2 Korint 5:9 - Ekajuk New Testament

⁹ Fvfo, afi e jolo go etahk, afi e fere tahme na etahk sa, e kpo nok re wahr lim ji kpo kor-e.

2 Korint 5:9 Referans Kwoze

Kolosa 1:10

E kpo kak ero re, wahn lim eljini ni bahke fuumu a ni Ntul a Jisos, ni kpo kor-e ngare anyehng anyehng, wahn fere jo kab akab go nnoobo eltum anehng anehng ni ń kpꞌlimi, fere jo gbal go elkahne ni Esowo,

NWER NYI POL NYONO TV ANEB ERO BA LI GO ROM 14:18

Nne lꞌloko Kraist go mbang nyia, Esowo bahk-e koko, ane bahke jo tehk-e tehk.

2 Pita 3:14

Akpondahme wahn, eji ń kpꞌjehke sik efung bio, jo gbehden, wahn kꞌbel ebꞌbi ajehng ajehng go esamahr Esowo. Jolen go elkoono!

1 Timoti 4:10

Esi jia ji wahnge e kpꞌgbehde, ane kp-r nyame egban. Tibre e kpꞌkunu Esowo ekpu bi li go elkpin, ye ji kpo le ane kpee, asehngesehnge ane ba ma taame tv-e.

1 Tesalonaika 4:11

Jo noken, wahn bel nnaange eljini, kꞌjo kak anyo go afem ane, wahn fere jo lim eltum, jo le elnahne, ana e tong-n no,

1 Tesalonaika 4:1

Abonanee, ń jo kpili go egahre ana ḿ bahke jo lim eljini ni kpꞌkoro Esowo. Ano wo ń kpꞌlimi. Anv, n kp-n gohro gboongo, fere jo rehk-n go mbing nyi Ntul a Jisos re wahn jo lim sehnge ano.

1 Korint 15:58

Owo abonanee, nobo re wahn jo yiimi tꞌtahne, eji nne lꞌki-n ma nyeenge go mbang anyehng anyehng. Yelen kꞌkahb go eltum Esowo, wahn jo lim, eji ń kpꞌkahne re, eltum ni ń kpꞌlimi ka Ntul ewahre, ń nehme lim mbol mbol.

NWER NYI POL NYONO TV ANEB ERO BA LI GO ROM 15:20

Ntir enyame ga li re, me n song tiingi nnoobo etib go adi nya bo kala kahn mbing nyi Kraist, eji n lꞌkꞌjol ana nne no kpo si kunu go nnahb ekahme nyi nne nondiki ma bum.

NWER NYI POL NYONO TV ANEB ERO BA LI GO ROM 14:8

Afi e li go elkpin, e li ka Ntul Esowo. Afi e kpo na, e kpo, ka ye. Afi e li go elkpin, afi e fere kpo na, e li ka Ntul Esowo.

Eltum 10:35

Nne awohng awohng no lꞌfahl-e, fere lim mbang nyi kpꞌnobo, á bahk-e koko.

Hibru 12:28

Owo fvfo nobo re wahr kak saam, wahr ji bahke bele ejahbetul ji lꞌkꞌma gbehke. Nong, wahr jo kak Esowo go mbang nyi bahk-e koro, a ekpunu, a elfahle elfahle.

Hibru 4:11

Nong, wahr noken, eji e lꞌyel edi erekekv jio, nne awohng awohng kꞌgbo ana ane bao gbo no tib go bo ekꞌtaame.

Kolosa 1:29

Nsol nyia nyi wahnge n kpo gbehd, fere jo nꞌnok go nsahm nyi Kraist ka-m no, nyi li egburu nsahm go egame atahng.

2 Korint 5:8

Wahr ebbob eltim. Tibre bahk-r koro re wahr yake etahk ji li ngubjing nyia, fere song woomo go etahk ji Esowo.

2 Korint 5:6

Fvfo, e kpo bel esahb ngare anyehng anyehng. E kpꞌkahne re, eji e kpeke li go etahk ji li ngubjing nyia, e ka si rꞌrehng etahk ji Ntul Esowo.

NWER NYI JON 6:27

Kana kpe nyennge, jo lim eltum ni ḿ bahke bele nsol alehke nyi bahke tane na. Jo noken mbang nyi ḿ bahke bele nsol alehke nyi bahke jolo go njinanjini, nyi Mmon no nne bahk-n kake. Tibre ye wo, Esowo Nsoo m-e kak elliingi nio ni nsahm enye.”

Efesus 1:6

eji bo lꞌtehk ellub ni nnoobo enye nyi á yar-r no, eji á ka-r akor-m mmon ewe.