Filipai 1:10 - Ekajuk New Testament

¹⁰ nyi ḿ bahke ma jo liingi nsol nyi ga nob, eji ń lꞌjol saang, kꞌbel ebi ajehng ajehng efung bio bi Kraist,

Ekajuk Scriptures NT

¹⁰ nyi ḿ bahke ma jo liingi nsol nyi ga nob, eji ń lꞌjol saang, kꞌbel ebi ajehng ajehng efung bio bi Kraist,

Filipai 1:10 Referans Kwoze

NWER NYI POL NYONO TV ANEB ERO BA LI GO ROM 12:2

Kana jol jang jang ana njini nyia. Jo belen ntir atahng nyi nfenfe, eji elkpin enahne lꞌjo yaange. Ana wo ḿ bahke jo kahn mbang nyi Esowo, fere kahn ji kpꞌnobo, ji kpo kor Esowo, ji li go nseenga nseenge.

1 Tesalonaika 3:13

eji lꞌtoono o, ntim enyahne tahne. Ano wo bahke wahnge, ń kehm jolo saang go esamahr Esowo Nso ejahre, kꞌbel ebꞌbi ajehng ajehng ngare nyio nyi Jisos Ntul ewahre bahke feere, a abarebare ane ebe.

1 Tesalonaika 5:23

Nong, Esowo bio bi elkoono lim-n, wahn sahb jꞌjol ejahne ejahne, fere lim atohko enyahne, a ntim enyahne, a agubjing enyahne fere jol saang, wahn kꞌbel egahme ajehng ajehng efung bi Jisos Kraist Ntul ewahre bahke bake.

NWER NYI POL NYONO TV ANEB ERO BA LI GO ROM 2:18

A kpꞌkahne mbang nyi Esowo. A kpꞌmale elyehke ji kpꞌnobo, tibre bo ma-a tib atahm.

Efesus 5:10

Jo tiren, wahn kahn ji kpꞌkoro Esowo.

1 Jon 4:1

Akpondahme enyame, kana jo taame tv etohko ajehng ajehng! Jo wuungen atohko, wahn jo seb kahn, joare bo lohng goji Esowo. Tibre akimfahnge abanyehnamahr gbalee eblohng kpꞌyannge go njini nyia.

Filipai 1:6

N kpꞌsahb kꞌkahn re, Esowo bi bomo nnoobo eltum alimi go egahne atahng, á bahke gohro lim, gohro song mal efung bio bi Jisos Kraist.

1 Tesalonaika 5:21

Jo wuungen ejum ajehng ajehng, wahn jo kuuru ji kpꞌnobo.

1 Korint 1:8

Á bahk-n kuuru tete rehng go esꞌkohro efung, eji ń lꞌli eno go efung bio bi Ntul a Jisos Kraist.

Ellennge 2:2

“N kpꞌkahne eltum ni a kpꞌlimi, ana a kpꞌbade, jo lim eltum, fere kpꞌkpuumu. N kpꞌkahne re, a nehm jo taame re, abi ane woomo go egahne ellong. Wobwuungu ane bao ba kpo lung elbo re abatiingetib Jisos, na ga, ano sang bo li no. Wobseb kahn re, bo akimfahnge nya.

Efesus 5:27

Á limi ano, eji aneb ero lꞌyiimi a egburu ellub go ege esamahr, kꞌbel elem ajehng ajehng, a agbahnggenne, a ejum ajehng ajehng ji li go elfoongo nio, eji bo lꞌjol ebo ebo, kꞌbel egahme ajehng ajehng.

NWER NYI JON 1:47

Eji Jisos nyehne Natanael kpꞌbake go ege, á kehm bungu bada ne re, “Nyehnen, a wo li etingitingi nne Israel, no enehm abehng abehng ki-e wob go atahng.”

Matiu 16:23

Owo Jisos kehm sennge, tong Pita re, “Nnehm, fak-m go esamahr! Wo kp-m kpane. Tibre a kpo tir ntir nyehka nyehka nyi ane. A kpehme tir ntir nyi Esowo.”

2 Korint 1:12

Ejum ji ana, ji e kpꞌgeere kak. Tibre ntir atahng enyahre kp-r yiimi ntianse re, elkpin enahre ni e li a ni go njini nyia, asehngesehnge ngare nyi e jolo a nahne, e jo toono mbang anyehng, a eltim ni li saang. E tonngem go elkahne ni njini nyia, e tonngo go nnoobo nyi Esowo.

