2 Korint 3:6 - Ekajuk New Testament

⁶ Esowo bi ma-r ka nsahm re wahr jol alokeltum ba egbanngalung ji nfenfe ji ki li go atahm abumu, ji li egbanngalung ji etohko. Tibre atahm kpo wul na, etohko ji kpo ka elkpin.

2 Korint 3:6 Referans Kwoze

NWER NYI JON 6:63

Etohko ji kpo ka elkpin, ngubjing o mbol mbol wo. Alum nya m ma bung tong-n li etohko etohko, a elkpin.

NWER NYI POL NYONO TV ANEB ERO BA LI GO ROM 7:6

Wo anv, wahr ebfor go atahm, eji e ma kpo, lohng go elwo ni ejum ji fil-r no, eji e lꞌkꞌkpe loko Esowo go nkꞌkula mbang ana nyi bo nyono go atahm, e lꞌfere lok-e go mbang nyi nfenfe nyi etohko ji Esowo kpo tib.

NWER NYI POL NYONO TV ANEB ERO BA LI GO ROM 8:2

Tibre ntahm nyi etohko jio ji kpo ka elkpin ni Kraist Jisos, nyi nyi ma-m lim, m ma for go ntahm nyio nyi abiafem, fere for go elkv.

Hibru 12:24

Wahn ebba goji Jisos ji li nkonambum no egbanngalung ji nfenfe. Wahn ebba go edi ji bo ma madde alung eme ma kpꞌbungu bada nsol nyi ga nob sehnge ma Ebel.

Hibru 7:22

Owo wahnge Jisos ma fere jol nne no ma wahng egbanngalung ji ga nob ma yiimi.

2 Korint 3:14

Asi ebo tꞌtahne. Tibre bo lꞌlung awer nya nkꞌkulu egbanngalung, mbomo mꞌnehm mi ma tob bulu amahr ebo tete ba rehng anv. Bo lꞌsi tꞌtaame tv Kraist, owo bahke lennge bo.

1 Korint 15:45

Tibre nwer Esowo bungu re, “Ngbokambang a nne no bo jo lung-e re Adam, Esowo lim-e, ka-e elkpin.” Adam jehko ji gohro ba esꞌkohro, á li etohko ji kpo ka elkpin.

NWER NYI POL NYONO TV ANEB ERO BA LI GO ROM 3:20

Tibre nnene limm, no bahke lehke eno go esamahr bi Esowo, tib eji á limi ji atahm bungu no. Tibre Esowo ka atahm, eji ane lꞌkahn re, bo li aneb abiafem.

Hibru 13:20

Nong, Esowo elkoono bi nyahme Ntul a Jisos go elkv, ji li egburu mbaabebul tib go alung ma egbanngalung ji li go njinanjini

NWER NYI LUK 22:20

Eji bo ma li nsol mal, go mbang nyꞌnehm nyi á tob ka bo nkob, fere bung re, “Nkob nyia nyi li egbanngalung ji nfenfe tib go alung emame ma kpꞌfabe ka-n.

1 Korint 11:25

Eji bo ma li nsol mal, á kehm kpe rod nkob, kehm bungu re, “Nkob nyia nyi li egbanngalung ji nfenfe ji alung emame. Jo limen ana go egame elbuumu ngare anyehng anyehng nyi ń lꞌjo wo go nkob nyia.”

Matiu 13:52

Á kehm tongo bo re, “Owo wahnge ntꞌtibi no atahm awohng awohng no ma jol ntꞌtoono Esowo, no ma kpili bade etul bi Esowo, á li ana nfontahk no kpo yehke nsol afang enye go elkohl, nyindiki nsol nfenfe, nyindiki akꞌkulu nsol.”

1 Pita 3:18

Tibre yefono Kraist tob nyehne erem nkpel anyehng, tib esi abiafem. Nnooba nne noo nyehne erem ka wahr abi ane, eji á lꞌko-r song ka Esowo. Á kpo go ngubjing, fere bel elkpin go etohko.

1 Timoti 4:6

A lꞌko erehke jia ana, fere jo rehke aneb Esowo, a lohko li nnooba nlokeltum no Jisos Kraist, ana a ma le elna go alum nya ekakesehk, a eltibi ni nno a nno, ni a kpꞌtoono.

Efesus 3:7

Esowo lim-m re me n jol nlokeltum no nnoobo etib bio tib go nnoobo nyi á yar-m no, eji nsahm enye jo tib edu.

Galesa 3:21

Anv, atahm kpehme koono a enyam bi Esowoa? Eꞌee. Li re Esowo ka atahm nya bahke ma ka ane elkpin, kehn ane bahke lehke eno tib go atahm abumu.

