2 Korint 5:6 - Ekajuk New Testament

⁶ Fvfo, e kpo bel esahb ngare anyehng anyehng. E kpꞌkahne re, eji e kpeke li go etahk ji li ngubjing nyia, e ka si rꞌrehng etahk ji Ntul Esowo.

2 Korint 5:6 Referans Kwoze

2 Korint 5:1

Tibre e kpꞌkahne re, ebkpatahk bi e wob a, bi li ngubjing enyahre nyi e li a nyi go njini nyia lꞌrannge, e kpi etahk ji Esowo si no, ji nne ki si go abo, ji bahke jolo go njinanjini go ejahbetul Esowo.

Hibru 11:13

Ane bao kpee kpꞌkpo a eltaame eltaame ebo. Bo belem ji Esowo nyame tong bo. Bo jo nyehne na fee, fere jo kak Esowo nnyo go ejum jio, fere jo taame re, bo ajenne nya, a ajahmjahm go njini nyia.

Ellennge 1:9

Me wo li Jon mmonanne ejahne ji kpꞌtob nyehn erem a nahne, me n tob li etul bꞌnehm bi wahn ma li, fere kpꞌtob kpuumu erem a nahne, eji e li ka Jisos. Bo rod-m rod kak go ejahbe ji li go elka alahb, ji bo kpo lung re Patmos, tib go esi ji alum Esowo nya n jo bung, a ntianse nyi n jo yiimi ka Jisos.

1 Pita 5:1

N kpꞌrehke anebkul ero ba wob go egahne ellong, eji me n tob li nnenkul ero, n fere jol ntianse, n nyehne ana Kraist nyehne erem go egame amahr. M bahke tob jol go ellong ane ba bahke bele ellub ni Esowo bahke lennge.

Hibru 10:35

Kana yake Esowo abumu go etingitingi! Tibre bahke kake nne egburu eltuuru.

2 Korint 5:8

Wahr ebbob eltim. Tibre bahk-r koro re wahr yake etahk ji li ngubjing nyia, fere song woomo go etahk ji Esowo.

Hibru 13:14

Tibre e kpimm ejahbe go njini nyia, ji bahke jolo ano ano, e kpꞌsebe na ejahbe ji kpꞌbake.