1 Akorintiyu 12:6 - Hapari Zooshapweya

⁶ Ewaapho nanna ya ofwarikhana khwa okhola khaazi, ila Nluku mmote othuuto ti anrettaaye zooshi khwa atthu ooshi.

1 Akorintiyu 12:6 Referans Kwoze

1 Akorintiyu 12:11

Nakataalikha, vitthu zaya epo zooshi zinrettiwa khwa Rooho moote ethiito paasi, na ye enimwaawanyela wakhula ntthu, khwa nanna entakhaazo.

1 Akorintiyu 3:7

Khwa etthiipo, otule anzalaaye mpakha otule ankhuwaraaye khahiyo hatha etthu, ila Nluku paasi otule anwulisaaye.

Yaahaya 5:17

Ila Yinsa khuwooza yoori: “Paapa ontta okhola khaazi mpakha leelo, na miiyo kintta okhola.”

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.

Ayeefezu 4:6

Nluku mmote na Paapa wa atthu ooshi, othuuto eeyiyeeyo vatulu wa zooshi, ori khwa ooshi na onkhola khaazi khwa ooshi.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Akoloosu 1:29

Tiito miiyo kinjilipisa, kuumanaka khwa kuvu zawe, enkholaaye khaazi woowahivo khwa miiyo.

Afiliipu 2:13

Maana Nluku ti ankholaaye khaazi nkatthi mweenu yoori mwishututele niiya yawe waaza nwuupuwela mpakha muuretta.

1 Akorintiyu 15:28

Ila amana Nluku attha vitthu zooshi vathi wa owahi wa Mwaana awe, theenya epo zaya onttela ottha vathi wa owahi wa papaawe amwinkhiyeeyo zooshi. Na, khwa nanna etthiipo Nluku onttela wiiya zooshi khwa atthu ooshi.

1 Akorintiyu 12:5

Ewaapho nanna za khaazi zoofwarikhana, ila Mbwana mmote.