2 Korint 6:4 - Ekajuk New Testament

⁴ E kpo tib elnahre go ejum ajehng ajehng re wahr alokeltum Esowo ba. E kpo kpuumu erem abehng abehng, afi e yele nfem, afi e yele ejahkjahk ajehng ajehng, afi ejum ajehng ajehng ji kpan-r,

2 Korint 6:4 Referans Kwoze

2 Korint 12:10

Esi ji Kraist ji wahnge eltim kp-m yebe, jol afi n leenge na, jol afi bo su-m na, jol afi n nyehne erem, jol afi bo nohk-m na, jol afi n wob go afemfem. Tibre n lꞌleenge, n kpꞌtahne na.

2 Korint 4:8

Bo kpo kohk-r tv, jol bo wahr kpehme ma bob. E kpehme nyehn mbang nyi elbeke for, wo, mbang nyia.

2 Korint 11:27

N jo bade, jo lim eltum fere jo nyehn erem. Atv gbalee ma n jo kang mbir, njal jo yam-m, alahb jo kor-m. Nkpel tvv n joom bel nsol alehke. Alohk jo fil-m, ejum ebjing m belem.

2 Korint 12:12

Etingitingi, wahn ebnyehn ntiingetib no Esowo, no jo tib nliingi go egahne ellong, fere nyehn ana n jo kpuumu. Wahn ebnyehn nliingi, a akpokosi, go agburu nsol.

2 Korint 3:6

Esowo bi ma-r ka nsahm re wahr jol alokeltum ba egbanngalung ji nfenfe ji ki li go atahm abumu, ji li egbanngalung ji etohko. Tibre atahm kpo wul na, etohko ji kpo ka elkpin.

1 Korint 3:5

Nne awo li li Apollos? Nne awo li li Pol? Bo alokeltum Esowo ba, bo ba wahnge ń taame tv Esowo. Bo, nne awohng awohng kpꞌlimi eltum ni Ntul ka-e re á lim.

Ellennge 3:10

Tibre wobbum alum enyame nya n tong-a re, wo jo kpuumu. Owo fvfo m bahk-a tob tahre yehke go egburu elgaare ni bahke bake go njini nyia kpee, ni nne awohng awohng no li go njini nyia bahke yele.

Ellennge 1:9

Me wo li Jon mmonanne ejahne ji kpꞌtob nyehn erem a nahne, me n tob li etul bꞌnehm bi wahn ma li, fere kpꞌtob kpuumu erem a nahne, eji e li ka Jisos. Bo rod-m rod kak go ejahbe ji li go elka alahb, ji bo kpo lung re Patmos, tib go esi ji alum Esowo nya n jo bung, a ntianse nyi n jo yiimi ka Jisos.

1 Korint 4:1

Nobo re nne ko-r ana alokeltum Kraist, ba Esowo ma kak bo nsol enye go ebo, nyi á behre no.

Hibru 12:1

Fvfo, eji e kpi egburu ellong atianse ana nia ni yim senng-r kak, nong, wahr tob radden elsol anehng anehng fvfo, fere laade abiafem nya ma-r sahb lꞌlaake. Nong, wahr been abahl go ekakesehk, nya Esowo ma toobo bum-r,

2 Timoti 4:5

Wo, jo kunu elna ekpu go ejum ajehng ajehng! Jo kpuumu erem, wo fere jo lim eltum ni alum Esowo abungu. Jo lim eltum ena nseenga nseenge!

2 Timoti 2:24

Fuumem re nlokeltum no Ntul Esowo jo taange ntaange. Á bahke bele nnoobo eljini a nne awohng awohng, fere jol nne no kpo mal eltibi. Á bahke jo kpuumu, bo lꞌlim-e ebi,

2 Timoti 1:8

Owo wahnge nobo re wo kꞌjo be ndon nyi ntianse ayiimi ka Ntul ewahre. Ka ma jo nyaare, tib eji n wob ngbekobo go ege esi. Ga nob re wo tob taame erem tib esi jio ji nnoobo etib, ana Esowo ma-a ka eko,

1 Timoti 6:11

Wo ji li nne Esowo, jo gbere elna go nsol nyia. Jo gbehd, wo jol go etingitingi, fere jol Esowo Esowo, fere bel ekakesehk, a elkoro, a elkpuumu, go nnoobo eljini.

1 Timoti 4:6

A lꞌko erehke jia ana, fere jo rehke aneb Esowo, a lohko li nnooba nlokeltum no Jisos Kraist, ana a ma le elna go alum nya ekakesehk, a eltibi ni nno a nno, ni a kpꞌtoono.

1 Timoti 2:15

Nnenkal bahke bele eltahre, eji á kpi abon jel, á lꞌsoro asi ano go mbang nyi Esowo, a elkoro, fere jol saang, fere jo lim eljini ni nno.

1 Tesalonaika 5:14

Abonanee, e kp-n tongo re, wahn jo rehke ane ba kil eljene go nseenge. Jo kaken ane ba kil jo sahb erem eltim. Jo kaken ane ba kil tahne ebo. Jo kpuumen ka nne awohng awohng.

