2 Korint 11:12 - Ekajuk New Testament

¹² M bahke soro asi, jo lim ji n kpꞌlimi anv a, eji n lꞌkpan abatiingetib bao ba kpꞌsebe mbang nyi bo bahke woro anyo re, bo kpꞌlimi eltum go mbang nyi wahr kpꞌlimi.

2 Korint 11:12 Referans Kwoze

1 Korint 9:12

Anv, ane bako lꞌbel nsahm nyi bo kpo ko nsol enyahne, wahr mee? Wahr ebyake nsahm enyahre bum go. Ga nob re wahr nyehn erem abehng abehng, sehnge re wahr gbahk eti, sahd mbang nyio nyi nnoobo etib bi Kraist.

1 Timoti 5:14

N kpꞌsebe re akalebun ba kala kul, bal alum, jel abon, fere jo kuuru nlaaga ebo, kꞌjo ka nnehm eyake re á jo bung ebi bada nahre.

Galesa 1:7

Lohngem re nnoobo etib bindiki bia. Ane bandiki ba kpo lim re amahr jo bil-n, bo ba kpꞌsebe re bo yaange nnoobo etib bi Kraist.

2 Korint 11:18

Tibre ane gbalee baa, ba kpo wor nnyo kunu go nsol nyi njini nyia. Owo wahnge m bahke tob wor nnyo fvfo.

2 Korint 11:9

Ngare nyi n jolo a nahne, eji nsol rin-m no, n tokkem nne awohng awohng. Tibre ejum ajehng ajehng ji rin-m no, abonanee ba lohngo go Masedonia ba, bo ba ba ka-m. Eji n ki-n tokko go mbang anyehng anyehng, ano wo n lꞌki-n tiki tokko tete asongo.

2 Korint 10:17

Ana nwer Esowo bungu no re, “Nne no lꞌgeere, nong, á jo geere kak Ntul Esowo.”

2 Korint 5:12

E nehme kpe tehk elnahre go egahne esamahr, e kp-n tibi na mbang nyi ḿ bahke jo geere kak-r, eji ń lꞌmal jo faange ane ba kpo geere kak nsol nyi nne kpꞌnyehne, ba kil jo geere kak nsol nyi wob go eltim nne.

2 Korint 1:17

Anv, eji n jo tir ano, n li nnyaangannyo a nnea? Anv, n kpo toobo ntoobo enyame ana nne a njini no kpo taame, fere ten tvtva?

1 Korint 5:6

Elgeere enahne ni ń kpꞌgeere nobem. Ń ka wuk a wuk elgan ni bungu re, “Abonsꞌsohko amohk ayist kpo lim ebred kohro kohro tunga?”

Matiu 26:16

Bomo ngare nyio asongo, Judas kehm kehme mbang seb ana nyi á bahke jabbe Jisos ka bo.