NWER NYI POL NYONO TV ANEB ERO BA LI GO ROM 1:11 - Ekajuk New Testament

¹¹ Tibre kp-m sahb kꞌkor re me n nyehn-n, eji n lꞌkak-n ebo bio bi etohko, ń fere tahne.

Ekajuk Scriptures NT

¹¹ Tibre kp-m sahb kꞌkor re me n nyehn-n, eji n lꞌkak-n ebo bio bi etohko, ń fere tahne.

NWER NYI POL NYONO TV ANEB ERO BA LI GO ROM 1:11 Referans Kwoze

2 Pita 1:12

Esi jia ji wahnge n kpo kon-n nsol nyia buumu ngare anyehng anyehng, jol eji ń kpꞌkꞌkahn nsol nyia, ḿ ma fere yiimi tꞌtahne go etingitingi ji ń kpi no.

NWER NYI POL NYONO TV ANEB ERO BA LI GO ROM 16:25

Nong, wahr kaan Esowo ellub, ye ji bahk-n ma lim ń yiimi tꞌtahne, ń lꞌtoono nnoobo etib bi n kpꞌtiingi, bi li alum Esowo bada Jisos Kraist, ana Esowo ma lennge nsol nyia nyi á behre no mahne mahne.

2 Tesalonaika 3:3

Ntul Esowo li nkakesehk a nne, á bahk-n limi, ń tahne, fere baab-n, eji Ebinne jio lꞌki-n ma lak abo.

NWER NYI POL NYONO TV ANEB ERO BA LI GO ROM 15:29

N kpꞌkahne re, n lꞌba go egahne, m bahke bake a elfuulu ni Kraist kpee.

1 Pita 5:12

Me n nyon mmonkpehrekahba mmonwer noa ka Silvanus ji n kpo bum-e ana nkakesehk a mmonannee re, á ko ba ka-n. N kpꞌsebe re me n kak-n eltim fere tong-n re, nsol nyi m ma nyon a, nyi ḿ ma taame tv, fere kpꞌlimi, etingitingi nnoobo nyi Esowo nyi.

1 Pita 5:10

Eji ḿ ma nyehn erem mmongare ntiil, Esowo bi kpi nnoobo kpee, ye ji yehk-n no re wahn bel ellub ene, ni li go njinanjini, ni li goji Kraist, ye wo bahk-n limi, tete ḿ mal mbang enye go eltoono. Á bahk-n kake atahne, fere ka-n eko, eji nnene lꞌki-n nyeenge.

2 Tesalonaika 2:17

nong, bo jo kak-n eltim, fere lim-n, wahn tahne, eji ń lꞌmal jo lim ejum ajehng ajehng ji kpꞌnobo, afi jolo elbungu, afi fere jolo eltum.

Eltum 19:6

Pol kunu kan bo ebo, bo kehm soro bel Etingi Etohko, jo bung go ajahbe nfenfe, fere jo nyehn amahr.

Eltum 16:5

Aneb ero bao ona gbale na, fere yiimi tꞌtahne go mbang nyi Esowo. Ane jo kpe rur na efung abehng abehng, ba jo taame.

1 Tesalonaika 3:13

eji lꞌtoono o, ntim enyahne tahne. Ano wo bahke wahnge, ń kehm jolo saang go esamahr Esowo Nso ejahre, kꞌbel ebꞌbi ajehng ajehng ngare nyio nyi Jisos Ntul ewahre bahke feere, a abarebare ane ebe.

1 Tesalonaika 3:2

fere tum mmonanne ejahre Timoti ji kpo lim eltum a nahre ni nnoobo etib atiingi bi Kraist, re á ba lim-n, wahn yiimi tꞌtahne go mbang nyi Esowo, fere jo rehk-n,

Filipai 4:1

Fvfo, abonanee, wahn ji kpo kor-m, wahn ba n jo seb re me n nyehn-n, wahn ba li eyebatahng ejame, a ekpasi etul ejame. Akpondahme enyame, yiimen tꞌtahne go mbang nyi Ntul.

Filipai 2:26

Á kpꞌsahb sꞌseb re á nyehn-n wahn ane kpee. Ndon gbal-e go eltim sehng tib eji ń wuku re, á jo yꞌyam.

Filipai 1:8

Esowo bi li ntianse enyame. Ye wo kpꞌkahne elkoro ni ń kp-m koro re me n nyehn-n, elkoro nio ni lohng go eltim ni Kraist Jisos.

2 Korint 9:14

Owo bo bahke kehme ero kak ka-n a egburu elkoro tib go nnoobo nyi Esowo nyi ma rur wꞌwohng go egahna ntim.

2 Korint 1:21

Esowo bi kpo lim wahr a wahn re wahr yiimi tꞌtahne go mbang nyi Kraist. Á ma-r kak akehng go esi,

NWER NYI POL NYONO TV ANEB ERO BA LI GO ROM 15:32

Owo m bahke kehm bake go egahne a eyebatahng, Esowo lꞌtaame, fere ba bel ekakeltim a nahne a nahne.

NWER NYI POL NYONO TV ANEB ERO BA LI GO ROM 15:23

Ebkang nnya tvv nyi m bomo elsebe re me m ba go egahne, ba nyehn-n, wo anv, eji eltum ename ma mal go ajang ajahbe nyaa,

Eltum 19:21

Eji nsol nyio ma sehng kpee, Pol kehm tiri re, á bahke sehnge go Masedonia rehng go Akaya, sehng song rehng go Jerusalem. Á kehm bungu re, “N lꞌje o, m bahke tob rehng go Rom.”

Hibru 13:9

Kana taame, ajoobo ntibi nyindikandiki wer-n tahm a nahne. Tibre nꞌnob re eltim tahn-n tib go nnoobo nyi Esowo, go nsol alehke sang. Tibre ane ba jo toono atahm nya li bada nsol alehke, nnoobo anyehng anyehng joom ka bo.

2 Korint 11:4

Nne nondiki lꞌba, ba bung bada Jisos go mbang nyindiki nyi e ki bung, ń soro taame tvtv. Ń lꞌfere bel etohko jindiki ji ń ki bel wuku wuku, fere wuk nnoobo etib bi ń ki taame tv wuku wuku, ń soro taame na taame tv.

NWER NYI POL NYONO TV ANEB ERO BA LI GO ROM 1:12

Jia lohngo re, e bahke jo kak atemtem eltim. Ekakesehk ejahne bahk-m eltim kak, ekakesehk ejame tob kak-n eltim.

2 Korint 1:15

Eji n jo sahb kꞌkahn ano, owo wahnge n jo seb re me n tohko ba go egahne, eji ń lꞌkpe bel elfuulu nehko budu.