NWER NYI POL NYONO TV ANEB ERO BA LI GO ROM 8:1 - Ekajuk New Testament

¹ Fvfo, ane ba li ka Kraist Jisos nehm kpe li ebi ajehng ajehng go esamahr bi Esowo.

Ekajuk Scriptures NT

¹ Fvfo, ane ba li ka Kraist Jisos nehm kpe li ebi ajehng ajehng go esamahr bi Esowo.

NWER NYI POL NYONO TV ANEB ERO BA LI GO ROM 8:1 Referans Kwoze

2 Korint 5:17

Fvfo, nne awohng awohng no li ajehng a Kraist, ye nne a nfenfe wo. Akꞌkulu nsol ebmal, anv, nya nfenfe nya ma fere ba.

Galesa 3:13

Kraist wo ma-r fak yake go nkuk nyi ntahm ko no ba ka-r, eji á jolo ejum nkuk tib go egahre esi. Tibre nwer Esowo bungu re, “Nkuk li a nne awohng awohng no bo tohk-e go eti.”

NWER NYI POL NYONO TV ANEB ERO BA LI GO ROM 5:1

Anv, eji e ma li eno go esamahr bi Esowo tib go egahre eltaame, wahr ebjol go elkoono a Esowo, ni sehnge go abo nya Jisos Kraist ntul ewahre.

1 Korint 1:30

Ye wo ka-n Jisos Kraist, eji ń lꞌjol go elkpin nꞌne. Kraist wo, Esowo m-e ko, lim-r e ma jol akahnkahn, fere li eno go ege esamahr, fere jol ejahre ejahre. Ye wo ma-r fak yake.

NWER NYI POL NYONO TV ANEB ERO BA LI GO ROM 8:34

Nne awo bahke ma bung re, bobli ebi? Kraist Jisos wo kpo no, fere nyahme go elkv, ye jio ji jehk go eboblum Esowo kpꞌgboongo Esowo ka-r.

NWER NYI JON 5:24

“Etingitingi, n kpꞌbungu tong-n re, Nne awohng awohng no lꞌwuk alum enyame, fere taame tv nne no tum-m no, á kpi elkpin ni li go njinanjini. Bo we nehm kpe lam. Yebsehng elkv sa rehng go elkpin.

NWER NYI JON 15:4

Jolen a name, m bahke tob jol a nahne. Ana mbo eti lꞌkꞌma kab akab antahng, tohko tiki jol re á laake go ekꞌkv eti, ano wo tob li ka-n fvfo re, ń nehm ma kab akab, tohko tiki jol re ń laake me.

Filipai 3:9

fere jol ajehng a ne, kꞌjol nne no ma li eno jꞌje antahng. Anv, me n li eno go esamahr Esowo, ji nne bahke lehke á lꞌtaame tv Kraist, elkohn eno ji kpo lohng goji Esowo, ji ane ba kpꞌtaame tv-e bahke lehke,

NWER NYI POL NYONO TV ANEB ERO BA LI GO ROM 8:14

Tibre ane kpee ba kpꞌjene go mbang nyi Etingi Etohko kpꞌtibi bo, bo ba li abon ba Esowo.

1 Korint 15:22

Ana Adam wahnge no nne awohng awohng bahke kpoko, ano wo fvfo nne awohng awohng bahke tiki bel elkpin tib esi ji Kraist.

Galesa 5:16

Ji n kpꞌbungu a li re, wahn jo jen go etohko ji Esowo, eji ń lꞌkꞌjo lim ji kpꞌkoro agubjing enyahne.

NWER NYI POL NYONO TV ANEB ERO BA LI GO ROM 8:4

Eji Esowo limi ano, á limi kpee ji atahm bungu no, biingi go nseenge ka-r, wahr ji kpꞌjene go mbang nyi etohko, e kil eljene go mbang nyi ngubjing.

