2 Korint 4:6 - Ekajuk New Testament

⁶ Tibre Esowo bꞌnehm bi bungu re, “Ellennge jol go ejannge,” bꞌnehm bi ma kak ellennge go egahra ntim, nio ni elkahne ni ellub ni Esowo go esamahr bi Kraist.

2 Korint 4:6 Referans Kwoze

1 Pita 2:9

Wahn ba li akahmekahme ane ba Esowo ma jak, wahn ba li abalimajom ba Ntul Esowo, ba li ebo ebo, ba li ka Esowo ntahngtahng. Esowo ma-n yehke re wahn tib nnoobo eljini ene. Esowo bꞌnehm bi lung-n no, yehke go ejannge, fere ko-n, ba a nahne go ege a nkpokosi ellennge.

2 Pita 1:19

Ellum nio ebkpe yiimi ebung ji abanyehnamahr Esowo njahm gbalee, ji ji nobo re wahn jo kunu ekpu, tibre li ana etꞌrekahng ji kpꞌyake go edi ejannge tete efungfu se, elonlo ji efungfu kehme elyake go egahna ntim.

Efesus 5:8

Tibre wuku wuku ń jolo ejannge. Anv, wahn ebjol ellennge, tib eji ń li ajehng a Ntul a Jisos. Jo jenen ana abon ba ellennge.

2 Korint 4:4

Bo li ane ba kil eltaame, owo wahnge ebꞌbi Ntul no njini nyia ma wa bo amahr, eji bo lꞌkꞌjo nyehn ellennge ni nnoobo etib bi ellub ni Kraist, ye ji li go elfoongo ni Esowo.

Hibru 1:3

Á kpꞌyake tib ellub ni Esowo. Á li na li ful ful fuul ana yefono Esowo. Alum enye nya kpi nsahm nyi kpꞌwahnge nsol kpee kpꞌjene go nseenge. Eji á ma ru ane, bo ma bar go bo abiafem, owo á kehm song ji go eboblum Esowo bi gbale sehng, bi li go ero.

2 Korint 3:18

Wahr ane kpee ba abomo ma-r laade go esamahr, e kpꞌseenge ellub ni Esowo. Esowo kpo yaang-r, bomo go ellub nehko, song rehng a ni ga gbal, ano ano tete e jol go ege elfoongo. Jia kpo lohng goji Ntul Esowo bi li Etingi Etohko.

NWER NYI JON 11:40

Jisos kehm-e faange re, “Wa n tongem re, a lꞌtaame, a bahke nyehne ellub ni Esowoa?”

Kolosa 1:15

Kraist wo li efꞌtu ji Esowo bi nne lꞌki-e ma nyehn. Ye wo li nne no gbo mbang jini, njini kehm jolo.

Efesus 1:17

Esowo bi Jisos Kraist Ntul ewahre, bi li nde no kpi ellub, ka-n etohko ji elkahne, a ji bahke lennge Esowo ka-n, eji ń lꞌkahn-e.

NWER NYI JON 1:14

Ellum nio ni ba siingi nne, fere lene tob-r. Wahr ebnyehn ellub ene, ellub nio ni Nde ka Mmon mmon awohng ewe, no ma gbal go nnoobo, a etingitingi.

1 Pita 1:12

Esowo lennge ka abanyehnamahr bao re, etib bio jolem ka bo, li ka wahn. Etib bia bi li nnoobo etib bi abungalum Esowo tiing-n no. Nnoobo etib bia, Etingi Etohko ji tumu go ejahbetul Esowo tv. Jol babenjel bahke tob kor bo re, bo tob fahng, eji bo lꞌtob kahn nsol nyia.

Filipai 2:6

ye ji jolo go ellub ni Esowo. Á rodem eljolo ni á ma jol jang jang a Esowo bum ana ejum ji bahke jolo ka yefono antahng.

NWER NYI JON 12:41

Aisaya bungu alum nyaa, tibre á nyehne ellub ni Mesaya, fere bung bada ne.

NWER NYI LUK 10:22

Nsoo ebyake ejum ajehng ajehng kak-m go ebo. Nnene nehme kahn nne no Mmon li no, sehngem Nsoo ntahngtahng wo kpꞌkahne. Nnene nehme tob kahn nne no Nsoo li no, sehngem Mmon wo kpꞌkahne, a nne no Mmon bahke lennge Nsoo ka-e.”

Eltum 26:18

A bahke bo amahr lennge, eji bo lꞌfere lohng go ejannge, feere ga ellennge, eji bo lꞌfere lohng go elwo ni nnehm, feere goji Esowo. Bo lꞌfere taame tv-m, bo bahke bele eltahmeka go bo abiafem, fere bel eyake go ellong ane ba Esowo ma yehke.’

1 Korint 12:8

Etohko jꞌnehm ji kpo lim nne noko jo bung alum nya nne a ngbere, jꞌnehm ji kpo tob lim nne noko jo bung alum elkahne,

2 Korint 2:10

Nne awohng awohng no ń lꞌtahm ka-e, m bahke tob tahm ka-e. Lꞌjol re, ejum lꞌlohko jol ji nne noo sood-m no, ejum jio, me n tahm ka-e go esamahr bi Kraist tib go egahne esi,

Efesus 1:18

N kpꞌkake ero re, ntim enyahne lennge, a amahr enyahne, eji ń lꞌkahn ekunukpu ji Esowo ka-n no ngare nyi á lung-n no, fere kahn afang nya ellub ni nsol elehke elkv enye kpi no, nyi ane ebe bahke bele,

1 Tesalonaika 2:12

wahn jo lim eljini ni fuumu a ni Esowo bio bi lung-n no re wahn song kuumu go ege etul, fere bel ellub ene.

Hibru 6:4

Anv, ane ba wuku wuku jolo go ellennge ni Esowo, ba ma gbo, lohng go abo nya Esowo, bo bahke limi renan, kehm feere, kpe ba gbo ndon? Bobwuungu ayare nya lohngo go ejahbetul, fere bel etohko ji Esowo, a aneb Esowo.