1 Akorintiyu 13:13 - Hapari Zooshapweya

¹³ Aphano ziwaapho vitthu epi ttatthu: Amini, owejela na pheta. Nakataalikha khuulu khwa epi zaya pheta.

1 Akorintiyu 13:13 Referans Kwoze

1 Akorintiyu 16:14

Mwirette zooshi epo khwa pheta.

Akoloosu 3:14

Khwa zooshi epo mwijiwalise pheta, maana ti ethiito ennikusanyaaye wookhaamilikhavo.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Afiliipu 1:9

Eto lompa yaka yoori: pheta yenu wakhula swaafu esala yeekezeleya khwa ojuwa na weeleyiwa wookhamilikha,

1 Timootiyu 1:5

Maana a masomi aya apa ophetana wa rooho yookemaani, na ojuwa othawula yooshapweya vakatthi wa yootakhala, na amini yohiiyi yoonaafikhi.

1 Yaahaya 2:10

Wakhula otule animphetaaye ttwiiye onlipana nuuru, na varoho vawe khayiivo hatha etthu eninkosisaaye.

1 Atizaloonika 5:8

Olikha toowo, fweeyo niiyiyeeyo a nthana, niiye woojipayini, niwale amini na pheta nkhama jaketa na nroromelo wa nusura nkhama koofiya.

2 Akorintiyu 5:10

Maana fooshi fweeyo nina ya ojithoonyeza enakatthi ya Yinsa yoori niphukiwe ti ye. Na wakhula ntthu onteela opwekhera etile eninsuhaaye, khwa etile arettiyeeyo yooshapweya ama yootakhala ohaayi awe vathi apha.

1 Akorintiyu 8:3

Ila otule animphetaaye Nluku, oto onjuwiwa ti Nluku.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Yaahaya 3:9

Wakhula otule avokoliweeyo ti Nluku khanretta twampi, maana ojama awe onlipa khwa ye. Oto khanwahi orutela weettetta ntwampi maana avokoliwa ti Nluku.

1 Yaahaya 3:3

Wakhula otule ariina nroromelo opu ajittakatthise nkhama etthiipi naye eeyiyeeyo woottakattha.

1 Yaahaya 2:14

Aanaaka, kawaatikhelani maana mwanjuwa Paapa. Apaapa, kawaatikhelani maana mwininjuwa otule ariivo thanku omwanzweene. Mashaapu, miiyo kawaatikhelani maana mweeyo mwa wookhomaala, na khwa mweeyo nttakhuzi la Nluku mwilipane na mwanshintta ntakhali.

Meepereewu 6:19

Niiyane nroromelo nkhama nankura wa nafusi woolipalipa na wookhomaala. Nroromelo opu onvira va phazira khweetta puuro Ttakatthiifu ya attakatthiifu pinkuuni.

2 Timootiyu 1:7

Maana Nluku khaninkheeni rooho ya woova, ila ya owahi, ya pheta na yoolipalipa.

Meepereewu 6:11

Apho ennituvela yoori wakhula mmote wa mweeyo ajithoonyeze wiiya woolikana mpakha mwiisho, yoori mwiiyane nroromelo khaamili,

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

1 Akorintiyu 14:1

Mwilotte tarikhi ya pheta na mweekese woohilikheleli tthuvo ya rooho, haaswahaaswa tthuvo ya otafusiri.

1 Akorintiyu 3:14

Nkhama etile ntthu ajekiyeeyo ti ya wiiyavo, oto ompwekhera phakari yawe.

1 Yaahaya 2:24

Mwilipane olottisela nttakhuzi looshi ntthile mwisiiliyeeyo waaza omwanzo ene. Amana mwilipana epile mwisiiliyeeyo waaza omwanzo ene theenya phi mwinlipanaavo Mwaana na Paapa.

Luuka 22:32

Ila miiyo koolompela yoori amini yawo ehizime. Amana orutela wiiya vamote na miiyo, owaalipisele azaawo.”

Luuka 10:27

Ye khujipu araka: “Omphete Mbwana Nluku awo na rooho yawo yooshi, na nafusi yawo yooshi, na kuvu zawo zooshi, na akhili zawo zooshi, na omphete namwaattamanani awo nkhama etthiipo onjiphetaazo omweenyewe.”

Meepereewu 10:39

Fweeyo, khahi apale anrutelaaye nyuma na khupwetheya; ila fweeyo pi apale ankhupalaaye khuusurukha.

1 Akorintiyu 8:1

Monkoni wa vitthu zoojiwa zootwaheliwa sanamu, ninoona yoori fooshi ninaaye ojuwa. Ojuwa ontana ojikhupali, ila pheta enjeka.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Meepereewu 10:35

Apho mwihanswi nroromelo mwiriinaaye, onaaye phakari khuluyeene.

Akoloosu 1:5

mwaasa wa nroromelo mwipweheliweeyo pinkuuni. Otthuupo mweeyo mwisiiliyeeyo khwa nttakhuzi la haakhi, hapari zooshapweya

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.