NWER NYI POL NYONO TV ANEB ERO BA LI GO ROM 8:14 - Ekajuk New Testament

¹⁴ Tibre ane kpee ba kpꞌjene go mbang nyi Etingi Etohko kpꞌtibi bo, bo ba li abon ba Esowo.

Ekajuk Scriptures NT

¹⁴ Tibre ane kpee ba kpꞌjene go mbang nyi Etingi Etohko kpꞌtibi bo, bo ba li abon ba Esowo.

NWER NYI POL NYONO TV ANEB ERO BA LI GO ROM 8:14 Referans Kwoze

Galesa 5:18

Etohko lꞌjol ntubesi ewahne, ń nehm kpe woomo go elwo ni atahm.

NWER NYI JON 1:12

Ane bao ba ko-e no, fere taame tv mbing enye, bo ba li ane ba á ka bo nsahm re bo jol abon Esowo.

Galesa 3:26

Tibre wahn kpee, abon Esowo ba, tib go eltaame ni ń kpꞌtaame tv Jisos Kraist.

Galesa 5:16

Ji n kpꞌbungu a li re, wahn jo jen go etohko ji Esowo, eji ń lꞌkꞌjo lim ji kpꞌkoro agubjing enyahne.

Ellennge 21:7

“Nne awohng awohng no lꞌga anebekv ebe, á bahke lehke elkv nia. M bahke jolo Esowo ebe, ye bahke jolo mmon ewame.

1 Jon 3:1

Nyehnen egburu elkoro ni e kpꞌkoro Esowo, eji bo kp-r lungu re abon ba Esowo. E lohko li ano go etingitingi. Ejum ji wahnge njini nyia kil-r elkahne li re, bo ka kahn Esowo.

2 Korint 6:18

M bahke jolo nso ejahne, ḿ bahke jolo abon ebame. Ana wo Ntul Esowo bi gbale sehng bungu no.”

Galesa 4:6

Tib eji e li abon ebe, owo wahnge Esowo kehm tumu etohko ji Mmon ewe tv-r, ba yel go egahra ntim, ji kpo rabe re, “Abba, Nsoo!”

NWER NYI POL NYONO TV ANEB ERO BA LI GO ROM 8:5

Ane ba li go elkpin ni ngubjing, bo kpo yehke amahr ebo kunu go nsol nyi li ka ngubjing. Ane ba li go elkpin ni etohko, bo kpo yehke amahr ebo kunu go nsol nyi li ka etohko.

NWER NYI POL NYONO TV ANEB ERO BA LI GO ROM 8:9

Wo, wahn limm ka ngubjing, ń li ka etohko, lꞌjol nyi etohko ji Esowo lohk-n wob go atahng. Nne awohng awohng no ki kpi etohko ji Kraist, ye nne ewe sang.

Efesus 5:9

Akab nyao nya ellennge li go nsol nyi kpꞌnobo, a nsol nyi li go nseenge, a nyi li go etingitingi.

NWER NYI POL NYONO TV ANEB ERO BA LI GO ROM 8:19

Tibre nsol nyi Esowo limi no kpee kpꞌsahb sꞌsik efung bi Esowo bahke lennge abon ebe.

NWER NYI POL NYONO TV ANEB ERO BA LI GO ROM 9:8

Jia lohngo re, abon ba bo jele bo go mbang nyehka nyehka sang li abon Esowo. Abon ba Esowo nyame no tong re bo bahke jele bo, bo ba li atingitingi abon.

Efesus 1:5

á toob-r mahne mahne bum elne, eji e lꞌjol abon ebe sehng goji Jisos Kraist. Ano wo kor-e no, owo wahnge á limi ano,

NWER NYI POL NYONO TV ANEB ERO BA LI GO ROM 9:26

Edi ji bo tongo bo re, wahn ane ebame sang! Edi jꞌnehm ona ji, bo bahke fere jo lung bo re, abon ba Esowo bi li go elkpin.”

Matiu 5:9

“Elfuulu li ka ane ba kpo seb elkoono. Tibre bo bahke jo lung bo re abon ba Esowo.

Galesa 4:5

eji á lꞌfak ane ba wob go elwo ni atahm yake, bo fere jol abon ba Esowo.

1 Jon 3:24

Ane kpee ba kpꞌbumu atahm enye, bo wob-e go eltim, ye tob wob go bo a ntim. Ana wo e kpꞌkahne re Esowo wob-r go egahra ntim, tib á ma-r ka etohko eje.