1 Akorintiyu 12:10 - Hapari Zooshapweya

¹⁰ nkina owahi wa oretta minjuza; nkina otafusiri; nkina othawula rooho; nkina ottakhula luuka zoofwarikhana; na theenya nkina otaphulela luuka.

1 Akorintiyu 12:10 Referans Kwoze

1 Akorintiyu 14:39

Nakataalikha, attwiizaku, mweekese otafusiri saaneene na mwihikhattaze ottakhuliwa luuka pheeya.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Maaruku 16:17

Alama epi enttela owaalokoza apale anikikhupalaaye miiyo: khwa nzina laka aniikara masheethwani, anlawa attakhule luuka pheeya,

Akaalata 3:5

Otule aniwinkhaanini Rooho Ttakatthiifu na oretta minjuza khwa mweeyo onretta vitthu zaya epi khwa olottela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?

Maaruku 16:20

Aphano anakhiyoni apale khulankha khulawa olaleya phantte zooshi, Mbwana aari owaawuni ahakikhaka mattakhuzi aya na alama zaari owaalottaaye.

Othoonyeziwa 2:2

Miiyo kinjuwa zooretta zaya, na khaazi zaya, na nthiti laya. Kinjuwa yoori khunwahi owaavilela anamatakhala rooho, na wawootoota apale anjilupezaaye yoori maaswihaapa ahi, na khuwaasophela yoori anamahata.

1 Atizaloonika 5:20

Mwihitarawu ohupiri.

1 Akorintiyu 13:8

Pheta khiniisha. Ila otafusiri oniisha, luuka ziniisha, ojuwa oniisha.

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Arooma 12:6

Ninaaye tthuvo zoofwarikhana, khwa rehema ninkhiweeyo. Nkhama ntthu onaaye tthuvo ya ohupiri, arumeyele khwa amini ariinaaye.

Khaazi 19:6

Wakathi Paawulu awaattheliyeevo makhono, khuweeshukhela Rooho Ttakatthiifu khwaaza ottakhula luuka pheeya na ohupiri.

Khaazi 11:28

Mmote wa yo aari wiitthiwaaye Akaapu, khulankha khwa Rooho Ttakatthiifu khulupa yoori enteela opuwelela jala olumwenku wooshi, ethiito yaarettikhaniye wakathi wa Seezari Kalaawutiyu ari mfwalume nwulu.

Khaazi 5:3

Aphano Pheeturu khumuuzela Ananiiya yoori: “Wamwiitaazelani epiliisi nroho mwawo, khuufiyelelisa ohata Rooho Ttakatthiifu mwaasa woovitha nzurukhu wuuzanyisiyeeyo nshapa lawo?

Khaazi 1:8

Ila amana Rooho Ttakatthiifu ewiishukelani mwinteela winkhiwa owahi, mwiiye mashaahiti aka, waaza Yeruzaleemu na Yudeya yooshi na Samariiya mpakha ohali wiisheliyeewo olumwenku.”

Yaahaya 16:13

Ila amana Rooho ya haakhi eta, ye enttela wuusomisani khweele yooshi mweeyo. Ye kinteela ojilupa, ila enttela olupa zooshi esiiliyeeyo na owuuzani mweeyo vitthu zinttelaaye orettikhana.

Yaahaya 14:12

Miiyo kiniwuuzani khweele yoori, otule anikikhupalaaye miiyo onkhola khaazi epi kikholiyeezo hatha onkhola zooziti epi, maana miiyo kineetta wa Paapa.

Luuka 24:49

Miiyo kinlawa kooperekhezeni etile Paapa ahitiyeeyo. Ila mweeye Yeruzaleemu ottuukho mpakha mwiitaazaniwe owahi wa pinkuuni.”

Meepereewu 2:4

Nluku naye alawela oshaahiti vakatthi wa alama, minjuza, vitthu zootikinisa nanna zene na tthuvo ya Rooho Ttakatthiifu eperekhiweeyo khwa matakhelo awe.

Khaazi 11:27

Siikhu zaya epile manapiyu akinoko aalankhiye Yeruzaleemu eettaka Antiyookiya.

1 Akorintiyu 11:4

Wakhula nlume anlompaaye ama anhupiraaye afinikhiye eeshwa ontarawu eeshwa yawe.

1 Akorintiyu 14:13

Tiito, otule anttakhulaaye khwa luuka pheeya, alompe yoori awahi otaphulela.