1 Tesalonaika 3:7

Abonanee, go nfem nyi li a nahre, a erem bi e kpꞌnyehne kpee, ekakesehk ejahne ji ma-r kak eltim.

Kolosa 1:24

Eltim kp-m yebe go egame erem bi n kpꞌnyehne tib go egahne esi. Tibre n kpꞌgohro nyehn erem bi Kraist nyehne no sa go egama ngubjing, tib go esi ji ngubjing enye nyi li aneb ero.

Kolosa 1:11

fere bel eko ji biingi a egburu nsahm nyi Esowo, nyio nyi ellub ene, eji ń lꞌmal elkpuumu, jo kpooro go eyebatahng,

2 Korint 11:23

Anv, bo alokeltum Kraist baa? N kpꞌkpeke bung ana ngbokesahl. Me wo ga li nlokeltum no nno sehnge bo. Me n lim eltum sehnge bo. Me wo ga woomo ngbekobo sehnge bo. Bo ma-m dv gbalee. Nkpel tvv elkv jo jol a name kpidi kpidi.

2 Korint 11:9

Ngare nyi n jolo a nahne, eji nsol rin-m no, n tokkem nne awohng awohng. Tibre ejum ajehng ajehng ji rin-m no, abonanee ba lohngo go Masedonia ba, bo ba ba ka-m. Eji n ki-n tokko go mbang anyehng anyehng, ano wo n lꞌki-n tiki tokko tete asongo.

2 Korint 7:11

Nyehnen ana ndon nyia nyi fil-n go esamahr Esowo lim-n no re nkpa jo tab-n, wahn fere jo yiim-m njahm, atahng wahn joom yebe, ń jo fꞌfahl, fere sahb jo sꞌseb re wahn nyehn-m, jo sahb mell-n melle go egahna ntim re wahn kak nne no ma soodo erem. Wahn ebtib go ejum ajehng ajehng re, ebo ebahne o wobem.

2 Korint 4:17

Tibre erem bi e kpꞌnyehne a, li ntiil, bahke male. Wo, erem bia bahk-r kake egburu ellub ni li go njinanjini, ni nne lꞌkꞌma ko gare a ejum ajehng ajehng,

2 Korint 4:2

Wahr ebyake nsol ndon nyi ane kpo lim mbehr mbehr. E kpehme lim awak, fere jo yaange alum Esowo. E kpo lennge etingitingi, fere jo tib nne awohng awohng elnahre, eji bo lꞌjo kahn go bo a ntir atahng re, e kpꞌjene go esamahr bi Esowo.

1 Korint 9:11

Eji e ma bahm amohk nti nyao nya etohko go egahne ellong, anv, nobem re wahn tuur-r eltuuru nehka nehkaa?

NWER NYI POL NYONO TV ANEB ERO BA LI GO ROM 16:10

Kaken Apelles nnyo, ye ji ma lohko tib re, ye li ka Kraist. Kaken ane ba lene etahk Aristobolus nnyo.

NWER NYI POL NYONO TV ANEB ERO BA LI GO ROM 14:18

Nne lꞌloko Kraist go mbang nyia, Esowo bahk-e koko, ane bahke jo tehk-e tehk.

NWER NYI POL NYONO TV ANEB ERO BA LI GO ROM 5:8

Wo, Esowo ebtib ana wahr kp-e koro. Tibre ngare nyi e kpeke li aneb abiafem, Kraist ba kpo ka-r.

Eltum 20:34

Wahnfono antahng kpꞌkahne re, abo enyame nyaa nya n kpo ko, jo lim eltum, kehm jo ting nsol alehke li, a ane ebame.

Eltum 9:16

M bahk-e tibi ajoobo arem nya á bahke nyehne tib go egame esi.”

Eltum 2:22

Pita kehm kpe bung re, “Israel, ejahbe ejame, wuungen atung go alum nya n kpꞌbungu. Jisos ji Nasaret wo, Esowo ka-e nsahm re á jo lim akpokosi, fere jo tib nliingi go egahne ajahbe, eji ń lꞌkahn re Esowo bi tum-e no.

NWER NYI LUK 21:19

Ń lꞌjo kpuumu, ḿ bahke tahre atohko enyahne.”

2 Korint 2:17

E limm ana egom ane bandiki gbalee, ba kpo yaange alum Esowo, fere jo kpiidi a nya. E kpo bung go etingitingi ana ane ba Esowo tumu bo. E kpo bung go esamahr bi Esowo ana alokeltum ba Kraist.

NWER NYI JON 16:33

M bungu alum nyaa tong-n, eji ń lꞌbel elkoono tib go egame esi. Go njini nyia ḿ bahke jo bel afemfem. Kana jo tiiri, me n ga njini nyia.”

NWER NYI POL NYONO TV ANEB ERO BA LI GO ROM 3:5

Alum nya n yahke bung a, n kpꞌbungu go mbang nyi ane kpo bung. Anv, abꞌbi enyahre lꞌtib re, Esowo li nne no ma li eno, e li ma bung re, Esowo ebsoodo, eji á kak-r erema?