Jems 2:5 - Ekajuk New Testament

⁵ Wuungen atung, akor-m abonanee, Esowo ebyehke ane ba li akpak go njini nyia re bo gbo afang nya li eltaame ni bo ma taame tv-e, fere li etul ebe ana ejum elehke elkv ebo, ji á nyame tong ane re bo bahke bele, ba ye kpi bo kor.

Ekajuk Scriptures NT

⁵ Wuungen atung, akor-m abonanee, Esowo ebyehke ane ba li akpak go njini nyia re bo gbo afang nya li eltaame ni bo ma taame tv-e, fere li etul ebe ana ejum elehke elkv ebo, ji á nyame tong ane re bo bahke bele, ba ye kpi bo kor.

Jems 2:5 Referans Kwoze

Matiu 5:3

“Elfuulu li ka ane ba ma gbo ekpak bio bi etohko. Tibre etul bi Esowo li ka bo.

NWER NYI LUK 6:20

Owo Jisos kehm tabe esamahr ebe seenge abatꞌtoono ebe, kehm bungu re, “Elfuulu li ka wahn akpak, tibre etul bi Esowo bꞌbahne bi.

Ellennge 2:9

“N kpꞌkahne erem eba bi a kpꞌnyehne. N kpꞌkahne ana a ma gbo ekpak, jol eji a li li efange nne. N kpꞌkahne abi nsol nya ane ba kpo lung elbo re, ‘Jus’ kpo bung tob-a, na nyehne, Jus sang, bo li ka nnehm.

2 Korint 8:9

Tibre ń kpꞌkahne nnoobo nyi Jisos Kraist Ntul ewahre. Jol eji á jolo efange nne, á fere gbo ekpak tib go egahne esi, eji ekpak ebe lꞌwahng, ń gbo afang.

NWER NYI LUK 12:21

“Ano wo tob li ka nne no lꞌkpu nsol afang luk elne, no ki gbo afang nya Esowo.”

1 Pita 1:4

e bahke bele nsol elehke elkv nyi Esowo ma kuuru bum-r go ege ejahbetul, edi ji nsol nyio lꞌkꞌtiki bol, edi ji lꞌkꞌtiki rannge, edi ji lꞌkꞌtiki tan.

Jems 1:12

Elfuulu li a nne no kpo kpuumu elgaare. Tibre eji á ma yiimi go elgaare nio, á bahke bele ekpasi ntul ji elkpin, ji Esowo ma nyam tong ane re bo bahke bele, ba ye kpi bo kor.

Hibru 11:26

Á rodo erem esono bio bi Kraist bi á nyehne no bum ana afang nya ga gbal sehnge nya Ijipt, tibre á yehke ekunukpu eje kpee kunu go eltuuru.

NWER NYI LUK 12:32

“Kana kpe fahl, wahn mmoblong ejoro! Tibre koro Nso ejahne re wahn tob ji go eti etul eje.

1 Korint 2:9

Nwer Esowo bungu re, “Nsol nyi nne kala nyꞌnyehn, fere wꞌwuk, nyi nne kala tꞌtir go ege eltim re bahke jolo, nyi nyi Esowo ma toobo bum ane bao ba ye kpi bo kor,”

Matiu 25:34

Owo ntul bahke kehm tongo ane ba yiim-e go ege ejang eboblum re, ‘Baan, wahn jia ji Nsoo ma-n fuulu! Baan, wahn ba li etul bi Esowo ma toobo bum-n, bi lohng eji njini bomo na bom.

Ellennge 21:7

“Nne awohng awohng no lꞌga anebekv ebe, á bahke lehke elkv nia. M bahke jolo Esowo ebe, ye bahke jolo mmon ewame.

Jems 1:9

Nong, mmonannee no li nkpak geere, tib eji Esowo m-e mehl wahre.

2 Timoti 4:8

Anv, ekpasi eltuuru jia, nong-m go esꞌsong, ekpasi jio ji eno ji Esowo bi li nnooba nlamalam bahk-m tuuru efung bio. Me ntahngtahng sang á bahk-m tuuru. Á bahke tob tuuru nne awohng awohng no elbake ni á bahke bake kp-e koro.

2 Korint 6:10

E li ndon ndon, wo tvtv o, e kpo bel na eyebatahng ngare anyehng anyehng. E li akpak, wo tvtv o, e kpꞌlimi na ane gbalee, bo jo gbo afang. E kpimm ejumjum, wo tvtv o, wahr ebbel ejum ajehng ajehng.

