1 Akorintiyu 1:27 - Hapari Zooshapweya

²⁷ Ila Nluku athawula etile khwa olumwenku yiiyiye ololo yoori awaapatthise haaya anaakhili, na athawula etile khwa olumwenku yiiyiyeeyo yoottettheya yoori apatthise haaya epile zookhomaala.

1 Akorintiyu 1:27 Referans Kwoze

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.

1 Akorintiyu 1:20

Ori vayi naakhili? Ori vayi namwaatikha wa kano? Ori vayi namajuwa ottakhula? Olikha toowo Nluku khattheeni wiiya ololo akhili za olumwenku opu?

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

2 Akorintiyu 4:7

Ila ninaaye njuju nttho khwa yoopo ya mattophe, yoori nithoonyeze owahi opu nwulweene woolankha khwa Nluku, khahiyo khwa fweeyo.

Matewuzhu 21:16

“Onsiila epi anlupaazo asimaana apa?” Yinsa khuwaajipu yoori: “Aaa; mweeyo khamwinasome yoori: ‘Khwa milomo za asimaana na apale anaamwaaye enlankhamo siifwa khaamili’?”

2 Akorintiyu 10:10

Maana atthu akina anlupa yoori: “Warakha zawe pi za okhomaala na olipa, ila mweenyewe ti woopepheya, na mattakhuzi awe pi ootaraweya.”

Matewuzhu 9:9

Elottelanaka Yinsa khulaawo okhule waya, khumoona mwinyi mmote aniitthiwaaye Matewuzhu eekhaliye vahali laari oriphiwaavo lumpuru, khumuuza yoori: “Okilotte!” Ye khulankha khunlotta.

Khaazi 17:18

Asomi akina ashikola yaari wiitthiwaaye Epikure na kiina yaari wiitthiwaaye Eshitoyiku khusala akheetisanana na Paawulu. Akina khusala alupa yoori: “Otu woothaala nkhanyo onri niini apha?” Akina khusala alupa yoori: “Talili oniwaalupa a miluku oohijuweyi,” maana Paawulu aari otafusiri hapari zooshapweya monkoni wa Yinsa na monkoni wa osisimuwa.

Khaazi 7:54

Paata ya yo osiila mattakhuzi apale khuwaapattha katapu nroho mwaya, khusala anwinela meeno.

Khaazi 7:35

“Munsa othuuto, yo ankatthaliyeeyo araka: ‘Awinkhiyeeyo wiiya mfwalume wala namaphuka weetthu fweeyo ti paani?’ Ye aaperekhiwe ti Nluku yoori eeye namalokozela na namwaawuni aya, ye alokoziwe ti nlayikha lampuweleliyeeyo vamweeke wa moottho wahaari ozimaaye.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

1 Akorintiyu 2:12

Ila fweeyo khanipwekhereleeni rooho ya olumwenku otthuupu, ila Rooho enlankhaaye wa Nluku, yoori eneeleye vitthu Nluku anninkhaaye mahala.