2 Korint 10:8 - Ekajuk New Testament

⁸ Tibre n nehme be ndon, jol afi n woro nnyo sehng ana kehn n jol woro kunu go nsahm nyi Ntul Esowo ma-m ka re me n lim-n, wahn gbal. Me á kaam re me n lim-n, wahn rannge.

2 Korint 10:8 Referans Kwoze

2 Korint 13:10

N kpꞌnyono nsol nyia, eji n ki li a nahne, eji n lꞌba, n lꞌkꞌba bib a nahne tib go nsahm nyi Ntul Esowo ma-m ka re me n jo lim ane, bo gbal. M-e á kaam re me n jo lim bo, bo rannge.

2 Timoti 1:12

Esi jio ji wahng ka, n kpꞌnyehne erem bia. N nehme be ndon go nsol nyio. Tibre n kpꞌkahne nne no m ma taame tv-e. N kpꞌsahb kꞌkahn re, á bahke ma kuuru ejum jio ji á ma-m kak go ebo tete rehng go efung bio.

Galesa 1:1

Me Pol wo ji li ntiingetib no nne ki-m tum. Jisos Kraist, a Esowo Nsoo bi nyahm-e go elkv, bo ba tum-m. Bo sehngem goji nne.

2 Korint 13:8

Tibre e nehm ma kpan etingitingi. E li ka etingitingi.

2 Korint 12:6

Lꞌkor-m re me n wor nnyo, n gboolem na, tibre etingitingi ji kehn n jol bungu. Me n yake nnyo aworo bum go, eji nne awohng awohng lꞌki-m jo bum wahre wahre go ege a ntir atahng, á lꞌjo bum-m wahre wahre tib go nsol nyi á kp-m nyehne, n kpꞌlimi, a nsol nyi á wuku go egame.

2 Korint 1:24

E nehme seb re wahr jol atul ebahne, tib eji ń yim tꞌtahne go mbang nyi ń kpꞌtoono Esowo. E kpꞌlimi eltum ano a nahne, eji ń lꞌbel eyebatahng.

2 Korint 7:14

Nsol kpee nyi n tong-e bada nahne, nyi n woro nnyo kun-n, ndon me ń rikem. Ana ejum ajehng ajehng ji e bungu tong-n jolo go etingitingi, ano wo fvfo nnyo aworo emahre mi e woro tong Taitus ma tob jol go etingitingi.

2 Korint 7:4

N kp-n sahb bꞌbum go etingitingi. N kpꞌsahb gꞌgeere kak-n. Esowo ma-m kak eltim gbalee. Tvtv go erem abehng abehng bi e kpꞌnyehne, n kpꞌbele na eyebatahng budu.

2 Korint 10:4

Tibre nsol ebta nyi wahr kpo ko, nok ebta limm nsol ebta nyi njini, li nsol ebta nyi Esowo nyi kpi nsahm nyi bahke ma rannge ekum abehng abehng,

2 Korint 10:9

N nehme seb re wahn tir re, n kp-n nehke na go egame awer nya m ma nyon tv-n.

2 Korint 12:19

Go nsol nyia kpee, ń kpꞌtiri re, e kpꞌbungu yehke elnahre go egahne esamahra? Akpondahme enyame, e kpo bung ana ane ba li ka Kraist go esamahr bi Esowo. Tibre ejum ajehng ajehng ji e kpꞌlimi, e kpꞌlimi, eji ń lꞌgbal.