Ellennge 3:18

Owo wahnge n kp-a tubu elle re, wo ba ga egame, ba gunu agul nya nno a nno, nya bo ma tuungu tahl go agun, eji a lꞌfang, wo fere tob gunu abarebare nsol nya a bahke jo liibi, eji a lꞌkꞌkpe jen ebun ebun, fere jo riki elna ndon, wo fere tob gunu ekahm amahr, jo to go amahr, eji a lꞌnyehn.

1 Timoti 6:18

Tong bo, bo jo lim nnoobo, eji bo lꞌgbo afang nya Esowo. Nong, bo jo ka gbalee a ntim a ntim ebo, fere jo wehr abo,

NWER NYI LUK 16:25

“Owo Ebraham kehm-e faange re, ‘Mmon ewame, buumu re, ngare nyi a jolo go elkpin, a bele anoobo nsol, Lasaros bele asabsab nsol. Wo anv, bo m-e kak eltim, wo noa, kpi erem nyehn.

Matiu 11:5

ana awakamahr kpꞌnyehne, abanne kpꞌtahme jen, aneb abili kpꞌnobo, alakatung kpꞌwuku, akvne kpꞌnyahme go elkv, akpak, bo kpꞌtiingi bo nnoobo etib.

2 Pita 1:11

Ana wo bahke wahnge Esowo bi kpi nnoobo ka-n nsahm nyi ḿ bahke ma yel go ejahbetul ji li go njinanjini, ji Jisos Kraist ntꞌtahre ewahre, a Ntul ewahre.

2 Timoti 4:18

Esowo bahk-m tahre yehke go nfem anyehng anyehng, fere kp-m tahm a name go ejahbetul eje. Nong, ellub jol a ne go njinanjini. Emen.

2 Tesalonaika 1:5

Jia ji kpꞌtibi etingitingi elam ji Esowo, ye jio ji bahke limi, ejahbetul eje fuumu a nahne, ji wahnge no ń kpi erem nyehn.

Efesus 3:8

Jol eji me n li li nne no ga rede go ellong aneb Esowo, Esowo ma-m ka nnoobo nyi m bahke jo tong ane baka baka bade afang nya Kraist, nya nne lꞌkꞌma ko gare,

NWER NYI POL NYONO TV ANEB ERO BA LI GO ROM 8:17

Eji e li abon ebe, e tob li abalehkelkv ba Esowo. E bahke lehke elkv ano a Kraist. Tibre etingitingi, e lꞌnyehn erem a ne, e bahke tob bel ellub a ne.

NWER NYI LUK 16:22

Toono o nkpak nyio ba kpo. Babenjel kehm ba sol-e, song bum-e, á ji kohlo Ebraham. “Efange nne jio kehm tob kpo. Bo kpa-e kak.

Jems 1:16

Akor-m abonanee, kana taame, bo nehm-n.

1 Tesalonaika 2:12

wahn jo lim eljini ni fuumu a ni Esowo bio bi lung-n no re wahn song kuumu go ege etul, fere bel ellub ene.

Efesus 1:18

N kpꞌkake ero re, ntim enyahne lennge, a amahr enyahne, eji ń lꞌkahn ekunukpu ji Esowo ka-n no ngare nyi á lung-n no, fere kahn afang nya ellub ni nsol elehke elkv enye kpi no, nyi ane ebe bahke bele,

2 Korint 4:15

Nsol nyia kpee li tib go egahne esi, eji Esowo lꞌbel ellub tib go ege a nnoobo nyi ma gbal gbalee, eji ane gbalee kp-e kake saam.

NWER NYI JON 7:48

Wahn ebtiki nyehn ntubesi awohng awohng, a nne a Farisi no ma tiki taame tv-ea?

NWER NYI LUK 22:29

Ana nsoo ma-m ka ejahbe re me n fili, ano wo fvfo m ma-n tob ka,

NWER NYI MAK 7:14

Jisos kehm kpe lung ellong ane, kehm tongo bo re, “Wuungen atung, wahn ane kpee, wahn kahn!

Eltum 7:2

Stiven kehm faange re, “Babnso wahn, a abonanee, wuungen atung! Esowo bi kpi ellub kpiri nso ejahre Ebraham eji á lene go Mesopotemia. Ebraham kehm song jol go Haran.

Jems 1:19

Akor-m abonanee, nong, nne awohng awohng jo ware elwuku, á kꞌjo ware go elbungu, á kꞌjo gulu atahng rak.