NWER NYI POL NYONO TV ANEB ERO BA LI GO ROM 8:39

afi jolo nsol nyi li go ero, afi nyi li ga ndi, afi fere jolo ejum ajehng ajehng jehko ji Esowo limi no. Nsol nyia kpee wahr nehm ma yaame go elkoro no e kpꞌkoro Esowo, ni li goji Kraist Jisos Ntul ewahre.

Galesa 5:25

Ana Etingi Etohko ma-r ka elkpin, nong, wahr tob jenen a ne.

Galesa 3:28

Anv, elyaange anehng anehng kpeem li, afi jolo aneb Jus, afi fere jolo ane baka baka, afi jolo aju, afi fere jolo ane ba ki li aju, afi jolo aneblum, afi fere jolo anebkal, wahn kpee li ajehng a Kraist Jisos.

NWER NYI JON 14:20

Efung bio bi ḿ bahke kahne re, me n wob Nsoo go atahng, wahn wob-m go atahng, me n tob wob-n go atahng.

NWER NYI POL NYONO TV ANEB ERO BA LI GO ROM 7:20

N lꞌlim ji ki-m kor re me n lim, lohngo re mefono antahng sang limi, abiafem nya wob-m go atahng nya.

NWER NYI POL NYONO TV ANEB ERO BA LI GO ROM 7:17

Fvfo, mefono antahng sang kpꞌlimi ano. Abiafem nya wob-m go atahng nya kpꞌlimi.

2 Korint 12:2

N kpꞌkahne nne a Kraist, no bo m-e rod tahm a ne go nkpake elbung nyehko nyi biingi na era. Ewubu a nnya eni nyi ma kang a. Ma bo rod-e a ngubjing a ngubjing nji. Ma bo rod-e go etohko wo wo nji. Esowo bi kpꞌkahne.

NWER NYI POL NYONO TV ANEB ERO BA LI GO ROM 16:7

Kaken Andronikus nnyo, a Junias, bo ji e wob ngbekobo ano, ba tob li Jus ana me, bo ji abatiingetib kpo kak bo. Bo ba gbo mbang taame tv Kraist ka me.

NWER NYI POL NYONO TV ANEB ERO BA LI GO ROM 16:3

Kaken Priska, a Akwila nnyo, ba e kpo lim eltum anehng a bo, ni Kraist Jisos.

NWER NYI POL NYONO TV ANEB ERO BA LI GO ROM 5:16

Ayare nya Esowo ka mbol mbol limm jang jang ana abiafem nya nne noo na awohng. Tibre eji Esowo ma lam elsoodo nio na anehng, njini kpee ebli ebi. Wo anv, eji ane gbalee ma soodo nsoodo gbalee, Esowo ebka ayare enye, eji njini lꞌli eno.

NWER NYI POL NYONO TV ANEB ERO BA LI GO ROM 8:2

Tibre ntahm nyi etohko jio ji kpo ka elkpin ni Kraist Jisos, nyi nyi ma-m lim, m ma for go ntahm nyio nyi abiafem, fere for go elkv.

NWER NYI POL NYONO TV ANEB ERO BA LI GO ROM 8:9

Wo, wahn limm ka ngubjing, ń li ka etohko, lꞌjol nyi etohko ji Esowo lohk-n wob go atahng. Nne awohng awohng no ki kpi etohko ji Kraist, ye nne ewe sang.

NWER NYI POL NYONO TV ANEB ERO BA LI GO ROM 8:11

Etohko ji nne no nyahme Jisos go elkv lꞌwoom-n go egahne atahng, owo nne no nyahme Kraist Jisos go elkv bahke koko etohko eje ji wob-n go egahne atahng, ka agubjing enyahne nya bahke kpoko elkpin.

Galesa 3:26

Tibre wahn kpee, abon Esowo ba, tib go eltaame ni ń kpꞌtaame tv Jisos Kraist.

Efesus 1:1

Me Pol wo, ji koro Esowo re me n jol ntiingetib no Kraist Jisos. N kpꞌnyono nwer nyia tv aneb Esowo ba li go Efesus, bo jio ji kpi ekakesehk go eltoono ni bo kpꞌtoono Kraist Jisos.