1 Akorintiyu 13:7 - Hapari Zooshapweya

⁷ onhoowa khwa zooshi, onkhupalela zooshi, onwejela zooshi na onvilela zooshi.

1 Akorintiyu 13:7 Referans Kwoze

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

1 Akorintiyu 13:4

Ntthu amphetaaye ti woovilela, wookemaani, khahi wa nrima, khahi wa wiivu, khahi woojitayiti wala woojikhupali.

2 Timootiyu 2:24

Karumeya wa Mbwana khana ya wuumana, ila wiiya ntthu woosilaneya khwa atthu ooshi, wookhitiri osomisa na woovilela.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Akorintiyu 9:12

Nkhama akina ana ruhusa ya otthanttiwa ti mweeyo, fweeyo natepa wiiyana. Ila fweeyo khaninarumeyele ruhusa yaya eto. Olikha toowo, ninvilela zooshi yoori nihitane etthu yoottiyelela hapari za Al-Masiihu.

Akaalata 6:2

Mwaawunane mmote na nzeenu khwa etthiipo phi mwinshututelaavo kano za Al-Masiihu

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

2 Atizaloonika 1:4

Khwa ethiito fweeyo ninjittitthimisa khwa mweeyo vakatthi wa ojama nkina wa Nluku khwa nthiti na amini mwithonyeziyeeyo mweeyo muulupatthiwa na mwivilelaka miswipa.

2 Timootiyu 3:11

lupattha na ohoowa zikivireliyeeyo, vitthu zikirettikhaneliyeezo Antiyookiya, Ekooniyu na Liishitera. Swaafu kavi kivileliyeeyo lupattha! Ila khwa vitthu zooshi epo Mbwana akitaphula!

Arooma 15:1

Fweeyo nikhomaaliyeeyo, nina ya ovilela otteettheya wa apale oohikhomaali, nihisala nijituvelisa neenyeweru.

Matewuzhu 10:22

Atthu ooshi anttela owiinani mwaasa wa miiyo, ila otule anttelaaye ovilela mpakha mwiisho ontta wuusurukha.

Meepereewu 13:13

Nakataalikha, nisaruwe nimweettele ye oje wa aphale waamakiweevo, nivilelaka otarawiwa nkhama etthiipo avileliyeeyo.

Arooma 8:24

Maana khwa nroromelo otthuupo noosurwiwa. Ila nroromelo onooneyaaye khahiyo nroromelo. Paani anwejelaaye etile anoonaaye?

Mwanzo 29:20

Yaakhumpa khukhola khaazi nyaakha sapa yoori anrale Rakeele. Nyaakha epile sapa ye khoona nkhama siikhu vattitthiiru mwaasa wontuvela channu.

Maaruku 9:23

“Nkhama kinwahi?” Alupaka Yinsa. “Zooshi zinwaheya khwa otule ankhupalaaye.”