Matiu 22:16 - Ekajuk New Testament

¹⁶ Bo kehm tumu abatꞌtoono ebo, a aneb ntul a Herod tv goji Jisos. Bo kehm song bahb-e re, “Ntꞌtibi, e kpꞌkahne re, wo etingi nne ji. A kpo tib mbang nyi Esowo go etingitingi. A kpehme rang nnene. Jol esamahr ane, a kpehme be.

Ekajuk Scriptures NT

¹⁶ Bo kehm tumu abatꞌtoono ebo, a aneb ntul a Herod tv goji Jisos. Bo kehm song bahb-e re, “Ntꞌtibi, e kpꞌkahne re, wo etingi nne ji. A kpo tib mbang nyi Esowo go etingitingi. A kpehme rang nnene. Jol esamahr ane, a kpehme be.

Matiu 22:16 Referans Kwoze

NWER NYI MAK 3:6

Bab Farisi kehm lohngo ekpꞌkpa ero jio o, kehm song kpiri alokeltum ntul a Herod. Bo kehm toobo ana bo bahke limi, kehm wulu Jisos.

NWER NYI LUK 20:21

Bo kehm-e bahbe re, “Ntꞌtibi, e kpꞌkahne re, wo kpo bung, fere tib go nseenga nseenge. Wo kpehme rang nnene. A kpo lohko tib mbang nyi Esowo go etingitingi.

NWER NYI MAK 12:14

Eji bo je no, bo kehm bungu tong-e re, “Ntꞌtibi, e kpꞌkahne re, wo etingi nne ji. E kpꞌkahne re, wo kpehme rang ane. Nne awohng awohng li jang jang go ega esamahr. Á kpo lohko tib mbang nyi Esowo go etingitingi. Nꞌnob re wahr jo tahb etak ka ntul a Roma, afi nobem? Wahr jo tahba, afi wahr kꞌjo tahb?”

NWER NYI MAK 8:15

Jisos kehm kake bo erehke re, “Gberen elnahne go ayist nyao nya Farisis, a nya Herod.”

1 Jon 5:20

Wahr kpꞌkahne re, Mmon Esowo ebba, ba ka-r elkahne, eji e lꞌkahn Esowo bio bi li go etingitingi. E wob nne nno no li go etingitingi go atahng, a Jisos Kraist Mmon ewe. Ye wo li etingitingi Esowo, a elkpin ni li go njinanjini.

NWER NYI JON 18:37

Pailet kehm-e bahbe re, “Anv, lohngo re wo ntul woa?” Jisos kehm-e faange re, “Ee, wobbung etingitingi re, me ntul wo. M ba go njini nyia re, me m ba bung bade etingitingi. Tibre esi jia ji wahnge bo jel-m no. Nne awohng awohng no lꞌjol ka etingitingi jio, á kpo wuk alum enyame.”

NWER NYI JON 14:6

Jisos kehm-e faange re, “Me wo li mbang, me wo li etingitingi, me wo li elkpin. Nnene limm, no bahke sehnge rehng goji Nsoo, tohko tiki jol re á sehnge go egame.

NWER NYI JON 7:18

Nne no kpo bung go ege a nsahm, á kpo seb ellub nꞌne. Nne no kpꞌsebe ellub ni nne no tum-e no, á lohko li go etingitingi, ebꞌbi ajehng ajehng á kpimm.

Jems 3:17

Elkahne ni lohng go ero ni a. Ngbokambang, li saang, kpi elkoono seb, li soom, esi kpehme tahne, kpi ndon gbalee, a akab nya nno, nfaabe anyehng anyehng limm, awini limm.

1 Tesalonaika 2:4

E kpo kono elbungu ana Esowo kpꞌsebe re wahr bung. Tibre ye wo yehk-r no, fere bum-r go etingitingi, eji á ma yake nnoobo etib ebe kak-r go ebo. E kpehme seb re, wahr lim ji kpꞌkoro ane, e kpo lim ji kpꞌkoro Esowo, ye ji kpo wuungu ntim enyahre.

Galesa 2:6

Ane bandiki baa, ba bo jo bum bo ana atubesi. Jol afi bo jolo elkohn ani, me nehme lub. Tibre Esowo kpehme rang nne awohng awohng. Jol atubesi bao me tibem ejumjum budu.

Galesa 1:10

Anv, n kpꞌsebe re me n jol ntem no anea, afi ntem no Esowo? Anv, n kpꞌsebe re me n lim ji kpꞌkoro anea afi? Li re n kpꞌkpeke lim ji kpꞌkoro ane, kehn me nlokeltum no Kraist sang.

2 Korint 5:16

E kpehme kpe ko ane ana bo li go njini nyia. Ngare anyehng e ko Kraist go eyaame ji nne. Wo anv, e nehme kpe lim ano.

2 Korint 4:2

Wahr ebyake nsol ndon nyi ane kpo lim mbehr mbehr. E kpehme lim awak, fere jo yaange alum Esowo. E kpo lennge etingitingi, fere jo tib nne awohng awohng elnahre, eji bo lꞌjo kahn go bo a ntir atahng re, e kpꞌjene go esamahr bi Esowo.

2 Korint 2:17

E limm ana egom ane bandiki gbalee, ba kpo yaange alum Esowo, fere jo kpiidi a nya. E kpo bung go etingitingi ana ane ba Esowo tumu bo. E kpo bung go esamahr bi Esowo ana alokeltum ba Kraist.

NWER NYI LUK 7:40

Owo Jisos kehm bungu re, “Saimon, n kpi ejum ji n kp-a tongo.” Á kehm faange re, “Aa, ntꞌtibi, tong-m me!”

NWER NYI MAK 10:17

Eji Jisos ma tahm eljen ene, á kehm nyehne nne ma be, ba jamm-e alahng, kehm-e bahbe re, “Nnooba ntꞌtibi, m bahke limi renan, kehm bele elkpin ni li go njinanjini?”

Matiu 26:49

Owo á kehm soro sehng na sehng, song rehng goji Jisos, kehm bungu re, “Ntꞌtibi, n kp-a kake nnyo,” kehm soro sod-e nnyo.

Matiu 26:18

Á kehm tongo bo re, “Songen go nla ejahbe goji nne awohng, wahn song tong-e re, ‘Ntꞌtibi re, Ngare enyame ebkabbe. M bahke lehke elkak Pasova, a abatꞌtoono ebame go ega etahk.’ ”

Matiu 22:26

Ano wo tob lim etoono mmonannyehn, a mmonannyehn noko no toono noo, a erik abonanyehn bako kpee.

Matiu 22:24

“Ntꞌtibi, Moses bungu re, ‘Nne lꞌkpo, eji á ki jel abon, mmonannyehn nkvne ko nnenkal noo, eji á lꞌjel abon ka mmonannyehn no ma kpo.’

NWER NYI MAK 12:13

Bo kehm tumu egom Farisi jindiki, fere tob tum egom ane ba Herod tv Jisos re bo song bob-e go ege alum nnyo.