1 Akorintiyu 14:2 - Hapari Zooshapweya

² Maana otule anttakhulaaye luuka pheeya khaniwaattakhulela atthu, ila Nluku. Wekhweele, khina enimweleyaaye; na khwa rooho onttakhula siiri zoovitheya.

1 Akorintiyu 14:2 Referans Kwoze

Maaruku 16:17

Alama epi enttela owaalokoza apale anikikhupalaaye miiyo: khwa nzina laka aniikara masheethwani, anlawa attakhule luuka pheeya,

Khaazi 19:6

Wakathi Paawulu awaattheliyeevo makhono, khuweeshukhela Rooho Ttakatthiifu khwaaza ottakhula luuka pheeya na ohupiri.

Khaazi 10:46

maana yo awaasiiliye ansifwaka Nluku khwa luuka pheeya. Elottelanaka Pheeturu khulupa yoori:

1 Akorintiyu 13:2

Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

1 Akorintiyu 2:10

Ila Nluku athoonyeza vitthu zaya epo khwa fweeyo monkoni wa Rooho. Rooho Ttakatthiifu enoona vitthu zooshi mpakha vitthu epile zoovitheya za Nluku.

Othoonyeziwa 10:7

Ila, siikhu ya ovumisiwa nlope ti nlayikha la saapa, enttela omariseleya siiri zootikinisa za Nluku nkhama aalaleyiyeezo awoozaka akarumeya awe, manapiyu.”

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Timootiyu 3:9

Eeye atthu oohikheetiwi pi rooho zaya na oojilipisana mwentto wa amini athoonyeziweeyo ti Nluku.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Ayeefezu 6:19

Na theenya mwikilompele yoori amana kittakhulaka kipatthe ominyala na kisala kinkhiwa mattakhuzi aya, yoori ejuwiwe siiri za hapari zooshapweya.

1 Akorintiyu 15:51

Moone yoori miiyo kinlupa siiri zoovitheya yoori: khahiyo fooshi ninttelaaye ofwa, ila fooshi ninttela ozukulisiwa,

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

Khaazi 22:9

Atthu apale aari vamote na miiyo ooniye nuuru etile, ila khuhisala asiila huula etile yaari ottakhulanaaye miiyo.

Maaruku 4:11

Ye khuwooza yoori: “Mweeyo mwenkhiwa ojuwa siiri za ofwalume wa Nluku, ila apale ari oje, zooshi anuuzaniwa milikaniso,

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Mwanzo 42:23

Yo khaari ojuwa yoori Yuusufu aari osiila epile aari ottakhulaazo, mwaasa yoori attakhulaka aarivo ntthu aari otaphulelaaye.

Mwanzo 11:7

Nlaweni niishukhe navirikanise luuka anttakhulaaye yoori ahisala asiilana mmote na nzaawe.”

1 Akorintiyu 14:16

Amana weeyo onsifwaka Nluku khwa rooho, nannani ntthu antthaaye waazaru otamo anttelaaye owahi olupa yoori amiina khwa lompa yawo ya oshukhurwela, woone yoori khanjuwa etthu weeyo onlupaaye.

1 Akorintiyu 12:10

nkina owahi wa oretta minjuza; nkina otafusiri; nkina othawula rooho; nkina ottakhula luuka zoofwarikhana; na theenya nkina otaphulela luuka.

1 Akorintiyu 12:28

Etthiipo, muujama wa Nluku, omwanzo Nluku awaatthaamo maaswihaapa; ya phiiri manapiyu; ya ttaatthu anamanozela; elottelanaka apale anrettaaye minjuza, apale ariina tthuvo ya ovonisa, apale ariina tthuvo ya waawuni, apale ariina tthuvo ya oshuka nzurukhu na apale anttakhulaaye luuka pheeya.

1 Akorintiyu 13:1

Hatha nkhama miiyo keetta ottakhula luuka za anaatamu na za malayikha, ila khuhiina pheta, kiniiya nkhama yuuma envumaaye ama nkhama ovuma wa laatha.

1 Akorintiyu 14:26

Nakataalikha, niri je attwiizaku? Amana mweeyo mwikusanyeya, wakhula mmote wa mweeyo eeyane liipo la zaapuura moote, ama nttakhuzi la onozela, othoonyeziwa, ama nttakhuzi la luuka pheeya ama otaphulela. Zooshi zirettikhane khwa ojeka ojama wa Nluku.