khumwaashikha ohaayi awe? Ama niini pinaatamu antakhaaye opatilana nafusi yawe?

Matewuzhu 16:17

Yinsa khujipu yoori: “Wooshapweyiwa ti weeyo, Simawu mwaana wa Yoona! Maana vitthu zaya epi khuthoonyeziweeni ti pinaatamu, ila ti Paapa ariiye pinkuuni.

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.

1 Akorintiyu 14:7

Mpakha khwa vitthu epile zinvumaaye, waaza kuruneetha ama tthakare, amana zihifwarikhanisiwi ovuma waya, ntthu onjuwa toovi eti enpiwaaye?