1 Akorintiyu 1:5 - Hapari Zooshapweya

⁵ Maana khwa etthiipo mweeyo mwareelisiwa khwa zooshi, eto tiiti, khwa nttakhuzi looshi na khwa ojuwa wooshi.

1 Akorintiyu 1:5 Referans Kwoze

2 Akorintiyu 9:11

Mweeyo mwinttela oreelisiwa khwa wakhula nanna, yoori mwiiyane winkha woohilikheleli wakhula wakathi, khwa fweeyo, winkha woohilikheleli weenu esutukhwane yiiyaka rehema ya Nluku.

2 Akorintiyu 8:7

Nakataalikha, etthiipo mwinthoonyezaazo yoori khwa zooshi mwa oolikana zayita atthu akinoko aya nkatthi wa amini, nttakhuzi, ojuwa na ojinkha wa owaawuni azeenu, na pheta mwiriina khwa fweeyo mwijilipisane ruhusa eto ya olaza.

Akoloosu 2:3

Majuju ooshi, a akhili na a ojuwa avitheya khwa ye.

Afiliipu 1:9

Eto lompa yaka yoori: pheta yenu wakhula swaafu esala yeekezeleya khwa ojuwa na weeleyiwa wookhamilikha,

Arooma 15:14

Attwiizaku, miiyo ena kinkhupalela yoori mweeyo mweetaala emaani saaneene na onozeleya, mwina makhaamu a olakana mmote na nzeenu.

Tiyaaku 3:13

Paani ariina akhili na weeleyiwa vakatthi venu? Ti athoonyeze wooshapweyavo khwa khaazi zookholiwa woojipushuwisavo zoolankha muujuwa.

Akoloosu 3:10

na mwawala ontthu mpheya, onzukulisiwaaye khwa ojuwa wa ratarato ya otule amumpiyeeyo.

Ayeefezu 6:19

Na theenya mwikilompele yoori amana kittakhulaka kipatthe ominyala na kisala kinkhiwa mattakhuzi aya, yoori ejuwiwe siiri za hapari zooshapweya.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

1 Akorintiyu 12:8

Khwa Rooho mmote, oninkhiwa mattakhuzi aakhili; khwa Rooho ethiito, mattakhuzi oojuwa;

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

1 Akorintiyu 13:2

Hatha nkhama keetta wiiyana tthuvo ya otafusiri, khujuwa siiri zooshi zoovitheya, na ojuwa wooshi na khwiiyana amini enwahaaye othamisa nyaako, amana kihina pheta, akinpatthela hatha etthu.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

1 Akorintiyu 14:26

Nakataalikha, niri je attwiizaku? Amana mweeyo mwikusanyeya, wakhula mmote wa mweeyo eeyane liipo la zaapuura moote, ama nttakhuzi la onozela, othoonyeziwa, ama nttakhuzi la luuka pheeya ama otaphulela. Zooshi zirettikhane khwa ojeka ojama wa Nluku.

1 Akorintiyu 13:8

Pheta khiniisha. Ila otafusiri oniisha, luuka ziniisha, ojuwa oniisha.

1 Akorintiyu 12:10

nkina owahi wa oretta minjuza; nkina otafusiri; nkina othawula rooho; nkina ottakhula luuka zoofwarikhana; na theenya nkina otaphulela luuka.

1 Akorintiyu 8:11

Etthiipo, ttwi oto woottettheya, otule Al-Masiihu anfweliyeeyo, ontta otapanyeya mwaasa wa ojuwa opule weeyo oriina.

Arooma 15:4

Maana zooshi zaatikhiweeyo asulani zaatikhiwa yoori enisomise, khwa nanna, yoori khwa nthiti na olipiseliwa onlankhaaye Zawaatikhiwa Ttakatthiifu elipisele nroromelo eetthu.

Arooma 11:12

Ila, nkhama ovonya waya onthoonyeza maali khwa olumwenku, na otteettheya waya maali khwa amalapo, khitepeeni othoonyeza waatta amana aretta zoolikana!

Khaazi 2:4

Ooshi khwiiya awiitaala Rooho Ttakatthiifu, khwaaza ottakhula luuka kiina khwa nanna wakhula ntthu Rooho Ttakatthiifu yaari omwinkhaazo ottakhula.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.