1 Akorintiyu 1:18 - Hapari Zooshapweya

¹⁸ Maana hapari za nsalapa ololo khwa apale anaashikhaaye, ila khwa fweeyo ninuusurukhaaye, owahi wa Nluku.

1 Akorintiyu 1:18 Referans Kwoze

1 Akorintiyu 2:14

Ntthu wa ephattu khankhupalela vitthu zinlankhaaye khwa Rooho ya Nluku, maana onoona nkhama vitthu zoololo; ye khinimweeleya, maana epo zimpheleleziwa nroho.

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

2 Atizaloonika 2:10

Ye onteela orumeyela nanna zooshi za ottettekha zohiiyi za shariya khwa apale ampwetheyaaye, maana akatthala pheta ya haakhi yaari weettelaaye owoosuru.

2 Akorintiyu 4:3

Ila nkhama nalelo hapari zooshapweya pi zoofinikheya, zafinikheya khwa apale ampwetheyaaye.

1 Akorintiyu 1:21

Maana, nkatthi wa shawuri za Nluku, anaatamu khajuweeni khwa akhili za onaatamu, Nluku yantuvela owoosuru apale ankhupalaaye khwa ololo wa tafusiiri.

1 Akorintiyu 3:19

Maana akhili za voolumwenku apha, ololo omaasho wa Nluku, maana yaatikhiwa yoori: “Ye oniwaakhola anaakhili muulavilavi mwaya.”

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

1 Akorintiyu 2:2

Maana kajilakelela ohijuwi hatha etthu vakatthi venu, woohiiyi Yinsa Al-Masiihu otu akhomeliweeyo.

Khaazi 13:41

“ ‘Moone, mweeyo mwininveyisaaye Nluku, mwishanke na mwitapanyeye, maana siikhu zenu etthiipi kinlawa karette etthu, awuuziyeni ntthu khamwaari oteela waamini.’ ”

Meepereewu 4:12

Maana nttakhuzi la Nluku likumi na lookhomaala, na loonoleya zayita phanka ya orere miwiri; ye linthipa mpakha ofiyelela ophakula nafusi na rooho, linlawa mpakha nkatthi wa ntthu, na limphuka wuupuwela na shawuri za nroho.

2 Akorintiyu 10:4

Zaana ninrumeyelaaye nuumanaka khahiyo za onaatamu, olikha toowo, pi za owahi khwa Nluku yoori epwechele korofwa zoolipalipa.

1 Akorintiyu 15:2

Khwa hapari zooshapweya etthiipo mweeyo mwa wuusurukha, amana mwikholelela woolipanavo nttakhuzi kuutafusireliyeenini; woohiiyi toowo, mweeyo mwakhupali mahala.

Khaazi 17:32

Atthu apale nonsiila Paawulu alupaka monkoni wa osisimuwa wa ananfwa, akina khwaaza onveyisa, akina khusala alupa yoori: “Fweeyo mwaasa aya apo onlupaaye, khunitosheeni nintakha osiila wakathi nkina teenya.”

Khaazi 17:18

Asomi akina ashikola yaari wiitthiwaaye Epikure na kiina yaari wiitthiwaaye Eshitoyiku khusala akheetisanana na Paawulu. Akina khusala alupa yoori: “Otu woothaala nkhanyo onri niini apha?” Akina khusala alupa yoori: “Talili oniwaalupa a miluku oohijuweyi,” maana Paawulu aari otafusiri hapari zooshapweya monkoni wa Yinsa na monkoni wa osisimuwa.

Khaazi 2:47

ansifwaka Nluku na khusala apattha rehema mmakhono wa atthu ooshi. Apho Mbwana wakhula siikhu aari ovira aweekezelaka atthu a wuusurukha.

1 Akorintiyu 4:10

Fweeyo na alolo mwaasa wa Al-Masiihu, ila mweeyo mwa akumi khwa Al-Masiihu! Fweeyo na woottettheya, ila mweeyo mwa wookhomaala! Mweeyo mwa wooshitahiwa, ila fweeyo na wootaraweya!

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.