2 Korint 3:7

Ngare nyi egbanngalung ji Esowo ka atahm enye nya kpo ko elkv ba a ni, nya á fiki go atal, á tibi egburu ellub ene ni wahnge abone Israel ki jo ma seenge esamahr Moses tib go elnyane ni jo nyane. Elnyane nio jo remme na asongo.

1 Korint 12:28

Go ero, Esowo gbo mbang yehke abatiingetib, kehm kpe yehke abanyehnamahr, fere yehke atꞌtibi, go ane ba kpo lim akpokosi, go ane ba kpo lim ane nob ayam ebo, a ane ba kpo kak ebo go eltum, a ane ba kpo fili ane, budu ane ba kpo bung ajoobo ajahbe nya nfenfe.

1 Korint 3:5

Nne awo li li Apollos? Nne awo li li Pol? Bo alokeltum Esowo ba, bo ba wahnge ń taame tv Esowo. Bo, nne awohng awohng kpꞌlimi eltum ni Ntul ka-e re á lim.

NWER NYI POL NYONO TV ANEB ERO BA LI GO ROM 4:15

Tibre atahm kpo ko erakatahng ji Esowo ba a ji. Edi ji atahm ki li, owo atahm agboko kil jo jol.

NWER NYI JON 5:21

Ana Nde kpo nyahme ane go elkv, bo fere bel elkpin, ano wo fvfo Mmon bahke tob ka nne awohng awohng elkpin, no kor-e no.

NWER NYI MAK 14:24

Jisos kehm bungu re, “A wo li alung emame ma egbanngalung ji nfenfe, ma kpꞌfabe ka ane gbalee.

Matiu 26:28

Tibre a wo li alung emame ma egbanngalung ji nfenfe, ma kpꞌfabe ka ane gbalee, eji bo lꞌbel eltahmeka go bo abiafem.

2 Korint 3:9

Egbanngalung ji kpo ka ane ebi lꞌbel ellub ana nio, egbanngalung ji kpo lim nne, á li eno, ellub ene ni bahke ga gbal.

NWER NYI POL NYONO TV ANEB ERO BA LI GO ROM 4:17

Ana nwer Esowo bungu no re, “M ma-a lim re, wo jol nde no ajoobo ane tvv.” Ye wo li nso ejahre go esamahr bi Esowo, bi á taame tv-e, ye ji kpo ka akvne elkpin, fere lim nsol nyi kala jꞌjol.

NWER NYI POL NYONO TV ANEB ERO BA LI GO ROM 1:5

ye ji ma wahnge Esowo ma-r ka nnoobo, fere ka-r eltum ni nnoobo etib atiingi, eji e lꞌwahnge egom ane bandiki go nnahb anyehng anyehng nyi li go njini taame, fere jo wuk Esowo tib esi mbing nyi Jisos.

1 Jon 1:1

E kpꞌnyono Alum nya elkpin tv-n, nyao nya jolo go mboma mbomo, nya e ma wuk, fere nyehn go egahre amahr. Wahr ebnyehn, fere kooro go egahre abo.

2 Timoti 1:11

Esowo ma-m yehke re me n tiingi nnoobo etib bio, fere jo bung alum enye, fere tob jo tib ane.

Efesus 2:5

á ma-r ka elkpin a Kraist, jol eji e jolo jol ane ba kpo no, tib go egahra nsoodo. Tibre nnoobo nyi Esowo nyi wahnge ḿ ma bel eltahre.

1 Korint 3:10

Nnoobo nyi Esowo ma-m ka, nyi nyi m ma ko bum nnahb ekahme nyia, ana etingitingi nsehketahk no nno a nno. Nne noko kpꞌlange ero. Nong, nne awohng awohng jo kunu ekpu ana á kpꞌlange.

Efesus 2:1

Wuku wuku ń jolo ane ba ma kpo, tib go egahna nsoodo, a abiafem,

2 Korint 3:3

Eblohko tib re, wahn ba li nwer nyi Kraist ko-r nyon. Á nyonem go alahb nwer, á nyono go etohko ji Esowo bi li go elkpin. Á fikem go atal, á nyono kak go ntim ane.

2 Korint 11:23

Anv, bo alokeltum Kraist baa? N kpꞌkpeke bung ana ngbokesahl. Me wo ga li nlokeltum no nno sehnge bo. Me n lim eltum sehnge bo. Me wo ga woomo ngbekobo sehnge bo. Bo ma-m dv gbalee. Nkpel tvv elkv jo jol a name kpidi kpidi.

Hibru 8:13

Eji Esowo jo bung bade egbanngalung ji nfenfe, eblohng re, yebrod ngbokambang egbanngalung bum ana nkꞌkulu ejum. Ejum ji ma kehme elkulu, ngare nyi ma gohro kul, bahke gulu eltane.