NWER NYI POL NYONO TV ANEB ERO BA LI GO ROM 12:9

Nong, elkoro enahne jol elkohn ni li go etingitingi, abꞌbi jo sab-n, wahn fere tahm tonngo go nsol nyi kpꞌnobo.

NWER NYI POL NYONO TV ANEB ERO BA LI GO ROM 8:7

Tibre nne no lꞌyehke amahr enye kunu go nsol nyi li ka ngubjing, á li nnekv no Esowo. Á kpehme bum atahm nya Esowo, jol á nehm ma tiki bum.

Matiu 26:33

Owo Pita kehm-e faange re, “Afi ane baka kpee dulu na, me, wa n nehm be sa.”

Filipai 1:16

Bo ba kpo bung go elkoro. Bo kpꞌkahne re, n wob ana, eji n lꞌyiimi nnoobo etib njahm.

Efesus 6:24

Nong, nnoobo nyi Esowo jol a ane ba elkoro ebo lꞌkꞌtiki mal, ni Jisos Kraist Ntul ewahre kpi bo kor.

Efesus 4:15

Ga nob re wahr jolen go etingitingi, fere bel elkoro, fere gbal go mbang anyehng anyehng ka Kraist ji li esi,

Galesa 5:11

Abonanee, li re n kpꞌkpeke bung alum Esowo nyao nya nrur ayehke, kehn bo me nehme kpe nohk. Li re n kpꞌkpeke lim ano, kehn ekros ji Kraist ji n kpo bung alum Esowo bade, nehme kpe jol ana esiti mbang.

2 Korint 8:8

N nehme bung ana nne no kpꞌjehke ntahm. Eji m ma nyehn eko ji ane bako kpꞌkake, owo wahnge n kpꞌsebe re me n wuung-n, joare elkoro enahne li etingitingi elkoro.

2 Korint 6:3

E kpo gare re wahr kꞌsoodo nne awohng awohng go ejum ajehng ajehng, eji eltum enahre ni e kpꞌlimi lꞌkꞌbel ebi mbing.

2 Korint 2:17

E limm ana egom ane bandiki gbalee, ba kpo yaange alum Esowo, fere jo kpiidi a nya. E kpo bung go etingitingi ana ane ba Esowo tumu bo. E kpo bung go esamahr bi Esowo ana alokeltum ba Kraist.

1 Korint 10:32

Jolen nob nob, eji ń lꞌkꞌsoodo Jus, fere soodo Grik, fere tob soodo aneb Esowo.

1 Korint 8:13

Nsol alehke lꞌfere wahng mmonannee gbo yel abiafem, n nehm kpe li nnyam nkpel anyehng anyehng, eji me n lꞌkꞌjol nne no bahke wahnge mmonannee gbo yel abiafem.

NWER NYI POL NYONO TV ANEB ERO BA LI GO ROM 16:17

Abonanee, n kp-n gboongo re, wahn jo gbere ane ba kpo ko nyꞌyabe ba a nyi, fere jo kpan eltum ni Esowo, eji bo kpꞌtibi eltibi nindikandiki, ni bo kal-n tꞌtib. Yaamen a bo.

NWER NYI POL NYONO TV ANEB ERO BA LI GO ROM 7:22

Atahm nya Esowo kpo yeb-m go atahng.

NWER NYI POL NYONO TV ANEB ERO BA LI GO ROM 7:16

N lꞌlim ji ki-m kor re me n lim, lohngo re me n taame re, atahm kpꞌnobo.

Eltum 24:16

N kpo nok mbang anyehng anyehng re, atahng ala enyame jol saang go esamahr bi Esowo, a bi ane.

NWER NYI JON 3:20

Tibre nne awohng awohng no kpo lim abꞌbi, ellennge kpo sab-e sab. Á kpehme seb re á jen go edi ji ellennge li no, eji bo lꞌkꞌnyehn abꞌbi enye.

Filipai 2:16

wahn fere jabbe alum nya elkpin tꞌtahne, eji n lꞌjo geere efung bio bi Kraist, ana nne no ki be abahl mbol mbol, fere bade, jo lim eltum mbol mbol.