2 Korint 4:11 - Ekajuk New Testament

¹¹ Eji e kpeke li go elkpin, e li ane ba kpi ntaame ntaame elkv tib go esi ji Jisos, eji ane lꞌnyehn elkpin ni Jisos go egahre agubjing nya bahke kpoko.

2 Korint 4:11 Referans Kwoze

1 Korint 15:49

Ana e li anv go elfoongo ni nne no Esowo mong-e go ndi, ano wo fvfo e bahke tob jol go elfoongo ni nne ejahbetul Esowo noo.

NWER NYI POL NYONO TV ANEB ERO BA LI GO ROM 8:36

Ana nwer Esowo bungu no re, “Tib go ega esi wo e kpꞌkpoko efung kohro kohro. Bo kp-r bumu ana ejoro bi bo bahke wulu.”

2 Korint 5:4

Tibre eji e kpeke li go ngubjing nyia, e kpꞌtahnge etahng, tib eji e kpꞌsolo egburu elsol. Jia lohngem re, e kpꞌsebe re wahr lud ngubjing nyia bum, e kpꞌsebe re wahr kak ngubjing nyio nyi ejahbetul Esowo, eji ngubjing nyi kpi elkpin lꞌtane ngubjing nyi bahke kpoko.

1 Korint 15:31

Abonanee, n kpꞌkpoko efung abehng abehng. N kpꞌbungu jia tib go elgeere ni n kpꞌgeere kak-n, eji n li ka Kraist Jisos Ntul ewahre.

NWER NYI POL NYONO TV ANEB ERO BA LI GO ROM 8:11

Etohko ji nne no nyahme Jisos go elkv lꞌwoom-n go egahne atahng, owo nne no nyahme Kraist Jisos go elkv bahke koko etohko eje ji wob-n go egahne atahng, ka agubjing enyahne nya bahke kpoko elkpin.

2 Korint 4:10

Ngare anyehng anyehng e kpo sol elkv ni Jisos kpo no go egahre agubjing, eji ane lꞌtob nyehn elkpin ni Jisos go egahre agubjing fvfo.

2 Korint 4:12

Etingitingi, elkv wob-r go atahng, kpi eltum ene lim, ana elkpin wob-n go egahne atahng, kpi eltum ene lim.

2 Korint 6:9

Bo kpo ko-r ana ane ba bo ki nyi bo, na nyehne ga, ane kpee kp-r kahne. Bo kpo ko-r ana ane ba kpꞌkpoko, na ga, e li go elkpin. Bo kp-r kake erem, jol e ka tiki kpo.