Matiu 12:18 - Ekajuk New Testament

¹⁸ “Nyehnee, a wo li nlokeltum ewame no m ma yehke. Akor-m ejame ji kpo kor-m sꞌsehng. M bahk-e kake etohko ejame. Á bahke jo tiingi ane baka baka elam ejame.

Ekajuk Scriptures NT

¹⁸ “Nyehnee, a wo li nlokeltum ewame no m ma yehke. Akor-m ejame ji kpo kor-m sꞌsehng. M bahk-e kake etohko ejame. Á bahke jo tiingi ane baka baka elam ejame.

Matiu 12:18 Referans Kwoze

NWER NYI LUK 4:18

“Etohko ji Ntul Esowo jia, kun-m. Á ma-m tum re me n song tiingi etib bi bahke wahnge aneb agbekobo for, awakamahr nyehn. Á ma-m tum re me n song tahre ane ba kpꞌnyehne erem yehke bo go afemfem nya bo wob no,

Eltum 10:38

Wahn kpꞌkahne ana Esowo yaange etohko eje wohngo Jisos ji Nasaret, fere ka-e nsahm. Jisos jo yannge, fere jo lim nnoobo, jo lim ane bao ba nnehm jo nohk bo, bo jo nob. Tibre Esowo jolo a ne.

NWER NYI JON 3:34

Nne no Esowo m-e tum, á kpo bung alum nya Esowo. Tibre Esowo kpehme gare na etohko eje ka ane.

1 Pita 2:4

Jeeren ba goji Ntul a Jisos, ye ji li eltal ni li go elkpin, ni ane ma ten, ni kpꞌsahb nꞌnob go esamahr Esowo, ni Esowo ma yehke.

2 Pita 1:17

E jolo ona eji Esowo Nsoo ka-e ellub, fere tehk-e, ngare nyio nyi ellum lohngo go ellub nio ni nnen, ba tob-e, ni bungu re, “A wo li akor-m mmon ewame no kpo kor-m sꞌsehng.”

Kolosa 1:13

Á ma-r tahre yehke go eju bio bi ejannge, feere a nahre go ejahbetul jio ji Mmon ewe no kpo kor-e sꞌsehng,

Kolosa 1:1

Me Pol ji koro Esowo, á yehk-m no, n li ntiingetib a Kraist Jisos, awahr a Timoti mmonanne ejahre,

Efesus 1:6

eji bo lꞌtehk ellub ni nnoobo enye nyi á yar-r no, eji á ka-r akor-m mmon ewe.

Eltum 14:27

Eji Pol, a Barnabas ma ba rehng go Antiok, bo kehm lungu aneb ero kpee, ba kono edi ajehng, kehm tooro nsol nyi Esowo ma ko bo lim, tong bo ana Esowo ma lennge mbang ka ane baka baka re bo tob taame.

Eltum 11:18

Eji bo wuku ano me, bo kehm belle na belle soom, kehm kehme Esowo tehk re, “Esowo ebtob ka ane baka baka eyake re bo gbo ndon, fere bel elkpin.”

NWER NYI LUK 23:35

Ane yiimi ona, jo nyehn, eji atubesi Jus jo nyok-e re, “Á kpo tahre ane bako, nong, á tob tahre elne, joare ye wo li Kraist ji Esowo ma yehke.”

NWER NYI LUK 9:35

Bo kehm wuku ellum go atahng ekparesemsem re, “A wo li akor-m mmon ewame, jo wuken ye!”

NWER NYI LUK 3:22

Etingi Etohko kehm badde go elfoongo ni ebbehl, ba jol a ne. Bo kehm wuku ellum go ejahbetul Esowo re, “Wo wo li akor-m mmon ewame, no kpo kor-m sꞌsehng.”

NWER NYI MAK 9:7

Ekparesemsem kehm soro tahl ba bulu bo. Bo kehm wuku ellum go ekparesemsem re, “A wo li akor-m mmon ewame no kpo kor-m sꞌsehng. Wuken ye!”

NWER NYI MAK 1:11

Á kehm wuku ellum go ejahbetul Esowo ni bungu re, “Wo wo li akor-m mmon ewame no kpo kor-m sꞌsehng.”

Matiu 17:5

Eji Pita kpi mbungu mbungu, ekparesemsem ji jo ya, kehm tahle ba bulu bo. Owo bo kehm wuku ellum go ekparesemsem jio re, “A wo li akor-m mmon ewame no kpo kor-m sꞌsehng. Wuken ye!”

Matiu 12:17

eji lꞌlohko jol ana Esowo bungu sehng go nnyo mi nnyehnamahr Aisaya re,